Свет
(Видео) Подигнато шведското знаме пред седиштето на НАТО: „Путин направи голема грешка“
![](https://makfax.com.mk/wp-content/uploads/2024/03/svedska-nato.jpg)
Влегувањето во НАТО е добро за Шведска, добро е за стабилноста на север и за алијансата во целина, изјави денеска генералниот секретар на НАТО, Јенс Столтенберг, на церемонијата на подигнување на шведското знаме пред седиштето на алијансата во Брисел.
„Шведска е наш партнер долго време, сега е сојузник со сите предности и одговорности“, рече Столтенберг,додавајќи дека Шведска има супериорни способности и првокласни вооружени сили и одбранбена индустрија и дека троши повеќе од два отсто од својот БДП за одбрана.
На свеченоста, заедно со премиерот Улф Кристерсон, беа и министрите во неговиот кабинет, принцезата Викторија и лидерите на шест парламентарни партии. Шведска се откажа од својата повеќе од 200-годишна политика на неутралност откако Русија ја нападна Украина пред нешто повеќе од две години.
За НАТО, пристапите на Шведска и Финска, кои делат 1.340 километри долга граница со Русија, се најзначајни во последните неколку децении од проширувањето.
„Солидарноста ќе биде водечки принцип за Шведска како членка на НАТО. Ќе ги споделиме товарот, одговорноста и ризиците со нашите сојузници“, рече премиерот Кристерсон нагласувајќи дека безбедносната ситуација не била толку сериозна од Втората светска војна и дека Русија ќе остане закана за евро-атлантската безбедност во догледно време.
„Шведска влезе во НАТО за да добие, но и да обезбеди безбедност. Нашата поддршка за Украина е основен дел од тоа, Украина храбро се бори за својата слобода, но ја брани и европската слобода. Ние во Шведска сакаме да кажеме дека имаме уникатни воени способности за придонес на копно, во воздух и на море“, рече шведскиот премиер.
Кристерсон рече дека неговата земја целосно ја споделува одговорноста со своите сојузници во НАТО, вклучително и нуклеарната стратегија, но дека не гледа потреба да распоредува постојани бази или нуклеарно оружје на шведска територија во мирнодопски услови.
На прашањето дали е загрижен за евентуалната реакција на Русија, која секогаш нагласувала дека ќе реагира доколку Шведска влезе во НАТО и дали се плаши од сајбер-напади и хибридни закани, Кристерсон рече дека требало да остане внимателен.
Тој посочи дека Русија постојано врши сајбер напади и ќе продолжи да го прави тоа. „Не смееме да бидеме наивни, затоа мора да останеме претпазливи“, рече Кристерсон. Столтенберг изјави дека рускиот претседател Владимир Путин направил „голема стратешка грешка“ кога ја нападнал Украина.
„Тој сакаше да ја спречи Украина да се приближи кон НАТО и ЕУ и побара од нас да потпишеме договор со Русија дека нема да има понатамошно проширување на НАТО во ниту една земја во Европа. Сега го постигна токму спротивното, сакаше помалку НАТО и доби повеќе и уште поголемо воено присуство на источното крило. Шведска и Финска денес се полноправни членки, а Украина никогаш не била поблиску до НАТО“, рече Столтенберг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.