Свет
(Видео) Во Сеул почнаа да сообраќаат автобуси без возачи

Автобуси без возачи произведени од компанијата „Hyundai“ почнаа да се користат на патиштата во Сеул, главниот град на Јужна Кореја.
Според локалните медиуми, автобусите без возачи, почнаа да функционираат во областа Јонгно-гу.
Автобусите се движат помеѓу трговскиот центар Севун и плажата Чеонџе на растојание од околу три километри.
Автобусите без возачи можат да возат во одредена насока благодарение на камерите и ласерските зраци. Граѓаните можат да ги користат бесплатно по резервирање на место.
Новото возило, како што пишуваат медиумите, не личи на обичен автобус.
„Целосно е симетрично, со заоблени краеви и големи прозорци кои го прават да изгледа повеќе како играчка отколку како најсовремена форма на транспорт. Овој вид дизајн е намерен“, рече Јеонг Сеонг-Џун, шеф на проектот за автономно возење во стартапот 42 Dot, кој сега е во сопственост на јужнокорејскиот „Hyundai“.
Тоа е иднината“, изјави тој за АФП, додавајќи дека таков автобус бара „нов вид на извонреден дизајн“.
„Автобусот малку личи на „Лего“ бидејќи е направен од композитни делови за да ги намали трошоците и да го олесни реплицирањето“, објаснува Јеонг.
Според него, целта на компанијата била во иднина технологијата да биде евтина, безбедна и лесно пренослива на многу видови возила, на пример возила за испорака.
Засега, пак, со надзор на возачот, автобусот сам ќе вози по новата кружна рута долга 3,4 километри во центарот на Сеул, која ќе трае приближно 20 минути.
Патниците можат да влезат на една од двете назначени постојки, откако ќе резервираат бесплатно место преку апликацијата. Автобусот користи камера и ласер наместо скапи сензори за навигација, додаде Јеонг.
На денот на воведувањето на новата автобуска линија, многумина минувачи изгледаа заинтригирани од дизајнот на автобусот. Застанаа да го фотографираат и да ѕирнат внатре.
„Се чувствувам како да сум скокнал во временска машина возејќи во иднината“, коментираше еден 68-жител по возењето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Повторно пукање во Ерусалим, има повредени

Најмалку две лица се повредени во пукање во археолошкиот локалитет Давидов град во Ерусалим, Израел.
Како што наведоа од полицијата, напаѓачот бил неутрализиран.
Престрелката се случува за помалку од 24 часа по терористичкиот напад на синагога во населбата Неве Јаков во Ерусалим, во која загинаа седум лица.
Регион
Дачиќ: ЗСО останува главната точка на сите наши договори за Косово

Министерот за надворешни работи на Србија, Ивица Дачиќ изјави дека Заедницата на српските општини (ЗСО) останува главната точка на сите договори за Косово и дека таа мора да биде формирана според договорените принципи.
„Во бриселскиот договор од 2013 година јасно пишува што е ЗСО, уште подетално е регулирано во договорот од 2015 година, а ние го потпишавме затоа што е добро за нашата заедница на Косово“, изјави Дачиќ за „Политика. “.
„Договорот не е идеален, но во услови во кои го преговаравме е максимумот што можевме да го постигнеме“, рече Дачиќ.
Тој изјави дека овие договори се круна на учеството на Србија во дијалогот со посредство на Европската Унија, која самата се обврза да ги спроведе потпишаните.
Според неговото мислење, никогаш немало причина да не се спроведе договорот, освен упорното одбивање на Приштина да го спроведе и неограничената толеранција на западните посредници за нивно уништување.
Свет
Се урнаа два воени авиони во Индија

Два индиски воени авиони се урнаа денеска во близина на Морена, во индиската држава Мадја Прадеш, соопштија воени претставници.
Наредена е истрага за да се утврдат причините.
Двајцата пилоти се катапултирале и се здобиле со полесни повреди, пренесува „Индија тудеј“