Само неколку часа пред американската војска да започне со напади врз Иран, Доналд Трамп беше снимен како им се придружува на гостите на донаторска вечер во неговиот хотел Мар-а-Лаго синоќа. Видеата што се појавија го покажуваат Трамп во опуштено расположение непосредно пред воената операција.

Last night before bombs fell in Iran, President Trump made an appearance at a fundraiser at Mar-a-Lago and danced to the song "God Bless the USA" before bidding the guests farewell.

“We gotta go work. I gotta go to work!” pic.twitter.com/jU9ZZxYyaQ

— Charlie Spiering (@charliespiering) February 28, 2026

Една снимка, до која дојде Дејли Меил, го покажува Трамп како се ниша на песната „God Bless the USA“ од Ли Гринвуд во балска сала додека гостите пеат заедно. Друго видео, објавено од корисникот на Инстаграм Ник Шефер, исто така го покажува Трамп како се движи во ритам на музиката.

Во еден момент, тој им се обраќа на гостите. „Сите да се забавувате“, вели Трамп. „Ние мораме на работа, јас морам на работа“.

Шпанскиот премиер Педро Санчез остро ги осуди нападите на САД и Израел врз Иран, предупредувајќи дека тие би можеле да ги зголемат тензиите во регионот и да придонесат за „понесигурен и непријателски расположен меѓународен поредок“. Одговорот на Мадрид беше подиректен од многу други светски лидери, кои најчесто повикуваа на воздржаност и почитување на меѓународното право без директно да ги критикуваат САД или Израел, објави Euronews.

Rechazamos la acción militar unilateral de EE.UU. e Israel, que supone una escalada y contribuye a un orden internacional más incierto y hostil.

Rechazamos igualmente las acciones del régimen iraní y de la Guardia Revolucionaria. No podemos permitirnos otra guerra prolongada y…

— Pedro Sánchez (@sanchezcastejon) February 28, 2026

„Ја отфрламе едностраната воена акција на САД и Израел, што претставува ескалација и придонесува за понесигурен и непријателски расположен меѓународен поредок“, напиша Санчез на социјалната мрежа Икс.

Неговата изјава дојде по серијата напади од страна на САД и Израел низ Иран. Целите наводно вклучувале објект во центарот на Техеран за кој се верува дека е резиденција на 86-годишниот врховен лидер на Иран, Али Хамнеи.

Американската војска не претрпе жртви во борбените дејствија откако Иран одговори на американско-израелските напади со стотици ракети и беспилотни летала, соопшти во саботата Централната команда на САД.

Во исто време, иранските медиуми, повикувајќи се на Црвената полумесечина, објавија дека 201 лице загинале во израелските и американските напади во 24 провинции.

Американската команда соопшти дека иранските контранапади предизвикале минимална штета на американските инсталации и дека тоа не влијаело на операциите.

Според војската, целите на нападите биле командни пунктови на иранската армија и Револуционерната гарда, како и објекти за лансирање ракети и беспилотни летала.