Херојот што му ја одзеде пушката на еден од напаѓачите за време на масовното пукање на плажата Бонди во Австралија денеска доби чек од повеќе од 1,65 милиони долари (2,5 милиони австралиски долари). Парите беа собрани преку донации од десетици илјади луѓе ширум светот, објави „Ројтерс“.

Ахмед ал Ахмед се скри зад паркирани автомобили пред да се нафрли на еден од напаѓачите одзади, грабнувајќи му ја пушката и соборувајќи го на земја. Тој се здоби со прострелни рани, откако беше застрелан од вториот напаѓач, а моментално се опоравува во болница по операцијата.

Огромен чек му беше врачен во неговиот болнички кревет од Закери Дерењовски, инфлуенсер на социјалните медиуми и коорганизатор на кампањата GoFundMe. На таткото на две деца му беше врачен чек од точно 2.533.585 австралиски долари.

This is the touching moment when brave hero Ahmed Al Ahmed found out that kind people from all over the world collected 2.5 million Australian dollars to support him. His thankful words to everyone who donated were full of warmth and love.clearly c the love 4rm local people. pic.twitter.com/dXAuqD9sm6

— hijabnaqvi (@hijabnaqvipan) December 19, 2025

Повеќе од 43.000 луѓе од целиот свет учествуваа во собирањето средства, вклучувајќи го и милијардерот и менаџер на хеџ фондови Бил Акман, кој донираше 99.999 австралиски долари.

Кога му беше врачен чекот, Ахмед праша: „Дали го заслужувам ова?“, на што Дерењовски одговори: „Секој денар“. Кога го прашаа што би им рекол на луѓето што донирале, Ахмед рече: „Ајде да застанеме заедно, сите човечки суштества. И да ги заборавиме сите лоши работи… и да продолжиме да спасуваме животи“.

„Кога спасував луѓе, го правев тоа од срце затоа што беше прекрасен ден, сите уживаа славејќи, со своите деца, жени, мажи, тинејџери, сите, сите беа среќни и заслужуваат, заслужуваат да уживаат“, додаде Ахмед, кревајќи ја неповредената тупаница во воздух.

„Оваа земја е најдобрата земја во светот, најдобрата земја во светот, но ние нема да стоиме настрана и да гледаме – доста е. Бог да ја чува Австралија“.

Ахмед, кој е сопственик на продавница за тутун, не откри за што ќе ги потроши парите.

Ахмед, 43, го напуштил својот роден град во северозападната сириска покраина Идлиб пред речиси 20 години за да бара работа во Австралија.

Во нападот што се случи во неделата загинаа 15 лица, а десетици беа ранети откако две вооружени лица отворија оган врз луѓе што ја славеа Ханука, еврејскиот фестивал на светлата, на познатата плажа. Властите соопштија дека нападот го извршиле 50-годишен татко, кој бил застрелан од полицијата, и неговиот 24-годишен син, кој е во критична состојба.

Поранешниот руски претседател, Дмитриј Медведев, и сегашен потпретседател на Советот за безбедност, со многу остри зборови ги коментираше одлуките донесени во Брисел во врска со заемот за Украина.

Тој им порача на лидерите на ЕУ дека тие се „крадци“ кои „се плашат да извршат грабеж или отворено да украдат руски пари“.

Во објава на социјалните мрежи, Медведев потсети на фактот дека САД „директно се спротивставија на кражбата“.

„Брисел не се откажа од своите планови за извршување на понатамошни грабежи или кражби“, рече тој, нагласувајќи дека „бриселската банда одлучи привремено да се скрие“.

„Учесниците поканети од неколку други земји од ЕУ одбија да придонесат во Европскиот заеднички фонд за поддршка на киевските стаорци“, рече Медведев, меѓу другото.

„Сето ова укажува на почеток на голема прераспределба на моќта во европското подземје“, заклучи Медведев во објава која ја започна со зборовите: „Европски вести за криминалот“.

Фото: депозитфотос

Рускиот заменик-министер за надворешни работи Александар Грушко денес изјави дека Русија нема да прави компромиси кога станува збор за распоредување на контингенти на НАТО, ударно оружје или членство на Украина во Северноатлантската алијанса. „Членството на Украина во НАТО, како и распоредувањето на воени контингенти и ударно оружје на нејзина територија, е апсолутно неприфатливо за нас“, изјави Грушко за Спутник, додавајќи дека ставот на Москва е добро познат и е искажан многу пати претходно.

Тој истакна дека Русија е подготвена да воспостави правно обврзувачки безбедносни гаранции со земјите од НАТО, но само на реципрочна основа.

Грушко потсети дека Москва им предложила вакви договори на Вашингтон и НАТО на крајот на 2021 година и дека тие биле одбиени, пренесува Танјуг.

Заменик-министерот го критикуваше НАТО за, како што изјави, конфронтациската политика и „бесконечното проширување“ на Алијансата, оценувајќи дека во моментов нема знаци дека блокот има намера да го преиспита својот став кон Русија или да се вклучи во дијалог за регионалната безбедност врз основа на принципите на меѓусебна безбедност.

„Доколку НАТО е подготвен да преземе таков чекор, тие знаат каде да нè најдат“, додаде Грушко и потсети дека Москва никогаш не одбила дијалог, додека комуникациските канали со Алијансата беа замрзнати уште во 2014 година.

Фото: депозитфотос