Свет
(Видео) Пожар во зграда во Виетнам, десетици загинати: момче фрлено од десеткатница за да биде спасено од оганот

Десетици луѓе загинаа во пожар во станбена зграда во виетнамската престолнина Ханој, објавија државните медиуми, а очевидци велат дека слушнале повици за помош и дека мало дете било фрлено од зградата со цел да го спасат.
Пожарот избувнал вчера нешто пред полноќ на паркингот на десеткатницата, во простор преполн со мотори на станарите, велат очевидци.
„Властите спасија 70-ина луѓе, префрлија 54 лица во болница, меѓу кои и десетици мртви“, објави официјалната виетнамска новинска агенција.
Over 12 Feared Dead in Apartment Building fire in Hanoi
The fire late at night on Tuesday in the Vietnamese capital has been put out but rescue operations continue.
54 out of the 70 rescued were rushed to the hospital.#Vietnam | #Hanoi pic.twitter.com/8DT5BZSPMv
— RT_India (@RT_India_news) September 13, 2023
„Ова е многу сериозен пожар“, се вели во соопштението.
Снимките од фотографите на АФП покажуваат пламен и чад како излегува од затворените балкони. Пожарникарите утрово го изгаснале пожарот, а спасувачите тешко влегувале во зградата која се наоѓа во тесна уличка во станбена населба во југозападниот дел на градот.
Малите балкони се опкружени со железна ограда, а зградата има само еден излез и нема скала за итен излез однадвор.
Во комплексот живееле околу 150 луѓе, соопштија властите. „Слушнав многу повици за помош. Не можевме многу да им помогнеме“, изјави за АФП на местото на настанот една жена, која рече дека се вика Хоа и живее во близина на зградата.
„Зградата е толку затворена и без рута за евакуација жртвите не може да излезат“, додаде таа. Друг сведок, Хуонг, рече дека мало дете било фрлено од висок кат за да избега од пламенот.
„Одев да спијам кога нешто почувствував. Излегов и видов пожар“, изјави сведокот. „Насекаде имаше дим. Мало момче беше фрлено од висок кат, не знам дали преживеа или не иако луѓето користеа душек за да го фатат“, опишала таа.
Вицепремиерот Тран Луу Куанг утрово го посети местото на настанот, објавија државните медиуми.
По трагедијата, премиерот наредил проверка на сите високоризични локации. Тринаесет лица загинаа во 2018 година откога се запали станбен комплекс, исто така во градот Хо Ши Мин. Уште 13 лица загинаа во 2016 година во караоке-бар во Ханој по пожар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел ги проширува операциите во Газа, зголемувајќи ги тензиите во регионот

Израелската армија денеска ги прошири своите операции во Појасот Газа, каде што се зголемува бројот на загинати палестински цивили. Растат тензиите во регионот, а за време на викендот имаше вооружени напади во Ирак и Црвеното Море.
„Израелската армија продолжува да ја шири својата копнена операција против Хамас низ појасот Газа. Армијата дејствува секаде каде што Хамас има упоришта“, изјави доцна синоќа воениот портпарол Даниел Хагари.
Израелските војници се ангажирани во копнена офанзива од 27 октомври на северот на Газа, каде што презедоа контрола на неколку места. Бидејќи борбите продолжија во петокот по истекот на еднонеделното примирје со Хамас, војската главно се фокусираше на воздушни напади.
Во текот на ноќта, во напад на влезот на болницата Камал Адван, лоцирана во северниот дел на Газа, загинаа неколку луѓе, според палестинската новинска агенција Вафа, а владата на Хамас ја обвини израелската армија за „сериозно кршење“ на меѓународното хуманитарно право.
Израел го обвинува палестинското движење Хамас дека ја постави својата инфраструктура во или под болниците и дека користи цивили како жив штит.
Франс прес додава дека тензиите се шират во регионот. Во текот на викендот, пет проирански борци беа убиени во напад во Ирак, додека јеменските бунтовници Хути, поддржани од Иран, кои и самите ги поддржуваат Палестинците, нападнаа два брода во Црвеното Море.
Европа
Шефицата на француската дипломатија и порача на Кина: На светот не му треба нова криза

Шефицата на француската дипломатија Катрин Колона денеска ја повика Кина да ги намали тензиите во Јужното кинеско море и додаде дека „на светот не му треба нова криза“.
Пекинг ги засили воените вежби во стратешки важниот Тајвански теснец, а кинеската крајбрежна стража беше обвинета за малтретирање филипински рибарски чамци во спорните води.
Австралија, исто така, минатиот месец го критикуваше Пекинг за „небезбедно и непрофесионално“ однесување на море, велејќи дека еден од нејзините поморски нуркачи бил повреден од сонарни импулси од блискиот кинески воен брод.
„Секако дека сме загрижени за она што се случи со австралиската морнарица пред неколку дена, како и за она што се случи со Филипините пред неколку недели“, изјави Колона за новинарите во Канбера.
Според неа, низ Тајванскиот теснец мора да владее смиреност и стабилност, а на светот секако не му треба нова криза.
Француската министерка ја повика Кина да ги намали тензиите во азиско-пацифичкиот регион.
Кина треба да биде слободна да го продолжи својот „економски подем“, но мора да ги исполни и меѓународните очекувања, како што е почитувањето на човековите права, рече Колона, додавајќи дека нејзината земја ќе продолжи со конструктивната соработка со Кина бидејќи „има охрабрувачки знаци“.
Во ноември Колона беше во официјална посета на Кина.
Регион
(Видео) Автомобил експлодира во близина на трговски центар во Белград

Утрово во близина на трговскиот центар во Бањица во Белград се случила експлозија, објави нова.рс.
Засега не е познато како дошло до експлозијата, ниту дали има повредени.
Случајни минувачи јавуваат дека се слушнала силна детонација, а во овој дел од градот е видлив црн чад, јавуваат српските медиуми.