Свет
(Видео) Погодена зграда во Русија: влезот целосно се урна, извлекуваа луѓе од урнатините
Влезот во станбена зграда во рускиот град Шебекин се урна при напад на украинските вооружени сили, објави на Телеграм гувернерот на регионот Белгород, Вјачеслав Гладков. Според првичните информации најмалку пет лица се повредени.
Три лица се пренесени во болница, а две одбиле хоспитализација и на лице место им била укажана лекарска помош. Вработени во руското Министерство за вонредни ситуации пристигнале на местото на настанот и спроведуваат акција за пребарување и спасување.
Тие со помош на камион со скала евакуирале најмалку четири лица од петтиот кат, додека уште две лица се извлечени од под урнатините. Центрите за привремено сместување се подготвени да ги примат луѓето чии станови се уништени, пишува руската државна новинска агенција РИА Новости.
Shebekino, Belgorod region 🤔 pic.twitter.com/BBM3iGCyDm
— MAKS 24 🇺🇦👀 (@Maks_NAFO_FELLA) June 14, 2024
Руската комесарка за човекови права Татјана Москалкова објави дека во Шебекин отишле и членови на нејзиниот кабинет, заедно со омбудсманот на регионот Белгород.
„Уште едно злосторство на Вооружените сили на Украина против руските цивили се случи во Шебекин, регионот Белгород. Како резултат на ракетен напад од Украина, станбена зграда беше уништена и луѓе беа убиени. Група вработени од мојата канцеларија отидоа на местото за пружање помош на настраданите“, истакна таа.
Иако Москалкова споменува загинати, официјалните информации на руските власти не велат дека некој загинал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Индија ги намалува царините за европските автомобили: ЕУ и Њу Делхи блиску до договор
Индија и Европска унија се блиску до објава на договор за слободна трговија, со кој Индија ќе ги намали високите царини за автомобили увезени од ЕУ – од сегашни 110% на 40%, а со тек на време и до 10%, пренесува Ројтерс, повикувајќи се на два извора запознаени со преговорите.
Според договорот, намалувањето ќе важи за ограничен број автомобили со увозна цена над 15.000 евра, со годишна квота од околу 200.000 возила, која сè уште може да се менува. Електричните возила ќе бидат изземени од олеснувањата во првите пет години, со цел заштита на домашните производители.
Се очекува договорот официјално да биде објавен во вторник, по што ќе следи финализирање и ратификација. Пактот би можел значително да ја зголеми билатералната трговија и да отвори нови можности за европските производители на автомобили на едно од најзаштитените пазари во светот.
Свет
(Видео) Со противтенковска граната го погодија возилото на филипински градоначалник: преживеа
Градоначалникот на филипинскиот град Шариф Агуака, Акмад Митра Ампатуан, за малку избегна атентат откако противтенковска граната беше испукана кон неговото оклопно возило. Ампатуан верува дека четири одделни обиди за атентат може да имаат ист мотив. Ампатуан преживеа заседа во недела, 25 јануари, а неговиот Тојота Ленд Крузер беше погоден во нападот, објави Inquirer.net.
DETIK-DETIK MOBIL DITUMPANGI WALIKOTA SHARIFF AGUAK, FILIPINA, DI SERANG MENGGUNAKAN RPG👀‼
Serangan bersenjata menargetkan Wali Kota Shariff Aguak, Filipina, Datu Akmad Mitra Ampatuan, pada Ahad (25/1/2026) pagi.
Insiden terjadi di kawasan Poblacion, Shariff Aguak, Provinsi… pic.twitter.com/N7pCY5o4UL
— Radio Elshinta (@RadioElshinta) January 26, 2026
Ампатуан ги даде овие забелешки на прес-конференција во понеделник наутро, објаснувајќи дека не знае кој би можел да стои зад нападот. Тој нагласи дека нема познати непријатели кои би имале причина за такви дејствија.
„Можеби е исто, но не знам ни кој стои зад тоа“, рече Ампатуан.
Европа
(Видео) Шефицата на АфД: Украина мора да плати за минирањето на нашиот гасовод
Копретседателката на партијата Алтернатива за Германија (АфД), Алис Вајдел, предупреди дека доколку нејзината партија дојде на власт, ќе бара од Украина да ја надомести штетата предизвикана од саботажата на гасоводот „Северен тек“.
„Недостатокот на евтин природен гас е штетен не само за Германија, туку и за цела Европа, но најмногу ја погодува Германија“, рече Вајдел на партиски митинг во југозападната покраина Баден-Виртемберг.
“Zelensky Should Pay For Blowing Up Nord Stream” AfD’s Weidel Unleashes Fury
AfD co chair Alice Weidel has launched a blistering attack on Ukrainian President Volodymyr Zelensky, accusing him of responsibility for the Nord Stream explosion and demanding Ukraine pay for the… pic.twitter.com/O5h5bEosNM
— Ignorance, the root and stem of all evil (@ivan_8848) January 25, 2026
„Како е можно германската влада да има толку малку самопочит што дури и не бара истрага? Можам да ви кажам што ќе правиме кога ќе дојдеме на власт. Ќе бараме отштета. Украинците, Володимир Зеленски, едноставно мора да платат за минирањето на нашиот гасовод“, нагласи таа.
Вајдел рече дека земја што се однесува на таков начин не може да биде пријател на Германија. Таа додаде дека Германија издвоила повеќе од 70 милијарди евра помош за Украина.
„Им испративме оружје. Канцеларот Фридрих Мерц вети дека ќе испрати германски војници. Како може да биде толку рамнодушен кон историјата? И, патем, да испрати германски тенкови против Русија“, рече таа.

