Свет
Борел: ЕУ се соочува со непријателство од муслиманските земји поради нејзиниот однос кон Газа

Шефот на дипломатијата на Европската унија, Жозеп Борел, предупреди дека Унијата се соочува со непријателството на муслиманските земји поради нејзиниот став за настаните во Газа и обвинувањата за двојни стандарди кон Газа и Украина.
Борел ја изрази својата загриженост дека разните ставови на земјите од Европа и Блискиот Исток би можеле да доведат до недостиг на поддршка во Украина на глобалниот југ, како и можноста ЕУ да влијае да инсистира на човековите права во меѓународните договори, пренесува „Ројтерс“.
Тој додаде дека Европската Унија мора да покаже повеќе емпатија кон палестинските цивилни жртви од војната меѓу Израел и Хамас.
За време на турнејата на Блискиот Исток, Борел ги посети остатоците од кибуцот Бери, уништен на 7 октомври, Западниот Брег, Бахреин, Катар и Јордан.
Шефот на европската дипломатија откри дека добил индикации од разговорите со одредени министри на земјите од Блискиот Исток дека Украина нема да ја добие поддршката од тие земји на претстојното гласање во Обединетите нации. Како одговор на критиките Борел истакна дека сите животи се еднакво вредни и ја повика Европа да инсистира на хуманитарна пауза и испорака на помош за жителите на Газа.
Како одговор на арапските барања за итен прекин на израелското бомбардирање на Газа, Борел ја повика ЕУ да почне разговори за резолуцијата меѓу двете земји и да покаже дека членките се грижат за спасување на животите на цивилите во Појасот Газа, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Млада жена од Мексико ја спасила ќерка си од ајкула, па починала

Млада жена од Мексико починала кога била касната за ногата од ајкула во Тихиот Океан во близина на плажа во градот Мелака, соопштија властите во неделата.
Рафаел Араиза, шеф на локалната канцеларија за цивилна одбрана, рече дека нападот се случил на кратко растојание од плажата.
Аријаза рече дека 26-годишната жена пливала со својата петгодишна ќерка кон пловечка платформа за играње на 25 метри од брегот, пренесува „Јаху“.
Жртвата се обидувала да го турне своето дете на пловечката платформа кога ја здогледала ајкулата. Успеала и ќерката не била повредена, но ајкулата ја каснала мајка ѝ за ногата.
Аријаза рече дека и покрај брзата реакција на спасувачите, жената починала од загуба на крв од големата рана при каснување на ногата.
Таа била жител на блискиот град.
Властите како мерка на претпазливост ги затворија плажите Мелака и Бара де Навидад за капење.
Свет
Белата куќа: Ни снемуваат пари за да ѝ помогнеме на Украина во војната со Русија

Белата куќа предупреди дека на САД им снемуваат време и пари да ѝ помогнат на Украина во војната со Русија. Буџетскиот директор на Белата куќа, Шаланда Јанг, го напиша ова во понеделникот во писмо до претседателот на Претставничкиот дом, Мајк Џонсон, и другите конгресни лидери, пренесува „Ројтерс“.
„Сакам да бидам јасна: без акција од Конгресот, до крајот на годината ќе снемаме ресурси за да добиеме повеќе оружје и опрема за Украина и да добиеме опрема од американските воени резерви. Во моментот нема волшебно тенџере со средства за одговор. Снемавме пари – и за малку ќе снемавме време“, напиша таа.
Во октомври администрацијата на Бајден поднесе барање до Конгресот за финансирање од 106 милијарди долари за плановите за обезбедување на границите на Украина, Израел и САД.
Свет
Судење на Нетанјаху за поткуп и измама

Во Окружниот суд во Ерусалим продолжува судењето на израелскиот премиер Бенјамин Нетанјаху по обвинение за корупција, кое беше прекинато заедно со сите други неитни случаи по нападот на Хамас на 7 октомври.
Итната наредба што министерот за правда Јарив Левин ја издаде до израелските судови по избувнувањето на конфликтот со Хамас истече минатата недела, а на повеќето судови им беше наредено да продолжат со нормална работа, пишува „Тајмс оф Израел“.
Нетанјаху во моментот е ослободен од присуство на сослушувања, но може да биде повикан да сведочи за неколку месеци.
Нетанјаху се соочува со обвиненија за поткуп, измама и нарушување на довербата во еден случај и обвиненија за измама и нарушување на довербата во два други случаја.
Тој ја негира својата кривична одговорност.