Свет
(Видео) Мал авион се урна врз мобилна куќа на Флорида, избувна голем пожар, има загинати
![](https://makfax.com.mk/wp-content/uploads/2024/02/urnat-avion-florida.jpg)
Неколку луѓе загинаа кога мал авион вчера вечерта се урна врз мобилна куќа во Клирвотер, Флорида, предизвикувајќи пожар кој зафатил неколку околни куќи, соопшти локалната полиција.
Несреќата била пријавена во 19:08 часот во Бејсајд Естејтс, голем парк за мобилни домови, им изјави на новинарите доцна вчера началникот на пожарникарната и спасувачката служба на Клирвотер Скот Елерс. Клирвотер се наоѓа во областа на заливот Тампа.
🚨#BREAKING: A small plane has crashed into trailer park with reports of multiple people injured ⁰
📌#Clearwater | #FloridaCurrently, numerous firefighters and other emergency crews are responding to a second-alarm fire after a small plane crashed into a trailer park… pic.twitter.com/8BRTwY1tsy
— R A W S A L E R T S (@rawsalerts) February 2, 2024
„Можам да потврдам дека имаме неколку жртви и од авионот и во внатрешноста на мобилниот дом“, рече Елерс. „Се уште работиме да се осигураме дека нема дополнителни жртви, немаме повеќе информации во овој момент“.
Шефот на противпожарната служба не можеше веднаш да каже колку луѓе загинале, а Федералната управа за авијација не потврди колку луѓе имало во авионот. „Екипите направија феноменална работа брзо да го изгаснат пожарот“, рече Елерс, додавајќи дека екипите сè уште работат на локализирање на пожарот и пронаоѓање на жртвите.
We’re on scene of a small plane crash at a mobile home park south of Clearwater Mall. Multiple mobile homes have caught fire. Firefighters from multiple jurisdictions are on scene. pic.twitter.com/1vBLnTnY8R
— Clearwater Fire & Rescue Department (@clearwaterfire) February 2, 2024
Елерс рече дека авионот удрил само во една куќа. Сепак, пожарот што следел оштетил уште најмалку две, откри тој. „Авионот е пронајден во една структура, претежно во таа структура“, рече Елерс.
Непосредно пред несреќата, рече Елерс, пилотот пријавил кај контролорите на летање на меѓународниот аеродром Сент Пит-Клирвотер дека авионот „имал проблеми“.
„За време на тој разговор со воздушната кула, воздушната кула ги изгуби на радарот, на околу три милји северно од пистата“, рече Елерс. ФАА во соопштението наведе дека пилотот пријавил „дефект на моторот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.