Европа
„Билд“: Германија планира да ја ограничи продажбата на алкохолни пијалаци поради коронавирусот

Германските медиуми пишуваат дека Берлин има намера да ги спречи приватните забави и да ја ограничи продажбата на алкохолни пијалаци во борбата против пандемијата.
Меркел неодамна предупреди дека бројот на нови дневни случаи може да се искачи на 19.200 до Божик. По разговорите меѓу шефовите на државите и канцеларката Ангела Меркел, се очекува германските власти да предложат низа построги ограничувачки мерки.
Според новинската агенција ДПА и весникот „Билд“, кои добија пристап до нацрт-одредбата, сојузната влада сериозно размислува за мерка со која приватните забави ќе бидат ограничени на 25 лица или 50 на јавни места.
Во нацртот се споменува и забрана за продажба на алкохол во одредено време од денот во ресторани и барови во области со голем број инфекции, пишува ДВ.
Нацртот на сојузната влада исто така повикува на построги мерки за следење на контактите и обезбедување точност на информациите. За време на посетите на барови, ресторани и настани, од граѓаните може да се бара во иднина да ги дадат своите лични податоци и податоците за контакти со цел полесно да го следат ширењето на инфекцијата во случај на епидемија.
Новите регулативи треба да стапат во сила само во градовите и регионите со висок процент на заразени лица, односно каде што се заразени повеќе од 50 на 100.000 жители во период од седум дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин
Европа
(Видео) Балон на топол воздух се урна во Холандија: еден загинат, петмина повредени

Едно лице загина, а петмина се повредени кога балон на топол воздух се урна на ливада во северната холандска покраина Фрисланд доцна синоќа, соопштија локалните власти. Балонот превезувал 34 патници.
„Балонот на топол воздух одеднаш падна околу 21 часот и силно удри на земјата“, соопштија властите на Фрисланд додавајќи дека полицијата почнала истрага за несреќата.
Портпаролот на Кралското холандско воздухопловно здружение изјави за локалните медиуми дека ненадеен налет на ветер предизвикал балонот силно да удри на земјата предизвикувајќи корпата да отскокне и исфрлајќи пет лица од него.