Виенскиoт лекар Буркард Густорф, специјалист по медицина за интензивна нега, истакнува дека луѓето со мигрантско потекло во Австрија се натпросечно повеќе погодени од Ковид-19.

Ковид-пациентите на клиниката Отакринг, каде што работи Густорф, се претежно од Западен Балкан, јужна Полска и Турција.

Густорф тврди дека во неговата клиника дури 60 проценти од пациентите на интензивна нега имаат мигрантско потекло.Тој во изјава за виенскиот дневен весник „Презе“ рече дека владата мора да спроведе стратегија за комуникација насочена кон мигрантски групи.

„Колку што знам, владините регулативи во општеството се прифаќаат многу поинаку“, вели шефот на Одделот за анестезија, медицина за интензивна нега.

„Неопходна е стратегија за комуникација насочена кон одредени групи на општеството“, подвлече виенскиот лекар, додавајќи дека на тој начин може да се пренесат опасностите од инфекција со коронавирус.

На прашањето колку мигранти биле погодени од коронавирусот, Густорф рече дека станува збор за бран на повратници од ризични региони на Балканот и Турција, а од друга страна, луѓе кои се заразиле на семејни прослави.

Тој исто така нагласи дека коронавирусот се шири меѓу мигрантите побрзо поради тесните услови за домување.

Брод со мигранти потона кај Мантамадоса, североисточно од Лезбос, при што има исчезнати луѓе.

Од бродот спасени се 32 мигранти и бегалци, а според првичните информации, две лица се исчезнати.

Како што пренесува АНА, спроведена е спасувачка операција, за да се лоцираат мигрантите и бегалците кои се наоѓаат на пловилото.

Австрија планира да воведе строги мерки на аеродромите и границите за време на божикните празници, кои ќе се однесуваат на патувања во високоризични земји, пишува „Кронен цајтунг“, повикувајќи се на извори од Министерството за внатрешни работи.

Мерките ќе се однесуваат на патниците од земјите означени како ризични области, особено на Балканот и Турција, но исто така и на Италија и Германија.

Секој што ќе одлучи да патува во ризични области и покрај предупредувањата, ќе мора да помине 10 дена во карантин по враќањето во Австрија.

Според австрискиот весник, мерките ќе бидат на сила до 10 јануари и ќе важат за сите земји кои имаат седумдневна стапка на бројот на заразени поголема од 100 на 100.000 жители.

Засега не е познато кога мерките ќе стапат на сила, но весникот потсетува дека милиони христијани го слават Божик на 7 јануари и дека примарната цел на воведување нови построги правила на границите е да се спречи избувнувањето на третиот бран на пандемијата на коронавирус.