Иако вакцината против Ковид-19 е светло на крајот од тунелот по 2020 година, бројот на заразени со коронавирус во Франција сè уште е алармантен. Регистрирани се 22.086 нови случаи на коронавирус, објавија француските здравствени власти.

Поради денешното ненадејно зголемување на повеќе од 4.000 заболени во споредба со вчерашниот ден, и близу до бројот забележан минатиот вторник, расте стравот од третото национално затворање, според агенцијата „Ројтерс“.

Расте и бројот на пациенти на интензивна нега, што е поголем од 3.000 втор ден по ред.

Кога бројот на пациенти на интензивна нега ќе биде помал од 3.000, тоа ќе биде знак дека владата може да попушти некои ограничувачки мерки на второто национално затворање, кое е на сила од 15 декември.

Во Франција, која е на шестото место во светот по бројот на заразени со коронавирусота, се разболе вкупно 3.079.043 лица.

Од последниот пресек во Франција  починале уште 612 лица. Вкупно 74.106 лица починале како резултат на зараза со коронавирус.

За вакцинирање против коронавирусот во Кина досега се употребени околу 22,8 милиони дози вакцини, а во тек е кампања на национално ниво за спречување на ширењето на инфекцијата пред лунарната Нова година во февруари и очекуваното зголемување на патувањата, пренесува „Ројтерс“ .

„Генерално, работата напредува непречено и уредно“, рече заменик-директорот на Националната здравствена комисија Зенг Јиџин пред новинарите, зборувајќи за кампањата за имунизација.

Кина има намера да вакцинира 50 милиони луѓе пред лунарната Нова година во февруари, објави кинески „Глобал тајмс“ во јануари.

Кина ја прошири својата насочена програма за имунизација од средината на декември за да вклучи повеќе приоритетни групи со поголем ризик од пренесување на вирусот, во обид да спречи ширење на инфекцијата во текот на зимата и пролетта.

Националната програма за вакцинација сега фаворизира клучни ризични групи како што се вработени во медицински установи, јавен превоз и услуги за храна, како и деловни луѓе и студенти кои одат во странство.

Кина забележа најниско дневно зголемување на случаи на Ковида-19 за повеќе од две недели, според официјални податоци, а здравствените власти соопштија дека 75 новопотврдени случаи биле пријавени на 26 јануари, што е помалку од 82 дена порано, а најниско дневно зголемување на 11 јануари.

Најголем број на локално пренесени инфекции е регистриран во североисточната провинција Хеилонгјанг.

Вкупно 89.272 случаи се потврдени во Кина за време на пандемијата, а починаа 4.636 лица.

Најактивниот вулкан во Индонезија, Мерапи на островот Јава, повторно почна да испушта облаци со врела пареа и топла лава кои се спуштаа низ падината во должина од 1.500 метри.

„Тоа беше најдолгиот проток на лава на планината Мерапи откако властите го подигнаа нивото на опасност од овој активен вулкан во ноември“, рече Ханик Хумаида, шефица на Центарот за вулканологија и геолошко ублажување на опасностите, пренесува „Ројтерс“.

Mount Merapi spews volcanic materials in Yogyakarta, #Indonesia , as it continues to erupt on Tuesday. #volcano pic.twitter.com/6EYCUXmS3X |@chinadailyworld

— IG: Merapi Uncover (@merapi_uncover) January 27, 2021

Засега, нивото на готовност е на второто највисоко ниво, рече таа и истакна дека населението треба да се држи настрана од постојната опасна зона од 5 километри околу кратерот.

Најактивниот индонезиски вулкан на планината Мерапи со надморска височина од 2.968 метри се наоѓа на густо населениот остров Јава и во близина на градот Јогјакарта, а во последно време еруптираше неколку пати со облаци лава и гас.

За време на неговата последна голема ерупција во 2010 година, загинаа 347 лица, а 20.000 жители беа евакуирани.

Индонезија, архипелаг со повеќе од 250 милиони жители, се наоѓа во таканаречениот огнен појас на Пацификот, област на силна сеизмичка активност и вулкански ерупции, во која научниците следат повеќе од 120 активни вулкани, наведува агенцијата.