Европа
Британски научници: Најдолгата инфекција со Ковид-19 траела 505 дена

Најдолгата инфекција со коронавирус кај едно лице, пред да почине од компликации предизвикани од Ковид-19, траела 505 дена, објавија британските научници.
Претходно, имаше податоци за друго лице кое било позитивно на САРС-КоВ-2 цели 335 дена.
Кај повеќето луѓе инфицирани со овој вирус, телото може само да го надмине и да ја победи инфекцијата, но пациентот кој бил позитивен 505 дена, имал сериозно ослабен имунолошки систем и повеќе коморбидитети.
Првиот позитивен тест го имал на почетокот на 2020 година, а потоа пациентот бил позитивен на сите други тестови, сè до неговата смрт во 2021 година.
Истражувачите, кои го проучувале вирусот кај деветмина ковид-пациенти во Лондон, откриле дека нови ковид варијанти може да се појават кај имунокомпромитирани лица.
Научниците од Кралскиот колеџ во Лондон ги претставија своите резултати од истражувањето на Европскиот конгрес за клиничка микробиологија и заразни болести (ECCMID) во Лисабон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кипар од 1 јуни ќе ги укине сите мерки за корона

Кипар ќе ги укине сите ограничувања за коронавирусот од 1 јуни, соопштија денеска властите во Никозија.
Нема да бидат потребни повеќе сертификати или тестови за вакцинација, а владата одлучи да ја укине обврската за носење маски за лице во сите затворени простори, освен во болниците, домовите за стари лица и другите затворени медицински установи, од 1 јуни, пренесува АП.
Европа
Кадиров: Полска може да биде следна

Лидерот на руската јужна провинција Чеченија, Рамзан Кадиров, кој е поддржан од Кремљ, објави видео во кое предупредува дека Полска би можела да биде следна по Украина, пренесува Бета.
Во видеото што го објави на својата страница на Телеграм, Кадиров рече дека Украина е „завршена работа“.
Полска, која граничи со Украина, од почетокот на руската инвазија на Украина и испраќа оружје и друга помош и досега прими милиони украински бегалци.
Кадиров потоа го повика украинскиот претседател Володимир Зеленски „конечно да се вразуми“ и да ги прифати условите понудени од рускиот претседател Владимир Путин.
Кадиров постојано ги користеше социјалните мрежи за да се пофали со наводните настапи на чеченските борци против украинските војници и да дава други непотврдени изјави за војната во Украина, пренесе „Бета“.
Европа
Кулеба: Пристигнува уште тешко оружје од САД

Украинскиот министер за надворешни работи Дмитро Кулеба денеска по телефонскиот разговор со американскиот државен секретар Ентони Блинкен соопшти дека во Украина пристигнува уште тешко оружје.
Тешкото оружје е на врвот на агендата на Киев и ни доаѓаат повеќе испораки“, напиша Кулеба на Твитер.
Досега Вашингтон одбиваше да испорача напредни повеќекратни ракетни системи со долг дострел на Украина поради страв дека тие би можеле да бидат искористени за напад на руска територија, што би го ескалирало конфликтот, пренесе „Танјуг“.