Свет
(Видео) Мјанмарски војници признаа дека се спроведени злосторства врз Рохинџите
Двајца припадници на војската на Мјанмар признаа пред Меѓународниот кривичен суд (МКС) дека извршиле злосторства врз малцинските муслимани Рохинџи во западната мјанмарска држава Аракан, се вели во соопштението на меѓународна група за заштита на човековите права, пренесува„Ал џезира“.
„Двајцата тврдеа дека постапувале по наредба на високи команданти за истребување на сите Рохинџи во одредените области“, објави организацијата „Фортифај рајтс“.
Ова се први признанија на припадници на вооружените сили на оваа земја во југоисточна Азија за масовни убиства, силувања и злосторства против човештвото откако се појавија извештаите за нападите врз Рохинџите во 2012 година. Активистите за заштита на правата и експертите го дефинираа ова како голем напредок во барањето правда за Рохинџите против властите на Мјанмар за геноцид и етничко чистење.
Според изјавите, „Фортифај рајтс“ доби две видеа од признанијата на војниците Мио Вин Тун и Зав Наинг Тун. Според шпекулациите што кружат, и двајцата се во притвор во Меѓународниот кривичен суд во Хаг иако судот го негираше ова.
Пешадиските баталјони 565 и 353 биле активни во државата Аракан за време на воените операции за „чистење“ на цивилите Рохинџи во 2016 и 2017 година, се додава во нивниот извештај.
„Во необјавените признанија, војникот Мио Вин Тун ја опишува неговата вмешаност во убивањето жени, мажи и деца Рохинџи и призна дека извршил силувања во селото Таунг Базар и околните села во гратчето Бутидаунг во септември 2017 година“, се вели понатаму во соопштението.
„Зав Наинг Тун ја призна неговата вмешаност во убивањето, закопувањето тела во масовни гробници и во други злосторства против Рохинџите во пет села во гратчето Маунгдав за време на операциите за расчистување на Армијата на Мјанмар во 2017 година.“
Војниците ги навеле имињата и чиновите на 19 директни извршители од Армијата на Мјанмар, меѓу кои се и тие, како и шест високи команданти – потполковник, полковник и тројца капетани – за кои тврдат дека ги издале наредбите или придонеле за злосторствата против Рохинџите.
Во соопштението се додава дека Араканската армија – етничка бунтовничка група што моментално учествува во вооружен конфликт против Мјанмар во државата Аракан – ги снимила признанијата на Мио Вин Тун на 23 јули 2020 година и на Зав Наинг Тун на 8 јули 2020 година.
Во средината на август, двајцата дошле на границата меѓу Мјанмар и Бангладеш барајќи заштита од властите на Бангладеш, која потоа како држава членка на Римскиот статут, го известила МКС за двајцата поранешни војници.
Осврнувајќи се на едно од признанијата, во соопштението се додава дека Армијата во септември 2017 година ги уништила селата на Рохинџите во околината на Таунг Базар во гратчето Бутидаунг. Мио Вин Тун исто така признал дека извршил силувања, дека бил вмешан во убивањето на 30 мажи, жени и деца во Таунг Базар и во дополнителни убиства на 60 до 70 цивили во село по село во близина на Таунг Базар.
Тој и неговиот баталјон „избришале“ 20 села на Рохинџите во Маунгдав во септември 2017 година и учествувал во убивање на околу 80 цивили, вклучувајќи деца, возрасни, жени, па дури и стари лица преку координирани масакри.
„Врз основа на овие признанија, двајцата војници можат да бидат директно одговорни за убиството на 180 цивили Рохинџи“, се додава во соопштението.
Директорот на „Фортифај рајтс“ вели рече дека признанијата, за кои изјави дека се веродостојни, поткопуваат сè што Мјанмар негира пред Меѓународниот суд на правдата (МСП) во случајот што го подигна Гамбија во 2019 година во име на Организацијата за исламска соработка.
Сепак, тој истакна дека Обвинителството „одбива да коментира за тековната истрага, а портпаролот на Судот јавно негираше дека двајцата мажи се во притвор“.
Муслиманите Рохинџа, кои ОН ги опишаа како најзагрозено национално малцинство во светот, се соочуваат со сè поголем прогон и напади од 2012 година. Настаните кои маката на араканските муслимани ја ставија во фокусот на светската јавност се случија на 25 август 2017 година.
