Русија е најголемата закана и се обидува да го наруши либералниот светски поредок, а најдобар начин е да се запре е силен сојуза меѓу Соединетите држави и Европската унија, тврдеше во средата американскиот потпретседател на заминување Џозеф Бајден, пренесуваат агенциите

Обраќајќи има се на учесниците на Светскиот економски форум во швајцарски Давос, американскиот потпретседател Џозеф Бајден ги продолжи серијата обвинувања од администрацијата на заминување на американските демократи дека Русија наводно се обидува да ја уништи Европската унија, и поради тоа смета дека е неопходно да се „предупреди Европа за најверојатното вмешување на Москва во претстојните изборни кампањи во неколку земји на ЕУ“.

Станува збор за Германија, Франција, Холандија и Чешка, каде одредени фаворити најавуваат преиспитување на досегашните политики во однос на Русија.

„Траба да очекуваме нови обиди на Русија да се вмеша во демократските процеси. Тоа повторно ќе се случи, ќе видите“, тврдеше Бајден.

Според него, рускиот претседател Владимир Путин го користи секое средство за да ја поткопа ЕУ и да предизвика несогласувања меѓу западните земји. Бајден повторно ја обвини Москва за наводно мешање во војната во Украина, како и нејзините наводни хакерски напади кои влијаеле врз американските избори.

„Целта е јасна: колапсот на либералниот меѓународен поредок. САД и ЕУ мора да ја предводат борбата за заштита на либералните вредности“, рече Бајден истакнувајќи дека НАТО мора да остане клучен елемент на американско-европските односи./крај/мф/сн