Папата Франциск денеска во Атина се сретна со архиепископот на Атина и цела Грција, Јероним.

Во моментот кога Папата влезе во резиденцијата на поглаварот на Грчката православна црква, се одржа протест на православен свештеник.

„ Папо, ти си еретик! свештеникот извикал три пати додека Франциск доаѓал во резиденцијата, пренесува АП.

Свештеникот паднал на земја, по што полицијата го привела, а, како што пренесува АП, се чинело дека поглаварот на Римокатоличката црква тоа не го ни забележал додека влегувал во резиденцијата на средба со грчкиот надбискуп.

Инцидентот уследи по малите протести на Кипар, каде папата претходно беше во посета, а чии жители Грци се исто така претежно православни, каде што папата повика на помирување меѓу православните и католичките христијани.

Денешната официјална посета на Грција е прва посета на папа од 2001 година, кога во Атина престојуваше папата Јован Павле Втори, кој тогаш се извини за гревовите што католиците ги направиле или пропуштиле за православните браќа низ вековите.

Папата Франциск денеска го повтори своето извинување пред Јероним и пред другите православни свештеници.

Двајцата црковни поглавари ги повикаа христијаните да работат заедно за заштита на животната средина и грижа за мигрантите, а Јероним рече дека целосно ги споделува ставовите на Папата за создавање силни врски за да се одговори на овие глобални предизвици.

Папата Франциск денеска пристигна во Атина, како дел од турнејата низ медитеранските земји за време на која сака да укаже на страдањата на мигрантите и бегалците.

Најмалку 20 лица загинаа кога автобус со членови на хорот на Католичката црква слета во река во Кенија.

Десет лица се спасени од автобус кој слета во реката Ензија во југоисточна Кенија, додека 20 тела се извлечени.

Според полицискиот командир, членовите на хорот отпатувале на свадба на еден од нивните членови.

BREAKING: 17 people drown, 10 others rescued after a bus plunges into Enziu river in Mwingi, Kitui County, search for bodies on pic.twitter.com/ik4DZU8nVF

— Citizen TV Kenya (@citizentvkenya) December 4, 2021

До трагедијата, како што се гледа на видеото објавено на социјалните мрежи, дошло поради надојдената река по која минувал автобусот, со панични врисоци на присутните.

Минатата недела имаше обилни врнежи во многу делови на источноафриканската земја, јавува „Ројтерс“.

Првите два случаи на новиот сој на коронавирус – омикрон кај двајца Романци кои се вратиле од Јужна Африка на 30 ноември се откриени во Романија, соопшти денеска Министерството за здравство.

Станува збор за жена (48) од Брашов и маж (59) од Васлуи, а се во изолација дома и немаат никакви симптоми.

Властите го истражуваат и третиот можен случај на варијантата омикрон, пренесува „Ројтерс“.

Во Романија денеска се пријавени 1.490 нови случаи на коронавирус, а починале 131 пациент.