Свет
Велика Британија воведе санкции за шефовите на рускиот затвор во кој почина Навални
![](https://makfax.com.mk/wp-content/uploads/2021/06/navaljni-navalni.jpg)
Велика Британија воведе санкции против шест лица кои ја водат казнената колонија на Арктикот каде што минатата недела почина рускиот опозициски лидер, Алексеј Навални.
Началникот на казнената колонија и петмина негови заменици се под санкции. Ќе им биде забранет влезот во Обединетото Кралство, а имотот ќе им биде замрзнат, најави британскиот министер за надворешни работи Дејвид Камерон.
„Јасно е дека руските власти го гледаа Навални како закана и постојано се обидуваа да го замолчат. Никој не треба да се сомнева во угнетувачката природа на рускиот систем“, рече тој.
„Оние кои се одговорни за бруталниот третман на Навални не треба да живеат во илузија – ќе ги прогласиме за виновни“, додаде тој.
Во саботата, Камерон вети акција по ова прашање, додека Лондон го повика рускиот амбасадор за да стави јасно до знаење дека ги смета руските власти целосно одговорни за смртта на Навални.
Русија, која негираше вмешаност во смртта на 47-годишниот опозициски лидер, во саботата рече дека е неприфатливо Лондон да се меша во нејзините внатрешни работи.
Европската унија, исто така, оваа недела беше блиску до воведување нови санкции кон Москва поради нејзината војна против Украина, додека вдовицата на Навални, Јулија Навална, рече дека Путин мора да одговара.
Германија, Литванија и Шведска беа меѓу земјите на ЕУ кои повикаа на специјални нови санкции против Русија поради смртта на Навални.
Соединетите држави во петок ќе објават голем пакет санкции против Русија поради смртта на Навални и двегодишната војна во Украина, изјави во вторникот претседателот Џо Бајден.
Велика Британија воведе санкции за повеќе од 1.700 поединци и ентитети од почетокот на руската инвазија на Украина во февруари 2022 година, соопшти владата.
Членките на ЕУ денеска го одобрија 13. пакет санкции против Русија. Беа воведени санкции против речиси 200 субјекти и поединци обвинети дека и помагале на Москва да набави оружје или дека учествувале во киднапирање на украински деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.