Свет
(Видео) Напаѓачот на Конгресот со нож тргнал кон полицајците, но службите веруваат дека не се работи за тероризам

Претседателот на САД, Џо Бајден, изјави дека е поразен од веста дека еден полицаец загина, а друг е ранет во нападот што се случи на безбедносен контролен пункт кај Капитол, седиштето на Конгресот, соопшти Белата куќа.
Бајден посочил дека ги добива најновите извештаи поврзани со инцидентот и ќе продолжи да го следи напредокот на истрагата.
Според соопштението, Бајден наредил знамињата на Белата куќа да се спуштат на половина копје во чест на полицаецот Вилијам Еванс, кој беше убиен во нападот. Еванс, 18 години работел како припадник на безбедносните сили.
И претседателката на Конгресот, Ненси Пелоси, исто така наложила знамињата да се спуштат на половина копје, најавувајќи ја целосната подготвеност на Конгресот да соработува со полицијата во истрагата. Таа го нарече убиениот полицаец „маченик за демократија“.
BREAKING: At least 1 person down outside the U.S. Capitol pic.twitter.com/kz4Opkbmc6
— BNO News (@BNONews) April 2, 2021
Напаѓачот, кој вчера влета во барикадите во близина на Капитол во Вашингтон, починал од повредите откако бил застрелан од полицијата, но претходно повредил двајца чувари на редот, од кои еден полицаец загинал, пренесува АП .
Неименуван претставник од службите за безбедност претходно потврди дека најмалку еден полицаец е повреден со нож.
Полицијата објави дека во нападот на Капитол, еден полицаец им подлегнал на повредите, а друг е ранет, додека напаѓачот убиен. И покрај жестокоста на нападот, полицијата верува дека инцидентот не е поврзан со тероризам.
„Осомничениот се залетал со својот автомобил и удрил во двајца наши колеги кога налетал на бариерата“, соопшти шефицата на полицијата во Капитол, Јогананда Питман за инцидентот. Осомничениот потоа излегол од автомобилот со нож во раката и се упатил кон полициските службеници, по што тие пукале и напаѓачот бил убиен. Полицаецот Вилијам Еванс им подлегнал на повредите по инцидентот.
Настанот се случил на околу 100 метри од влезот во зградата на Конгресот, а напаѓачот и тешко повредениот полицаец пред да им подлегнат на повредите биле пренесени во болница.
Повикувајќи се на неименувани извори, „Вашингтон пост“ објави дека осомничениот е црномурестиот Ноа Грин (25) и дека бил пријавен во Вирџинија.
Во објава на сега избришаната страница на „Фејсбук“, Грин кон средината на март напишал дека неодамна ја напуштил работата „делумно поради проблеми, но на крајот во потрага по духовно патување“. Тој исто така напишал дека страда од несакани ефекти од лекови кои несвесно ги земал. Исто така напишал за неговиот интерес за црната националистичка религиозна организација „Нација на исламот“, пренесува Би-би-си.
Полицијата верува дека инцидентот не е поврзан со тероризам, но најави дека ќе спроведе истрага.
„Изгледа дека нападот не е поврзан со тероризам, но ние ќе продолжиме да истражуваме“, изјави началникот на полицискиот оддел во Вашингтон, Роберт Контри. Тој исто така рече дека напаѓачот се чини дека дејствувал сам.
Зградата на Конгресот беше под опсада на 6 јануари, кога приврзаниците на поранешниот американски претседател Доналд Трамп предизвикаа немири во кои беа убиени пет лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците уништија руско складиште за муниција, се шири снимка од огромна експлозија

Украина очигледно извршила напад врз руско складиште за муниција во градот Карцизк во окупираниот дел од Донецката област на 2 јули, објавија и руски и украински Телеграм канал.
На социјалните мрежи се појавија снимки на кои наводно се гледаат моќни експлозии во близина на магацинот за кој се тврди дека се наоѓа источно од рускиот окупиран град Донецк.
Украинската војска не го коментираше нападот, а во моментов нема информации за обемот на штетата.
💥Just now: strike reported on the Russian ammunition depot on Khartsyz'k. pic.twitter.com/o33onaTPWF
— Special Kherson Cat 🐈🇺🇦 (@bayraktar_1love) July 2, 2025
Украинската војска редовно напаѓа воени цели на територијата окупирана од Русија, како и длабоко во Русија, во обид да ја ослабне способноста на Москва да води војна против Украина.
Вечерта на 30 јуни, Украина слично започна напад врз командниот пункт на 8-та комбинирана армија на руските вооружени сили во рускиот окупиран дел од Донецката област. Според неофицијални информации, нападот бил извршен од британски крстосувачки ракети со долг дострел од типот Storm Shadow.
Russian ammunition depot in Khartsyzk https://t.co/VkenrZaEV1 pic.twitter.com/ktxSlOzcCd
— Special Kherson Cat 🐈🇺🇦 (@bayraktar_1love) July 2, 2025
Со месеци, Русија ја фокусираше својата офанзива врз градот Покровск во Донецката област, кој е под постојан напад, а во последно време сè повеќе се обидува да ги пробие украинските линии кон соседната Дњепропетровска област – регион кој досега не беше погоден од борбите.
Свет
(Видео) Траект потона во близина на Бали: четворица мртви, десетици исчезнати

Четири лица загинаа, 38 се водат како исчезнати, а 23 се спасени откако ферибот со 65 лица потона во близина на индонезискиот остров Бали, објави утрово Метро ТВ, повикувајќи се на Агенцијата за пребарување и спасување на Индонезија.
Бродот „КМП Туну Пратама Џаја“ потона речиси половина час по напуштањето на пристаништето Кетапанг во Источна Јава, соопшти агенцијата, без да наведе можна причина. Потрагата по исчезнатите е во тек, се додава во соопштението.
A ferry has capsized off the coast of Bali leaving two people dead and 43 others are missing. 65 passengers and crew were on board the late night service from East Java. The search for survivors continues. #bali #ferrycapsize #eastjava #indonesia #7NEWS pic.twitter.com/dGYUA6NV6V
— 7NEWS Australia (@7NewsAustralia) July 3, 2025
Според списокот на лица кои се качиле на фериботот, имало 53 патници и 12 членови на екипажот, објави агенцијата, додавајќи дека на бродот имало и 22 возила, од кои 14 биле камиони.
Свет
Пентагон: Нуклеарната програма на Иран е забавена за две години

Пентагон објави дека американските напади ја уназадија нуклеарната програма на Иран за до две години, откако уништија три целни локации.
Шон Парнел, портпарол на Пентагон, ја даде проценката на брифинг за медиумите, додавајќи дека официјалната проценка е „веројатно поблиску до две години“.
Американските воени бомбардери извршија напади врз три ирански нуклеарни објекти на 22 јуни, користејќи повеќе од десетина бомби од 13.600 кг за да ги уништат бункерите.
Резултатите од нападите внимателно се следат за да се види колку тие ја вратиле назад нуклеарната програма на Иран, откако претседателот Доналд Трамп изјави дека таа е уништена.
Во текот на викендот, шефот на нуклеарната агенција на ОН (МААЕ), Рафаел Гроси, изјави дека Иран би можел да произведува збогатен ураниум во рок од неколку месеци, што предизвика сомнежи за ефикасноста на американските напади во уништувањето на нуклеарната програма на Техеран.