Европа
Велика Британија ги олесни строгите мерки, но Џонсон останува претпазлив

Строгите мерки за затворање во Велика Британија беа укинати во понеделникот и на жителите сега им е дозволено да се состанат во шестчлени групи првпат по речиси три месеци, иако премиерот Борис Џонсон предупреди на претпазливост поради зголемениот број случаи на коронавирус во Европа.
Џонсон, кој воведе трето национално затворање на 4 јануари, рече дека планира да ги укине ограничувањата претпазливо и неповратно со помош на брза вакцинација на населението против Ковид-19.
Ова е во спротивност со ситуацијата во поголем дел од Европа, каде што земјите, вклучително и Германија и Франција, се справуваат со третиот бран на инфекција од Ковид-19 и повеќе хоспитализации.
Џонсон предупреди и дека варијантите на коронавирус претставуваат ризик за британската вакцинација, што е четврта најбрза во светот по Израел, Обединетите Арапски Емирати и Чиле.
„Треба да останеме внимателни бидејќи случаите на инфекција растат во цела Европа и нови варијанти се закануваат на нашата вакцинација“, рече Џонсон.
„И покрај денешното ублажување (мерките), сите мора да ги почитуваат правилата, да се сетат на рацете, лицето и дистанцата и да одговорат на повикот за вакцинација“.
Од понеделник до шест лица или две домаќинства може да се сретнат надвор во Велика Британија, а спортските центри на отворено, како што се базени, терени за тенис и кошарка, може да се користат додека се одржува растојание.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
„Фајзер“ или „Модерна“ им се препорачуваат на бремените жени во Велика Британија

Бремените жени во Велика Британија треба да се вакцинираат со вакцината на „Фајзер“ или на „Модерна“ затоа што постојат реални податоци дека се побезбедни, објавија институциите што ги издаваат упатствата за вакцинација.
Заедничката комисија за вакцинација и имунизација изјави дека околу 90. 000 бремени жени биле вакцинирани во САД, претежно со тие две вакцини и дека немало сериозни несакани ефекти.
„Врз основа на овие податоци, комисијата советува бремените жени во Велика Британија да примааат вакцини на ‘Фајзер/Бионтек’ или на ‘Модерна’ секогаш кога е тоа е можно“, се вели во соопштението.
„Нема докази дека другите вакцини се небезбедни за бремени жени, но потребно е дополнително тестирање“, додаваат од комисијата.
На бремените жени во Велика Британија претходно им беше советувано да не се вакцинираат затоа што нема доволно податоци за несаканите ефекти.
Европа
ЕУ: Ситуацијата на Западен Балкан бара отворена дебата

Министрите за надворешни работи на ЕУ на следниот состанок закажан за 10 мај со физичко присуство како тема ќе го имаат Западен Балкан, а Советот на ЕУ нагласува дека ситуацијата во регионот бара физичко присуство и искрена и отворена дебата на министрите на ЕУ, пренесуваат медиумите во регионот.
„Ситуацијата на Западен Балкан се менува во различни насоки, не сите се позитивни и затоа мора да имаме добра дебата во живо“, рече официјалниот претставник на ЕУ.
Во пресрет на видеоконференцијата на Советот на ЕУ, што ќе се одржи на 19 април, во Брисел, тие потенцираат дека дебатата за Западен Балкан е избришана од агендата на состанокот исклучително поради техничките промени за одржување на самиот состанок кој првично бил планиран да се одржи со физичко присуство на сите министри во Луксембург.
„Западен Балкан бара искрен и отворен разговор меѓу министрите, во консултација со Мирослав Лајчак. „Од Косово, преку БиХ до проширувањето, имаме голем број важни прашања и затоа има потреба оваа дебата да се одржи во живо“, констатирале во Брисел.
Се додава дека Западен Балкан е веројатно „првата точка на агендата на шефот на дипломатијата на ЕУ, Жосеп Борел“.
„Тој го потенцираше тоа на почетокот на неговиот мандат, и тоа сè уште е случај“, заклучи официјалниот претставник на ЕУ.
Министрите за надворешни работи на ЕУ ќе разговараат за ситуацијата во Украина, Грузија, Етиопија, Индија и Мјанмар на видео конференција на 19 април, пишуваат медиумите.
Европа
Словенија ги ублажува мерките против коронавирус, Италија тоа ќе го стори за 10 дена

Јавните собири, митинзи и настани во Словенија ќе бидат дозволени од понеделник, 19 април, но на нив ќе може да учествуваат најмногу 100 лица.
Одлуката за епидемиолошки мерки, кои се однесуваат на собири, ја смени Владата на Словенија затоа што претходната забрана беше оспорена од Уставниот суд на иницијатива на граѓаните.
Министерот за внатрешни работи на Словенија, Алеш Хојс, им изјави на новинарите дека доколку состанокот се одржи на отворено и со пропишана физичка оддалеченост, учесниците не треба да носат маски.
Тој посочи дека уставните судии ќе ја делат одговорноста доколку се влоши епидемиолошката состојба, бидејќи Владата во својата одлука се водела исклучиво од интересите на здравствената заштита, а не од политичките мотиви.
Италија ќе почне со олеснување на рестриктивните мерки во многу области, кои беа воведени поради коронавирусот, од 26 април, изјави денеска премиерот Марио Драги.
Почетокот на ублажувањето на мерките беше најавен порано за почетокот на мај.
„Владата презема разумен ризик врз основа на податоци што покажуваат подобрување, иако не драматично“, им рече Драги на новинарите.
Тој додаде дека последната одлука се заснова на претпоставката дека и граѓаните и институциите ќе ги почитуваат регулативите, што ќе го направи успешен овој разумен ризик.
Досега во Италија се регистрирани 3.826.156 заразени лица, додека 115.937 починале.
Додека повеќето земји од Европската Унија се борат со нови зголемени бројки од Ковид-19 и ги засилуваат антипандемиските мерки, Португалија се движи во поинаква насока и од понеделник Португалците ќе можат да одат во ресторани, трговски центри и кина.
Часовите повторно ќе се одржуваат во средните училишта и универзитетите, а училиштата за помали деца се веќе отворени, како и градините на кафулињата и рестораните, пишуваат агенциите.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника3 месеци
Брат и сестра нападнати на Широк сокак
- Економија3 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија3 недели
Ѓорчев: Мојот татко е во кома откако се вакцинираше во Ниш