Европа
(Видео) Полски пратеник, екстремен десничар со противпожарен апарат изгасна еврејски свеќник во парламентот

Полски пратеник од екстремната десница употреби противпожарен апарат за да ги изгаси свеќите на менората во парламентот, по што претседателот го исклучил од седницата.
🇵🇱🚨‼️ BREAKING: Polish MP Grzegorz Braun puts out Hanukkah candles with a fire extinguisher in the parliament building!
Those around him can be heard saying: “you should be ashamed.”
He responds: “Those who take part in acts of the satanic cult should be ashamed.” pic.twitter.com/JQyiHqPEvf
— Lord Bebo (@MyLordBebo) December 12, 2023
На снимката објавена од приватниот радиодифузер ТВН24 се гледа дека Грзегорз Браун, член на Конфедерацијата, зема апарат за гаснење пожар, како оди по ходникот на парламентот до свеќите, по што создава бел облак што предизвикува обезбедувањето да ги евакуира луѓето во близина.
Тој потоа се упати кон говорницата во собраниската сала, каде што го прогласи Ханука, еврејскиот празник кој започна на 7 декември и завршува на 15 декември за „сатански“ и додаде дека со тоа се враќа „нормалноста“.
Запрашан дали се срами од својот чин, Браун одговори дека оние кои учествуваат во „актите на славење на сатаната“ треба да се засрамат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Полски европратеник си ги избриша чевлите од знамето на ЕУ, а потоа го запали

Крајнодесничарскиот европратеник и кандидат на претстојните претседателски избори во Полска, Грзегорз Браун, го запали знамето на Европската Унија во зградата на Министерството за индустрија во Катовице. Пред да го запали, си ги избриша чевлите од него.
Precz z eurokomuną! Tu jest Polska 🇵🇱 pic.twitter.com/e0PLoXlZJA
— Grzegorz Braun (@GrzegorzBraun_) May 6, 2025
Имунитетот на Браун му беше укинат во вторникот.
Tu jest Polska 🇵🇱 nie Bruksela! pic.twitter.com/MxGOoaufUe
— Grzegorz Braun (@GrzegorzBraun_) May 6, 2025
Полските власти ќе го гонат во врска со инцидентот од декември 2023 година кога како член на полскиот парламент тој ги изгасна свеќите за Ханука со противпожарен апарат како знак на протест против прославата на еврејскиот празник во Полска.
Европа
Две години по крунисувањето, објавени официјални портрети на кралот Чарлс и Камила

Две години по историската церемонија, објавени се официјалните портрети на крунисувањето на кралот Чарлс и неговата сопруга, кралицата Камила.
Портретите ги откриле самите крал и кралица за време на посетата на Националната галерија во Лондон.
Портретите ќе бидат изложени таму еден месец по што ќе бидат префрлени во Бакингемската палата, се вели во официјалното соопштение од палатата.
Европа
Украина: Русија нè бомбардира и покрај тридневниот прекин на огнот

Украинските власти рано утрово пријавија ново гранатирање и покрај едностраното примирје објавено од рускиот претседател Владимир Путин, кое наводно стапи на сила на полноќ.
Руските авиони постојано фрлаат наведувани бомби над северниот регионот Суми, соопштија украинските воздухопловни сили на Телеграм, предупредувајќи за континуирана воздушна активност во источен правец.
Во меѓувреме, рано утрово беа пријавени предупредувања и напади со беспилотни летала во регионот Липецк во западна Русија, според регионалниот гувернер Игор Артамонов.
Информациите дадени од двете страни не можеа независно да се потврдат.
Едностраното 72-часовно примирје прогласено од Москва стапи на сила веднаш по полноќ, според руската државна новинска агенција ТАСС. Путин го објави прекинот на огнот за време на годишната прослава на Денот на победата во Русија на 9 мај, со што се означува крајот на Втората светска војна во Европа.