Свет
(Видео) Двајца загинати во ескплозијата на границата меѓу Канада и САД: „Одеднаш летна во воздух, беше како огнена топка“
![](https://makfax.com.mk/wp-content/uploads/2023/11/Screenshot-2023-11-22-210426.jpg)
Во експлозијата на мостот „Виножито“, во возилото имало двајца патници кои загинале, јавува Си-Ен-Ен. Канадските и американските власти се уште ја истражуваат причината за експлозијата.
Канадските власти одржаа прес-конференција, Доминик Лебланк, канадскиот министер за јавна безбедност рече:
„Ова е извор на загриженост за владата на Канада и за Соединетите Американски Држави, затоа ја сфаќаме оваа околност многу сериозно, но да се шпекулира за потеклото на оваа конкретна околност, кога немаме веродостојни проверени информации не е одговорно“ рече тој.
BREAKING VIDEO: Vehicle explosion and fire at the Rainbow Bridge in Niagara Falls on the US-Canada borderpic.twitter.com/o4O3R3igMF
— Insider Paper (@TheInsiderPaper) November 22, 2023
Во меѓувреме, канцеларијата на градоначалникот на Нијагарините водопади, Њујорк, Роберт Рестајн, објави соопштение во кое се вели: „Имаше инцидент со возило кое влезе во Соединетите Американски Држави. Федералните власти моментално ја истражуваат ситуацијата“.
Белата куќа е информирана и внимателно ја следи ситуацијата, јавува Си-Ен-Ен. Канадскиот премиер Џастин Трудо исто така е информиран и го следи развојот на ситуацијата, додава Си-Ен-Ен.
Повеќе извори за спроведување на законот рекоа дека непосредно пред пладне по локално време, автомобил кој доаѓал од канадската страна на границата со САД експлодирал откако се упатил кон област за секундарна потрага. Автомобилот бил на мостот Канада-Њујорк и поминал низ првичниот контролен пункт каде се проверуваат документите за идентификација пред да се случи експлозијата.
Надлежните не знаат што ја предизвикало експлозијата. ФБИ, Њујоршката полиција, Царината и граничната заштита на САД се на терен и вршат увид.
Федералните власти се обидуваат да го погледнат видеото од неколку различни агли бидејќи изјавите на сведоците се разликуваат, велат изворите.
Опишувајќи го движењето на возилото вклучено во експлозијата, сведок рече:
„Со жена ми се шетавме по главната улица овде и доаѓаше автомобил кој возеше со над 160 км/ч на час. Едвај го гледавме, одеше толку брзо. Пред него имаше автомобил, го заобиколи и потоа изгледаше како да удри во оградата и почна овој пожар. А потоа наеднаш, автомобилот се крена во воздух и потоа изгледаше како огнена топка“, изјавил сведокот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.