Под плаштот на борбата против милитантните напади врз полициските пунктови, војската на Мјанмар и будистичките милитанти тој ден започнаа брутални напади врз муслиманите Рохинџа во кои свирепо се убиени над 24.000 припадници на тоа малцинство.
Нападите прераснаа во класична форма на етничко чистење, а мјанмарската војска запали стотици муслимански села. Според податоците на ОН, од август 2017 година од тој регион во соседен Бангладеш пребегаа над 900.000 муслимани.
Гамбија на 11 ноември 2019 година поднесе тужба за геноцид против Мјанмар. Меѓународниот суд на правдата на 23 јануари 2020 година побара од Мјанмар да преземе мерки за спречување на убиствата и злосторствата над муслиманите Рохинџа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Сопругата на убиениот Чарли Кирк за последните моменти со него: „Не го бакнав за збогум“
Ерика Кирк, сопруга на убиениот американски активист Чарли Кирк, во емотивно интервју за „Фокс њуз“ зборуваше за нивните последни моменти пред убиството во септември, за време на неговиот говор на Универзитетот во Јута Вали.
Таа се присети дека последната ноќ била мирна и семејна, кога нивната ќерка Џиџи им се придружила во креветот, па Чарли заминал да спие во друга соба.
„Му реков: „Оди спиј во нејзината соба, сакам добро да се наспиеш. Ќе го вклучам клима уредот за да ти биде удобно. Само одмори се, за да бидеш подготвен утре.“
Утредента, тој влегол во тоалетот тивко, ја зел бурмата и не ја разбудил по што заминал.
„Ниту го бакнав за збогум“, изјави Ерика со треперлив глас.
Ерика често е под лупа на јавноста, а во истото интервју им одговари на критичарите кои го анализираат секој нејзин потег. Нејзината реакција дојде откако прегратката со потпретседателот Џ.Д. Венс беше опишана како несоодветна на социјалните мрежи.
„Камерите беа околу мојот сопруг кога беше убиен. Камерите беа околу моите ожалостени пријатели и семејство. Камерите беа околу мене, анализирајќи го секој мој потег, анализирајќи ја секоја моја насмевка, секоја моја солза“, рече таа.
Свет
Руте: НАТО повеќе не заостанува зад Русија во производството на муниција
Генералниот секретар на НАТО, Марк Руте, изјави дека алијансата го поништила долгогодишниот јаз со Русија во производството на муниција, нагласувајќи дека сојузниците сега произведуваат повеќе отколку што произведувале со децении.
Зборувајќи на Индустрискиот форум на НАТО во Букурешт, Руте рече дека „до неодамна, Русија произведуваше повеќе муниција отколку сите сојузници на НАТО заедно“, но додаде дека тоа повеќе не е случај бидејќи западните одбранбени индустрии го зголемија производството.
„Сега отвораме десетици нови производствени линии и ги прошируваме постојните. Произведуваме повеќе отколку што произведуваме со децении“, рече тој.
Руте подвлече дека силната одбранбена индустрија е клучна за силна алијанса и дека одлуката на лидерите на НАТО на јулскиот самит во Хаг да ги зголемат трошоците за одбрана на пет проценти од БДП до 2035 година предизвикува големо зголемување на набавката на капацитети од авиони и тенкови до беспилотни летала, муниција, сајбер и вселенски средства.
„Има повеќе пари на маса, а уште повеќе ќе дојдат“, рече тој, истакнувајќи дека европските сојузници и Канада значително ги зголемуваат инвестициите.
„Но, секако, само парите не можат да обезбедат безбедност. Потребни ни се капацитети, потребна ни е опрема, вистинска огнена моќ и, секако, најнапредна технологија“, додаде тој.
Шефот на НАТО, исто така, предупреди дека наводната закана од Русија ќе продолжи дури и по војната во Украина и ја истакна растечката одбранбена соработка меѓу Москва, Кина, Северна Кореја и Иран.
„Не можеме да бидеме наивни. Мора да бидеме подготвени“, рече тој, повикувајќи на подлабока соработка и побрзи производствени циклуси во рамките на алијансата.
Фото: принтскрин
Свет
„Тој се занимава со избори, а не со војна“: Зеленски критикуван, обвинет дека се обидува да ја спаси сопствената популарност
Зимскиот пакет за поддршка предложен од администрацијата на украинскиот претседател Володимир Зеленски наиде на остри критики, пишува Киев Индепендент.
