Свет
(Видео) Градот каде што изби пандемијата лудо се забавува
![](https://makfax.com.mk/wp-content/uploads/2020/08/Untitled-13.png)
Илјадници млади Кинези за викендот го преполнија аква-паркот во градот Вухан, од каде почна заразата со коронавирус. Очигледно дека тие биле желни за забава, откако во градот полека се враќа животот во нормала. Популарниот аква-парк во Вухан беше исполнет со весели млади луѓе во костими за капење, кои танцуваа на електронска музика, некои во мали гумени чамци, некои само пливајќи, без притоа да се почитуваат мерките за заштита. Без маски и држење физичка дистанца.
Аква-паркот повторно е отворен во јуни, во рамки на постепеното отворање на градот по 76-дневниот карантин и строгите мерки.
VIDEO: ?? Crowds packed out a water park over the weekend in the central Chinese city of #Wuhan, where the #coronavirus first emerged late last year, keen to party as the city edges back to normal life pic.twitter.com/SJFBmx5sU8
— AFP news agency (@AFP) August 17, 2020
Минатиот викенд аква-паркот бил исполнет половина од вообичаениот капацитет, а жените добиле и 50 проценти попуст.
Првите познати случаи на Ковид-19 се забележани минатата година во Вухан, градот од 11 милиони жители, по што вирусот се прошири во целиот свет.
Thousands of Chinese ignored the coronavirus and participated last weekend in a techno music macro party at a water park in Wuhan, where Coronavirus disease emerged at the end of 2019, which generated controversy this Monday on social networks. pic.twitter.com/tJKPQq8knW
— David (@DavidPrzMX) August 17, 2020
Во Вухан карантинот беше укинат во април, а од средината на мај нема официјално потврдени случаи на зараза во провинцијата Хубеј, чиј главен град е Вухан.
За да ја поттикне локалната економија, владата на Хубеј понуди бесплатен влез на 400 туристички локации на својата територија.
Кина во голема мера ја сопре епидемијата на коронавирусот, но повремените жаришта и сериозните летни поплави и натаму многу ја загрозуваат нејзината економија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
![](https://makfax.com.mk/wp-content/uploads/2024/09/devojce.jpg)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.