Свет

(Видео) Пазарот на ужасот од кој почна коронавирусот

Објавено пред

2 месеци

- 30 јануари, 2020

Од

Изворот на смртоносната епидемија на коронавирус се чини дека е пазарот во Вухан.

Коронавирусот брзо се шири во Кина, како и во другите делови на светот. Џонатан Рид, експерт за динамиката на пренесување на заразни болести, во новиот научен труд предвидува дека за две недели бројот на заразени во епицентарот на вирусот, во градот Вухан, ќе биде поголем од 190.000.

Откако беше развиен тестот за новиот коронавирус, докажано е дека сите оние кои први биле заразени го посетиле пазарот во Вухан, работеле таму или имале членови на семејството кои работат таму, пренесува „Аваз“.

Иако се нарекува пазар на морски плодови Хуанан, на овој пазар се продава многу повеќе од морска храна. На таквите пазари, покрај мртва и жива живина и добиток, можат да се најдат и разни живи диви животни: птици, зајаци, стаорци, лисици, лилјаци, змии и други влекачи, магариња, камили, па дури и мајмуни.

Непотребно е да се каже дека чувањето на сите овие животни на мала област, нивниот постојан контакт со трговците и самите клиенти, а често и нивното колење на самото место, е идеално за ширење на вирусите што некои од нив може да ги носат.

Во некои делови на Кина, и покрај официјалните забрани, некои животни, како што се риба, ракчиња, змии, па дури и глувци, магариња и мајмуни, се јадат додека се живи, бидејќи суровото месо од живи животни во традиционалната кинеска медицина се смета за особено здраво.

„Бизнис-инсајдер“ пишува дека овие пазари се нарекуваат и влажни заради крвта, бидејќи месарите често колат животни пред клиентите.

Во такви околности, вирусите имаат можност да развијат мутации кои им овозможуваат преминување на бариерата на видовите и да премнат од животни на луѓето, пренесува НН.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Дела на Салвадор Дали во вредност од 520.000 долари украдени од галерија во Стокхолм

Претходно

Околу 6.000 патници заробени на брод поради сомневање дека има заразени со коронавирус

Регион

Синот на Вучиќ заболен од коронавирус

Објавено пред

6 часа

- 8 април, 2020

Од

Макфакс

Претседателот на Србија, Александар Вучиќ, објави дека син му Данило има коронавирус и дека е сместен на Инфективната клиника во Белград, објави РТС.

View this post on Instagram

Када је све почело, мој Данило ми је рекао да предаја није опција. Мој првенац заражен је коронавирусом, а клиничка слика му је таква да је примљен у Инфективну клинику. Сине, победићеш ти то. Воли те тата, сви те волимо!
A post shared by Александар Вучић (@avucic) on Apr 8, 2020 at 11:42am PDT

„Кога почна сè, мојот Данило ми рече дека откажувањето не е опција. Мојот првенец е заразен со коронавирус, а клиничката слика му е таква за да биде примен на Инфективната клиника. Сине, ќе го победиш ти тоа. Те сака тато, сите те сакаме“, напиша Вучиќ.

Српскиот претседател неодамна изјави дека син му Данило и ќерка му Милица волонтираат по прогласувањето на епидемијата. На една прес-конференција рече дека неговите деца им носат храна и основни продукти на пензионери.

Прикажи повеќе...

Свет

Шефот на СЗО му одговори на Трамп: Не политизирајте го вирусот

Објавено пред

6 часа

- 8 април, 2020

Од

Макфакс

Шефот на Светската здравствена организација (СЗО), Тедрос Аданом Гебрејесус, побара денес да не се политизира пандемијата на коронавирусот кога американскиот претседател, Доналд Трамп, вчера ја обвини агенцијата на ООН дека е премногу блиску до Кина и дека лошо управува со кризата.

„Не политизирајте го вирусот. Нема потреба да се користи Ковид-19 за собирање политички поени“, одговори тој на онлајн прес-конференција на новинарско прашање за обвинувањата од Трамп.

„Имате многу други начини да се докажете“, додаде тој и повика да се избегнува играње со оган.

„Ве молам, политизирањето на Ковид-19 ставете го во карантин“, рече Гебрејесус.

Трамп вчера изјави дека СЗО е премногу блиска до Пекинг.

„Се чини дека сè оди во прилог на Кина, тоа не е прифатливо“, рече Трамп заканувајќи се дека ќе го прекине американското финансирање за СЗО.

Прикажи повеќе...

Европа

Сунак: Премиерот Џонсон останува во болница, но се чувствува добро

Објавено пред

7 часа

- 8 април, 2020

Од

Макфакс

Премиерот на Велика Британија и понатаму останува на интензивна нега. Неговата состојба се подобрува, може да седи на кревет, изјави министерот за финансии, Риши Сунак.

„Најновите информации се дека премиерот останува на интензивна нега во болница, а неговата состојба се подобрува“, рекол Сунак, пренесе „Ројтерс“.

„Можам и да ви кажам дека седеше на кревет и дека соработува со медицинскиот тим“, додал тој.

Претходно, портпаролот на Џонсон рече дека тој реагира добро на терапијата што ја прима во болницата „Сент Томас“ и додал дека е добро расположен.

Џонсон на 27 март објави дека има коронавирус и дека имал благи симтоми. Пред два дена тој беше пренесен во болница.

Прикажи повеќе...