Владата подготвува серија мерки за ублажување на економскиот притисок врз граѓаните додека земјата влегува во уште една тешка зимска сезона обележана со руски напади. Планот вклучува еднократна исплата од 1.000 гривни (околу 24 евра) за сите граѓани, 3.000 километри бесплатно патување со воз во Украина вон сезона и дополнителни 6.500 гривни (околу 154 евра) за најранливите групи, како што се внатрешно раселените лица и семејствата со ниски приходи.
Сепак, критичарите се прашуваат дали таквото трошење државни пари додека војната сè уште трае има смисла.
„Нема финансиска логика да се даваат 1.000 гривни на секој граѓанин без оглед на околностите, наместо да се помага на оние на кои навистина им е потребна помош“, изјави за „Киев Индепендент“ Володимир Ланда, раководител на одделот за проценка на инвестициите во Советот за економска безбедност на Украина.
Државниот буџет е под притисок
Според проценките, најмалку 450 милиони долари ќе бидат издвоени од државниот буџет за програмата. Владата даде спротивставени информации за бројот на граѓани кои би можеле да побараат исплата – премиерот споменува 10 милиони, додека другите министри наведуваат 15 милиони.
Во посебно соопштение, владата објави и 4,4 милијарди гривни (околу 104 милиони долари) за исплата на помош од 6.500 гривни за најранливите. Сè уште не е познато колку ќе чини бесплатниот воз.
„Сите државни приходи одат за финансирање на војната, а буџетот се одржува благодарение на странските партнери, кои нема да бидат задоволни ако Киев ги троши своите средства на овој начин“, предупреди Ланда. „Ова не е ефикасен начин за трошење пари. Само на оние на кои навистина им е потребна помош треба да им се помогне.“
Пакетот доаѓа во време кога Украинците очекуваат тешка зима со можни прекини во снабдувањето со електрична енергија и нови руски напади врз енергетската инфраструктура. Стапката на сиромаштија во земјата се искачи на 37 проценти. Во исто време, незадоволството на јавноста расте поради слабите подготовки за одбрана на енергетскиот систем.
„Ова е катастрофален популизам“, изјави за Киев Индепендент пратеникот на партијата Холос, Јарослав Железњак, оценувајќи дека владата се обидува да ја врати популарноста.
„Владата гледа кон изборите, а не кон бојното поле“
Сличен став изрази и Јевген Махда, извршен директор на Институтот за светска политика, кој тврди дека владата е повеќе загрижена за изборите отколку за војната.
„Наместо да се фокусира на бојното поле, каде што се водат тешки борби во близина на Покровско, владата размислува за избори кои се уште се далеку“, рече Махда.
Премиерката Јулија Свириденко ги отфрли обвинувањата за популизам на брифингот на 3 ноември, велејќи дека владата го гледа пакетот како мерка за поддршка на граѓаните во текот на зимата. Таа додаде дека граѓаните можат да ги донираат добиените пари на вооружените сили, наместо да ги трошат на сметки или други трошоци.
Само 4 проценти од парите завршиле кај армијата
Според владините податоци, само 4 проценти од корисниците ја донирале уплатата на армијата. Мнозинството, 63 проценти, потрошиле пари за комунални услуги, а 17 проценти за сметки за мобилни телефони.
Свириденко, исто така, најави дополнителна државна субвенција за украинските железници во износ од 16 милијарди гривни (околу 380 милиони долари) следната година.
„Владата обезбедува финансиска поддршка на државните железници во овој тежок период, па затоа граѓаните треба да добијат нешто за возврат“, рече Свириденко, објаснувајќи ја програмата за бесплатни 3.000 километри патување.
Фото: принтскрин
Кожуф добива нова зимска атракција – патека долга 1200 метри
Во Ски-центарот „Михајлово“ се гради нова скијачка патека долга 1200 метри, на надморска височина од 1400 метри, заедно со нов...
АХВ заплени небезбедна храна со непознато потекло по спроведен вонреден инспекциски надзор
По добиена пријава, со интервенција од Единицата за економски и компјутерски криминал при СВР Скопје, Агенцијата за храна и ветеринарство...
Црна Гора сè поблиску до Европската Унија: познат е можниот датум за влез
Црна Гора го доби својот најповолен извештај за напредокот во европската интеграција откако ги започна преговорите за пристапување со Европската...
