Европскиот парламент ја изгласа забраната за користење на муниција за лов со олово во близина на сите водни површини во Европската Унија.

Членовите на Парламентот ја изгласа оваа забрана на 26 ноември со 499 гласа за, 159 против и 39 воздржани.
Во рок од 24 месеци муницијата и мамките кои се користат во и близу водни површини мора да бидат без олово поради прекумерното загадување на животната средина.

Оловото се користи во муниција за лов и мамки за риболов со децении и покрај тоа што се знае ужасното влијание кое го има врз луѓето, живиот свет и природата. Оловните полнења кои многумина ги користат како муниција содржат голем број на мали зрна кои се распрскуваат од пушката. Само мал дел од зрната всушност стигаат до целта а остатокот се распрскува низ природата. Пресметано е дека околу 21-27000 тони на олово од лов и риболов се распрскува низ Европската Унија на годишно ниво.

Премногу често овие оловни куршуми завршуваат во водните птици кои ги голтаат – Европската агенција за хемикалии пресмета дека повеќе од еден милион птици годишно умираат од последици од труење со олово. Огромна штета се нанесува и на природата и другите животни кои се повредени со оловни сачми или консумирале плен затруен од оловни сачми.

Французинот Мишел Зеклер бара правда, откако беа објавени видеа на кои се гледа дека неколку полицајци го тепаат без очигледна причина. Неколку вооружени полицајци го тепале неколку пати, користејќи палка и солзавец.

„Сакам да разберам зошто бев нападнат од луѓе кои носеа полициски униформи. Всушност, сакам правда затоа што верувам во правдата на мојата земја”, изјави Зеклер за АП, додавајќи дека се чувствува добро сега кога излезе вистината на видело.

Тој рече дека полицијата го навредувала и дека користела „силни расистички епитети“. Зеклер, кој се здоби со повреди на главата, подлактицата и ногата, рече дека сè уште не разбира зошто полицијата сака да го уапси.

Францускиот министер за внатрешни работи Жералд Дарманен претходно нареди суспензија на полицајците.

Видеото, кое прво го објави веб-страницата Лупсајдер, го прикажува насилното апсење на Заклер, инаку музички продуцент. На снимката, собрана од АП од безбедносните камери во неговото музичко студио и оние направени од соседите, се гледа како тројца полицајци го следат Зеклер до студиото, каде постојано го тепаат со палка.

Полицијата повикала засилување и фрлила солзавец во студиото за да ги истера луѓето, објави АП, повикувајќи се на Лупсајдер, а наводно биле претепани уште девет лица кои биле во студиото. Инцидентот се случил во време кога француската влада се обидуваше да донесе закон за забрана на полициско снимање, што предизвика протести од либералните граѓански групи и новинарите, кои проценија дека законот ќе овозможи полициската бруталност да остане незабележана и неказнета.

Британскиот министер за локални заедници, Роберт Џенрик, изјави дека нема причина за загриженост поради податоците за ефективноста на потенцијалната вакцина од Универзитетот Оксфорд и компанијата „АстраЗенека“.

Тој додаде дека е потребна независна проверка откако „АстраЗенека“ и Универзитетот Оксфорд признаа дека се појавила грешка при тестирање на вакцината против коронавирус, што покрена многу прашања во врска со прелиминарните резултати што ги објавија.

„Мислам дека нема причина да се грижиме. Ние и пишавме на комисија која самостојно ќе ја процени точноста и безбедноста на вакцината“, рече тој, пренесува „Ројтерс“.

Компанијата и универзитетот претходно објавија дека нивната вакцина е многу ефикасна, не спомнувајќи зошто некои од учесниците во студијата не ја примиле целата доза за време на првата од двете вакцинации, пишува списанието „Тајм“.

Всушност, подоцна се покажа дека групата што примила помало количество вакцина е подобро заштитена од волонтерите кои примиле две цели дози.