Свет
(Видео) Во Русија снимен облак во форма на нуклеарна печурка, надлежните излегоа со објаснување
Преплашените жители на Казан, Русија, на социјалните мрежи објавија фотографии и видеа од облаци кои наликуваат на „нуклеарна печурка“, која вообичаено се случува по нуклеарна експлозија.
Жителите објавија дека во средата вечерта ја забележале оваа необична појава на небото.
Облакот, кој наликува на „нуклеарна печурка“ и ги плаши жителите на Казан, е еден вид кумулонимбус, изјави за РИА Новости Министерството за екологија и природни ресурси на Татарстан.
💥The “nuclear mushroom” in the sky over Kazan this evening scared the locals.💥
In fact, this is an ordinary cumulonimbus cloud, which is also called “anvil”. pic.twitter.com/JKYASpHeqG
— JARZA Z28.310 (@Tarzan_Tabletti) August 2, 2023
„Топлиот воздух е полесен од студениот воздух, неговото издигнување во средните слоеви на атмосферата се гледа во форма на печурка. Овој атмосферски феномен се нарекува инверзија. Станува збор за посебен вид кумулонимбус кој се издигнува на височина од околу 12-15 километри, а потоа почнува да се замаглува“, изјави портпаролот на Министерството за екологија.
Тој додаде дека во Казан не откриле вишок на дозволената содржина на загадувачки материи во воздухот, пренесе РИА Новости.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.