Пронајдено безживотно тело на млада жена во Тетово, Обвинителството изврши увид
Дежурен јавен обвинител од Основното јавно обвинителство Тетово вчера изврши увид на лице место на локацијата каде беше пронајдено безживотно...
(Видео) Украина нападна клучна рафинерија длабоко во Русија, се шират снимки
Украинските војници наводно нападнале и оштетиле руска рафинерија за нафта во Волгоград преку ноќ, додека експлозии потресле неколку други енергетски...
Израелски заложник за држењето во Газа: Бев гол, само му се молите на Бога да престане
Ром Браславски, неодамна ослободен израелски заложник, тврди дека бил подложен на „ужасна“ и понижувачка сексуална злоупотреба додека бил во заробеништво...
Итен состанок во Белгија за беспилотните летала: „Тие се видени над воени бази“
Советот за национална безбедност на Белгија денес ќе одржи итен состанок откако мистериозни дронови предизвикаа хаос во воздушниот сообраќај и...
САД во ОН ја претстави нацрт-резолуцијата за планот на Трамп за Газа
САД им претставија на своите партнери во Советот за безбедност на ОН нацрт-резолуција со која се обидуваат да го поддржат...
Хамас предаде уште едно тело на Црвениот крст во Појасот Газа
Хамас ги предаде останките на уште еден заложник на Меѓународниот комитет на Црвениот крст во Појасот Газа. Според Хамас, останките...
Летовите привремено запрени во Хановер по забележување дрон
Летовите на аеродромот во Хановер беа привремено прекинати синоќа откако беше забележан дрон во близина на аеродромот, потврди полицијата. Аеродромот...
Путин: Она што Трамп го објави е сериозно, принудени сме да реагираме
Русија ја има најсовремената нуклеарна тријада во светот, изјави во среда портпаролот на Кремљ, Дмитриј Песков. Тој нагласи дека е...
(Видео) Филипче: ВМРО-ДПМНЕ успеа за една и пол година да нѐ стави во групата со Косово, БиХ, Молдавија и со Украина
Претседателот на Социјалдемократскиот сојуз на Македонија, Венко Филипче, на денешната прес-конференција порача дека Извештајот на Европската комисија за напредокот на...
Со 205 милиони евра од Британците изградбата на болниците во Штип, Тетово и во Кичево ќе почне најдоцна на почетокот на следната година
Градежните активности за изградба на болниците во Штип, Тетово и во Кичево ќе почнат до крајот на оваа или најдоцна...
Загинатите во тешката сообраќајна незгода кај Плетвар се од Кавадарци, објавен идентитетот на учесниците во несреќата
МВР објави информации за лицата кои загинаа и повредените во сообраќајната несреќа на патот Градско-Прилеп, во близина на Плетвар. При судир...
До ДИК поднесени приговори за резултатите во Брвеница, Шуто Оризари и Карпош
До претпладнево, во Државната изборна комисија (ДИК) се поднесени вкупно 16 приговори во врска со постапката за сумирање и утврдување...
Еден кат подолу од пеколот: фотографот зборуваше за човекот покрај прозорецот во домот во Тузла
Eдинаесет лица загинаа во пожарот што го зафати пензионерскиот дом во Тузла, а дополнително 35 побарале медицинска помош во Универзитетскиот...
Силен земјотрес во Грција, почувствуван и во Бугарија: „На 5. кат сме, се тресевме 10-ина секунди“
Земјотрес со магнитуда од 4,7 степени според Рихтеровата скала ја погоди Грција во 8.16 часот наутро, а беше почувствуван и...
Две жени намамиле човек во мотел во Скопје, каде што го пречекале двајца мажи: го удирале со боксови додека не паднал, па го ограбиле
Истрага против четири лица – двајца мажи и две жени поведе Основното јавно обвинителство Скопје за кривично дело – Разбојништво...
Вучиќ сака да продава муниција на Европа, реагира Кремљ: Не сакаме оружјето од братска Србија да биде употребено против нас
Портпаролот на Кремљ, Дмитриј Песков, ја коментираше изјавата на српскиот претседател Александар Вучиќ дека Србија е подготвена да продава муниција...
(Видео) Бројот на загинати во Тузла се зголемува, 35 повредени, со месеци имало предупредувања за домот
Според најновите официјални информации, вкупно 11 лица загинаа во пожарот што синоќа зафати дел од зградата на Домот за стари...
