Свет
(Видео) Возач влетал во толпа демонстранти на Тајмс сквер во Њујорк
Автомобил влетал на толпата демонстранти на Тајмс сквер кои демонстрирале против полициската бруталност во четвртокот, покажуваат снимките на социјалните мрежи, пренесува „Њујорк пост“.
Десетици демонстранти биле собрани на „раскрсницата на светот“ извикувајќи „Нема правда, нема мир“, нешто по 20 часот кога автомобилот се приближил и повеќепати свирел кон толпата, покажува видеото објавено на Твитер.
Car drives through protesters, Times Square, New York City, Thursday, September 3, 2020 pic.twitter.com/yMadwNYJSI
— DataInput (@datainput) September 4, 2020
Најмалку двајца демонстранти со велосипеди застанале пред возилото, за кое се чини дека е „форд таурус“, обидувајќи се да го спречат да помине додека толпата ја минувале улицата. Возачот на автомобилот првично застанал за момент, но потоа одеднаш стиснал на гаста и се залетал, тргнувајќи низ развресканите демонстранти.
Не е јасно дали има повредени. Полицијата немаше информации за инцидентот, но во изјава на Твитер ги демантираше шпекулациите дека возилото било полициски автомобил.
There is an ongoing investigation into an incident in Times Square involving a black Taurus sedan. This auto is NOT an NYPD vehicle. pic.twitter.com/kBGuXhFtP1
— NYPD NEWS (@NYPDnews) September 4, 2020
„Во тек е истрага за инцидент на Тајмс сквер со црн автомобил ‘таурус’. Ова возило НЕ е возило на њујоршката полиција“, напишаа тие.
По конфронтацијата, демонстрантите се прегрупирале и продолжиле да маршираат низ улиците на Менхетен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Захарова: „Русија веќе победи“
Одбивањето на повеќето земји да ја поддржат антируската линија и имплементацијата на најсложените механизми за одржување на стабилност претставуваат победа за Русија, изјави официјалниот претставник на руското Министерство за надворешни работи, Марија Захарова.
„Мислам дека ова е победа“, изјави Захарова за руските медиуми.
Таа истакна дека Русија „најде неверојатно сложени формулаци и механизми за излез од ситуацијата“. И покрај фактот што се предвидуваа тешки времиња за земјата без храна, лекови, облека и автомобили, Русија успеа да ја одржи стабилноста, па дури и да напредува“.
Според неа, многу земји сфатиле дека со поддршката на антируската линија ќе си пукаат во нога, поради што таа го нарече она што се случило „победа на здравиот разум“. Дополнително, Захарова укажа на тешкотиите со кои рускиот бизнис се соочи и на крајот ги надмина – а тоа е веќе „победа на духот“.
Претходно официјалниот претставник на руското Министерство за надворешни работи, Захарова изјави дека санкциите на ЕУ не можат да ја поткопаат руската економија. И покрај калкулациите на стратезите на ЕУ, руската економија не стана жртва на европските санкции.
Свет
Трамп: Ќе депортираме мигранти без документи, тоа ќе биде крвава приказна
Поранешниот американски претседател Доналд Трамп вчера ја засили својата антиимиграциска реторика предупредувајќи дека отстранувањето на мигрантите од САД би било „крвава приказна“, пренесуваат светските медиуми.
„И знаете дека нивното депортирање ќе биде крвава приказна. Никогаш не требаше да им биде дозволено да влезат во нашата земја. Никој не ги проверуваше“, им рече Трамп на поддржувачите на плановите за масовно отстранување на имигрантите без документи.
На 15 јули, Републиканскиот национален комитет ги објави и официјално ги усвои новите приоритети на имиграциската политика за време на Републиканската национална конвенција во Милвоки.
Во документот, според написите на локални медиуми, се ветува и враќање на „секоја имиграциска политика на администрацијата на Трамп“ и завршување на изградбата на граничниот ѕид. Исто така, повикува на зајакнување на имиграциското и царинското спроведување на САД, зголемување на казните за нелегални влегувања и враќање на политиката на Трамп „Остани во Мексико“.
Документот користи подиректен јазик во споредба со верзиите од 2016 и 2020 година, така што нема помирливи изјави за придонесот на имигрантите во земјата, пишува „Newsweek“. Овој тврд став е дополнително зајакнат со изборот на Трамп за потпретседател, сенаторот Џ.Д. Венс, кој ги поддржа повиците за масовна депортација на илегалните имигранти.
На републиканската национална конвенција во Висконсин, Венс ја повтори реториката на Трамп: „Мораме да ги депортираме луѓето кои ги прекршиле нашите закони кога дојдоа овде“.
Во својот говор на конвенцијата, тој ја поврза имиграцијата со станбените прашања: „Демократите ја преплавија оваа земја со милиони нелегални вонземјани. Граѓаните мораа да се натпреваруваат за скапоцени станови со оние кои не треба да бидат тука на прво место“.
Регион
Комбе полно со мигранти одбило да застане и удрило во столб: најмалку 10 повредени во Хрватска
Десет лица се повредени во тешка сообраќајна несреќа што се случи рано утринава во Хрватска, кога комбе излетало од патот и удрило во столб.
Се испоставило дека комбето излетало од патот додека бегало од полицијата.
Според медиумите, полициските службеници, кои работеле на спречување илегален влез во Република Хрватска, околу три часот по полноќ ноќта од недела кон понеделник забележале видно натоварено комбе со швајцарски регистарски таблички.
Тие со светлосни и звучни сигнали се обиделе да го спречат за контрола, но возачот ги игнорирал полициските наредби и продолжил да вози зголемувајќи ја брзината.
За кратко време излетал од патот и удрил во столб. Повредените се пренесени во Општата болница во Славонски Брод и Нова Градишка.
Според написите, во сообраќајната несреќа се повредени 10 лица.
Полициски службеници продолжуваат со работа и вршат увиди, соопштија од полицијата.