Европа
(Видео) Италијанците првпат тестираа лебдечки воз на традиционална железница
![](https://makfax.com.mk/wp-content/uploads/2024/03/lebdecki-voz.jpg)
Италијанската компанија IronLev првпат тестира технологија за магнетна левитација на традиционалната железничка инфраструктура тврдејќи дека открила решение што не бара скапи приспособувања на пругата. Компанијата го прикажа видеото од тестот на саемот LetExpo2024 во регионот Венето.
На видеото се гледа прототип на воз тежок еден тон, кој се движи со брзина од 70 километри на час на пруга во внатрешноста на Венеција. Технологијата на магнетна левитација создава воздушна перница, која физички го одвојува возилото од патеката намалувајќи ги триењето, бучавата и вибрациите, а со тоа и потрошувачката на енергија и трошоците за одржување на возот и инфраструктурата.
Кина го користи речиси две децении, но во ограничен обем. Многу земји сакаат да развијат железнички мрежи засновани на технологија за магнетна левитација, но нејзиното усвојување е попречено од високите трошоци и потребата од изградба на нова железничка инфраструктура.
🚨🇮🇹A FLYING TRAIN? Italy Tests Hover Train Technology
IronLev successfully conducted a test of magnetic levitation train on an existing railway track, aiming to lower costs and energy consumption in the rail industry.
‘Back to the Future’ is finally happening!
Sources:… pic.twitter.com/EeaFzvvLMH
— Mario Nawfal (@MarioNawfal) March 12, 2024
„Тестот на IronLev го претставува првиот и единствен случај на примена на магнетна левитација на постојна железница, без модификации и интеграција на помошни елементи“, рече директорот на Институтот за механичка интелигенција.
Во претходните тестови магнетното поле беше создадено со поддршка на ад хок-инфраструктура, која често се состои од намотки направени од спроводливи материјали и вклучува значително повисоки трошоци од традиционалните железници.
„Некои од нашите конкуренти спроведоа тестови на шини специјално приспособени за возила базирани на технологија за магнетна левитација. Покажавме дека нашето возило може да левитира на постојните шини“, изјави за „Ројтерс“ претседателот на IronLev, Адријано Џирото.
„Ова очигледно значи дека нашата технологија е лесна за употреба“, додаде Џирото. Целта на IronLev е за неколку години да развие тест-возило што ќе тежи до 20 тони и ќе може да развие брзина до 200 километри на час, рече тој. Технологијата веќе се користи во пракса, при преместување на тешки прозорци и лифтови и транспорт на товари во индустриски постројки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Украинска политичарка застрелана во глава: „Ситуацијата е сериозна“
![](https://makfax.com.mk/wp-content/uploads/2024/07/Screenshot-2024-07-19-215957.jpg)
Непознат сторител пукал во Ирина Фарион, поранешна украинска пратеничка од крајната десница, соопштија украинските власти. Фарион (60) е хоспитализирана со прострелна рана во главата, соопшти украинската национална полиција. Нејзината состојба е „исклучително сериозна“, додаваат тие.
Полицајците се обидуваат да го идентификуваат напаѓачот, пишува Киев Индепендент. Претседателот Володимир Зеленски беше информиран за ситуацијата од страна на министерот за внатрешни работи и шефот на Службата за безбедност на Украина (СБУ).
„Секое насилство е за осуда и кој и да е одговорен мора да ги сноси последиците“, рече Зеленски.
Ирина Фарион, која е позната по нејзините контроверзни изјави за употребата на рускиот јазик во Украина, се приклучи на ултранационалистичката партија Свобода во 2005 година и беше пратеник во парламентот меѓу 2012 и 2014 година.
Во јуни 2024 година, таа беше вратена како професорка на Катедрата за украински јазик на Политехничкиот универзитет во Лавов, набргу откако беше отпуштена. Фарион предизвика бес кога на 6 ноември рече дека не може да ги нарекува украинските војници украински ако зборуваат руски.
Скандалот околу нејзините изјави ескалира откако таа наводно добила порака за поддршка од Максим Хлебов, проукраински студент кој живее на окупираниот Крим. Таа го објави мејлот на своите социјални мрежи, по што наиде на остри критики.
Службата за безбедност на Украина (СБУ) во ноември 2023 година соопшти дека Фарион е под кривична истрага и за нејзините изјави за војниците кои зборуваат руски и за протекувањето на пораката на Хлебов.
Европа
Русите нудат парична награда за првиот уништен Ф-16
![](https://makfax.com.mk/wp-content/uploads/2024/07/ruski-vojnik.jpg)
Руски фирми нудат парични награди за уништување на F-16 Fighting Falcons, охрабрувајќи ја својата војска да ги уништи западните авиони кои наскоро ќе се појават над небото на Украина.
Ова првпат беше објавено на каналот Телеграм на руското Министерство за одбрана на почетокот на оваа недела.
„Ќе има награда за уништување на борбените авиони Ф-15 и Ф-16. Наградата за првиот ќе биде 15 милиони рубли“, се вели во објавата, цитирајќи го директорот на руската нафтена компанија ФОРЕС Илја Потанин.
Инаку, 15 милиони рубљи се еднакви на околу 170.000 долари или околу 155.500 евра.
Министерството за одбрана соопшти дека се понудени и парични награди од 500.000 рубљи за уништување на тенковите на НАТО во Авдиивка, пренесува „Њузвик“.
На приложеното видео во објавата на Телеграм, може да се видат руски војници како добиваат награди и се ракуваат со нивните претпоставени офицери.
Европа
Зеленски ја моли новата британска влада: „Дозволете ни да ја нападнеме Русија со моќни ракети“
![](https://makfax.com.mk/wp-content/uploads/2024/07/Screenshot-2024-07-19-194232.jpg)
Украинскиот претседател Володимир Зеленски денеска им се обрати на министрите на новата британска влада, на покана на премиерот Кир Стармер, и го повтори апелот до западните сојузници да дозволат напади врз Русија со ракети со долг дострел.
Зеленски е првиот странски лидер кој лично се обратил пред британскиот кабинет откако поранешниот американски претседател Бил Клинтон го стори тоа во 1997 година.
Украинскиот претседател рече и дека Британија треба да ги убеди своите партнери, кои зазедоа различни позиции за тоа како Украина може да го користи оружјето што им е доставено, да ги укинат ограничувањата за употреба на оружје и муниција.
„Во моментов го немаме главниот одговор на тоа прашање, што се однесува на нашите долгорочни можности. Ве молиме, убедете ги другите партнери да ги укинат овие ограничувања“, рече Зеленски.
Стармер му рекол на Зеленски дека Британија ќе ја забрза испораката на клучната помош за Украина, откако неговиот министер за одбрана на почетокот на овој месец потврди дека помошта ветена од претходната конзервативна влада ќе биде доставена за 100 дена.