Лисица нападна жена додека таа се шеташе низ нејзиниот двор во Њујорк. На социјалните мрежи се појави видео од надзорните камери, на кое е снимен нападот.

Видеото првично беше споделено на Фејсбук од сопругот на жената, Пол Русо.

„Во јули мојата сопруга беше нападната од бесна лисица“ – напиша тој.

„Нашиот пријател ја уреди снимката од безбедносната камера и го направи ова едукативно видео за нас да го објавиме за да ги предупреди сите дека тоа може да му се случи секому“, додаде тој.

Video shows the moment a New York woman is attacked by rabid fox who had enough

STORY: https://t.co/3kgsWKqMhp pic.twitter.com/gHUH1kcEUj

— The Gary & Dino Show (@garyanddino) August 24, 2022

На видеото кое е со временски печат попладнето на 25 јули, се гледа како жената излегува од вратата од својот дом во Итака, Њујорк, додека зборува на својот мобилен телефон. Тогаш лисицата доаѓа зад неа и почнува да ја напаѓа нејзината нога.

Жената се обидува да го отфрли животното од себе, додека соседот, кој го слушнал нејзиниот крик, не притрча со голем стап. Лисицата се измолкнува додека жената куца назад кон својата куќа.

Лисицата уште еднаш се вратила во дворот пред да се обиде да нападне друго лице во близина. Овој пат лисицата била убиена и донесена во лабораторија на Универзитетот Корнел, каде било утврдено дека е позитивна на беснило.

Во монтираното видео има и фотографии од повредите на жената, на кои се гледаат големи траги од каснување и гребаници на рацете и телињата.

„Беше прекрасно животно и не сакав да го повредам“ – ​​вели жената на видеото.

„За жал, немав избор, морав да возвратам, бидејќи не можев да побегнам. Фала богу се појави мојот сосед“ – објасни таа.