Свет
Бројот на загинати во Турција и Сирија надмина 11 илјади, земјата не престанува да се тресе

Спасувачките тимови продолжуваат со потрагата по преживеани, а бројот на загинати по разорните земјотреси по должината на турско-сириската граница надмина 11.000.
Тој број се очекува да се зголеми бидејќи спасувачките напори на мулинатционалните спасувачки тимови се забрзуваат во услови на ледени и бурни временски услови.
Десетици илјади луѓе беа повредени.
Во Сирија, каде што здравствениот систем и инфраструктурата се уништени од 12-годишната војна, побавно пристигнуваат вестите за бројот на загинати.
Додека тимовите за пребарување и спасување од целиот свет пристигнаа во регионот, турскиот претседател Реџеп Таип Ердоган прогласи тримесечна вонредна состојба во 10-те најтешко погодени провинции.
#BREAKING Death toll from Monday's powerful earthquakes in southern Türkiye rises to 8,574, President Erdogan says pic.twitter.com/H42O81CxVS
— ANADOLU AGENCY (@anadoluagency) February 8, 2023
Ердоган рече дека бројот на загинати во Турција се искачи на 8.574, со што вкупниот број на загинати е над 11.000.
Тешко е да се потврди бројката во Сирија, но нејзините државни медиуми и спасувачката група велат дека загинале околу 2.500 луѓе.
Светската здравствена организација (СЗО) предвидува дека бројот на загинати би можел да се искачи на 20 илјади, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Американски булдог го нападнал сопственикот на игралиште во Англија: реагирала и полицијата

Американски булдог го нападнал сопственикот на игралиште во Англија. Кучето според тамошните медиуми го искасало човекот, а морала реагира и полицијата.
Просторот за спорт беше евакуиран додека полицијата и експертите за животни, вклучително и оние од RSPCA, локалните зоолошки градини и паркот за диви животни, работеа на контрола на агресивното куче, стои во извештаите.
Кучето било задржано во високо ограден простор на игралиште во Торп Вилоуби, Северен Јоркшир.
Ветеринарот морал да му даде на кучето седатив, а потоа животното безбедно било префрлено во одгледувачницата, пренесуваат медиумите.
Сопственикот се здобил со рани од каснување, но никој друг не е повреден, соопшти полицијата во Северен Јоркшир.
Голем број експерти за животни биле контактирани по немилиот настан.
Се истакнува дека кучето тежело повеќе од 50 килограми.
Регион
Вучиќ за Си-Ен-Ен: Србија ги спроведе сите меѓународни обврски, Косово ниту една

Претседателот на Србија, Александар Вучиќ, говорејќи за американската телевизија Си-Ен-Ен, рече дека српската страна ги спроведувала сите меѓународни обврски од Бриселскиот договор, а косовската страна не ја исполнила онаа што ја имала – формирањето на Заедницата на српски општини.
Вучиќ истакна дека од доаѓањето на косовскиот премиер Албин Курти на власт имало 353 етнички мотивирани напади врз Србите, додавајќи дека ова е најголемиот број на вакви инциденти од прогласувањето на независноста на Косово.
“Само оваа година имаше пет пукања врз цивили од српска националност. Србите сакаат само безбедност и сигурност за себе и за своите семејства£, рече Вучиќ.
Тој ги негираше обвинувањата на Албин Курти дека ги уценувал Србите да не гласаат на локалните избори во северно Косово, прашувајќи ја водителката дали некогаш видела легитимни демократски избори на кои излегле нешто повеќе од 3 отсто од гласачите.
Свет
Бебе починало откако родителите го оставиле три часа во жежок автомобил во Флорида

11-месечно бебе починало откако родителите го оставиле во автомобил додека оделе во црква во Флорида.
Полицијата добила повик од баптистичката црква во Палм Беј и извештај за бебе кое не реагирало околу 13 часот во неделата.
Според властите, бебето било оставено во возилото околу три часа додека нејзините родители биле на миса, пишува „Индипендент“.
Таа била пренесена во болницата каде била констатирана смрт.
„Ова е несреќен инцидент, а нашите сочувства и молитви се упатени до семејството“, рече началникот на полицијата во Палм Беј, Марио Ауџело.
Истрагата е во тек, а полицијата не соопшти дали ќе биде поднесена пријава против родителите, кои не се именувани.
Според „KidsAndCars.org“, Флорида е на второ место во САД по смртни случаи од автомобили.
Минатата година во САД имало 36 смртни случаи на деца во жешки автомобили, а досега шест во 2023 година, според организацијата.
„Најважно е луѓето да знаат дека ова може да му се случи апсолутно на секого. Нема правила“, вели Жан Фенел, претседател и основач на „KidsAndCars.org“.