Истрагата покажа дека жената-напаѓач од трговскиот центар во Лугано била во врска со џихадист од Сирија.

Уапсената 28-годишна жена, за која се тврди дека е швајцарска државјанка, во вторникот нападнала две жени во стоковната куќа во Лугано. РТС пренесува дека таа ја фатила едната жена за вратот, а другата ја избола со ножот.

Полицијата соопшти дека сериозно повредената жртва во нападот не е во животна опасност, а откриено е дека во 2017 година, турските власти забраниле напаѓачката да премине од Турција во Сирија и ја вратиле во Швајцарија, пренесува АП.

Од швајцарскиот „Федпол“ било откриено дека жената во тоа време имала психички проблеми, како и дека била примена на психијатриска клиника веднаш по враќањето од Турција.

Швајцарскиот државен обвинител покрена постапка за можен напад со терористички мотиви – нанесување тешка телесна повреда, обид за убиство со умисла и кршење на забраната за активности со екстремистички групи како Ал-Каеда и Исламска држава.

Швајцарските медиуми објавија дека напаѓачката во трговскиот центар била совладана од двајца купувачи пред доаѓањето на полицијата, а во меѓувреме австрискиот премиер Себастијан Курц го осуди овој напад на, како што рече, исламски тероризам и изрази поддршка за Швајцарија во тешките моменти.

Претседателката на Естонија Керсти Калјулајд денеска назначи нов министер за образование, откако неговата претходничка поднесе оставка во врска со скандал со употреба на владини автомобили.

Јаак Ааб, досегашниот министер за јавна администрација, ја замени Мајилис Репс, која поднесе оставка минатата недела.

Репс, самохрана мајка, неколку пати со министерски автомобил управуван од службен возач ги праќала своите шест деца на училиште, без притоа таа да биде во возилото, објавија естонските весници.

Со оставката на Репс и трансферот на Ааб, дури четворица министри ја напуштиле или замениле владината позиција од почетокот на ноември.

Пандемијата на Ковид-19 нема да го спречи Дедо Мраз да носи подароци, рече британскиот премиер Борис Џонсон како одговор на писмото на осумгодишното момче Монти, кое го праша дали Дедо Мраз ќе може да дели подароци оваа година.

Џонсон рече дека лекарите му рекле оти нема ризик за здравјето на децата доколку се следат правилата.

Во своето писмо до премиерот момчето праша дали владата го разгледува прашањето за годишната посета на Дедо Мраз: „Знам дека си многу зафатен, но дали можете вие и научниците да разговарате за тоа“, објави „Ројтерс“.

Monti (aged 8) wrote to me asking if Father Christmas will be able to deliver presents this year 🎅🎁🎄

I’ve had lots of letters about this, so I have spoken with experts and can assure you that Father Christmas will be packing his sleigh and delivering presents this Christmas! pic.twitter.com/pXwcjHSxZg

— Boris Johnson (@BorisJohnson) November 25, 2020

Џонсон го објави писмото на „Твитер“ со копија од неговиот одговор.

„Му се јавив на Северниот Пол и можам да кажам дека Дедо Мраз е подготвен да тргне, како и Рудолф и сите други ирваси“, рече Џонсон.

Тој исто така рече дека главниот здравствен експерт му рекол оти под услов Дедо Мраз да се однесува на својот вообичаен одговорен начин и да работи брзо и безбедно нема ризик за здравјето на децата.

Премиерот рече дека добил многу писма од децата на таа тема и дека го поддржува предлогот на Монти да го остави средството за дезинфекција за рацете на Дедо Мраз.