Свет
(Видео) Израелската војска ослободи двајца заложници, 60 загинати во напад врз град на границата
![](https://makfax.com.mk/wp-content/uploads/2024/02/Izraelska-vojska-1.jpg)
Израелската армија објави дека ослободила двајца заложници за време на рацијата на нејзините специјални сили синоќа во Рафах, во јужниот дел на Појасот Газа.
Заложниците биле однесени во болницата Шеба во централниот дел на Израел каде што биле прегледани и било утврдено дека се во добра состојба.
Overnight in a daring operation in Gaza, Israeli security forces rescued 2 hostages:
Fernando Simon Marman (60) and Louis Har (70), who were kidnapped by Hamas terrorists on October 7th from Kibbutz Nir Yitzhak.
They are both in good medical condition and were transferred for… pic.twitter.com/HlMAKeUjwP
— Israel ישראל 🇮🇱 (@Israel) February 12, 2024
Армијата објави дека се ослободени 60-годишниот Фернандо Симон Марман и 70-годишниот Луис Хар. Израелскиот министер за одбрана Јоав Галант на „Икс“, објави дека тоа е „импресивна операција за ослободување“, додавајќи дека ја надгледувал акцијата од Командниот центар заедно со премиерот Бенјамин Нетанјаху и високи воени команданти.
Според Си-ен-ен, и двајцата заложници биле киднапирани од Кибуц Нир Јицак на 7 октомври за време на упадот на Хамас во јужен Израел. Тогаш, исламистичките милитанти убија околу 1.200 луѓе, главно цивили, а околу 240 од нив киднапираа и ги одведоа во Газа.
![](https://makfax.com.mk/wp-content/uploads/2024/02/симон-марман.jpg)
Фернандо Симон Марман
Одговорот на Израел на нападот на Хамас предизвика големи разурнувања во Газа. Палестинското Министерство за здравство, кое е под контрола на Хамас, објави дека од 7 октомври досега се убиени повеќе од 27.500 луѓе.
Гранатиран Рафах, најмалку 60 мртви
Најмалку 60 лица загинаа во синоќешното израелско гранатирање на Рафах, град кој се наоѓа на самиот југ од Појасот Газа и во близина на египетската граница.
![](https://makfax.com.mk/wp-content/uploads/2024/02/Louis-Har.jpg)
Луис Хар
Во последниве месеци, Рафах стана град домаќин на мнозинството палестински бегалци раселени од израелското бомбардирање на северниот дел на Појасот Газа, во кој моментално живеат 1,4 милиони луѓе, според проценките на Обединетите нации.
Хамас предупреди дека нападот врз Рафах ќе го „торпедира“ договорот за заложниците
Нападот на Рафах се случи иако претходно вчера Хамас најави дека офанзивата на тој град ќе го „торпедира“ секој договор во врска со ослободувањето на заложниците кои се во нивно заробеништво од 7 октомври минатата година, а против офанзивата се изјаснија и САД, главниот сојузник на Израел.
Сепак, се чини дека синоќешното гранатирање на Рафах не го означи почетокот на офанзивата на тој простор. 14 куќи и три џамии беа погодени во различни делови на градот, а израелската армија објави дека извршила „серијата напади врз јужниот дел на Газа кои сега се завршени“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.