Европа
(Видео) Полскa пратеничка испрскана со бибер спреј, изгледала заканувачки

Полската полиција соопшти дека полицаецот, кој за време на протестот во Варшава испрскал бибер спреј в лице на членка на парламентот, веројатно тоа го сторил затоа што нејзиниот обид да се легитимира го доживеал како закана.
Полицаецот ја испрскал левата централно-левичарска пратеничка Барбара Новачка в лице додека таа му ја давала пратеничката легитимација.
Инцидентот се случил за време на протестот во саботата во главниот град на Варшава против ограничувачката судска пресуда за абортус, пренесува АП.
Портпаролот на полицијата во Варшава, Силвестер Марцак на почетокот признал дека употребата на бибер спреј против пратеничката изгледала шокантно.
Меѓутоа подоцна полицијата објави видеа од инцидентот на „Твитер“. Тие рекоа дека Новачка ги игнорирала повиците да се оддалечи од полицијата и сугерирале дека нејзиниот гест, додека ја давала легитимацијата на полицијата, може да изгледал заканувачки.
Pulitzer Prize winner Czarek Sokolowski made this image yesterday of MP Barbara Nowacka being pepper sprayed in the face at close distance during a pro-choice protest. #poland #polen #WomensRights #politics https://t.co/fg4JFjXyNj
— J🅰️🅰️P (@Ourmanintheeast) November 29, 2020
„Лице кое и покрај повиците да се оддалечи од полициска формација, намерно продолжува да се приближува и одеднаш ја подава раката со предмет пред лицето на полицаец, може да се сфати како закана“, соопшти полицијата на Твитер.
Новачка беше еден од неколкуте пратеници кои присуствуваа на протестот за да ги следат настаните откако полицијата употреби сила и солзавец против демонстрантите на неодамнешните демонстрации.
Новачка го опиша полициското однесување како „непотребно и непропорционално“.
„Така се третираат жените кои се борат за своите права во Полска“, рече Новачка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Потврдено присуството на бразилскиот вид на коронавирус во Велика Британија

Агенцијата за јавно здравје на Англија објави дека е потврдено присуство на бразилскиот сој на коронавирус, кај шест пациенти во Велика Британија, пренесува „Гардијан“.
Весникот наведува дека три случаи на зараза со новиот вид биле откриени во Англија и три во Шкотска.
Повеќе од 20 милиони луѓе во Велика Британија примиле барем една доза вакцина против коронавирусот, објави денеска министерот за здравство, Мет Ханкок.
„Ова е величествено достигнување за нашата земја. Вакцината е нашиот излез. Кога ќе добиете покана, вакцинирајте се“, напиша Ханкок на „Твитер“.
Европа
Чешка би можела да ја воведе „Спутник В“ и без одобрение од ЕУ

Чешкиот премиер, Андреј Бабиш, изјави дека земјата може да започне со употреба на руската вакцина „Спутник В“ против коронавирус дури и без одобрение од Агенцијата за лекови на Европската унија (ЕМА).
Во Чешка, бројот на случаи со коронавирус се зголеми во последните неколку недели, така што таа земја сега е рангирана меѓу најлошите во светот според бројот на зараза и смртни случаи од Ковид-19.
Бабиш на 10 февруари рече дека Чесите ќе чекаат одобрување од ЕМА пред да почнат да ја користат вакцината. Исто така, Франција се очекува да и обезбеди на Чешка 100.000 дози од вакцината „Фајзер/Бионтек“ до средината на март.
Европа
Британски министер: Ковид-пасошот е добар начин за закрепнување на британската економија

Министерот за финансии на Велика Британија, Риши Сунак, денес оцени дека идејата за воведување на ковид-пасош може да биде добар начин за олеснување на економското закрепнување на Велика Британија од пандемијата.
„Тоа е комплицирано, но релевантно прашање како да се помогне за нормализирање на животот во Британија“, рече Сунак утрово во интервју за Би-Би-Си.
Британскиот премиер, Борис Џонсон, минатата недела изјави дека владата ќе ги разгледа научните, моралните, филозофските и етичките аспекти на прашањето за користење сертификати за лица кои се имунизирани, што ќе придонесе за обновување на секторот за забава и услуги.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа5 дена
Планот за отклучување на Германија протече во медиумите, Меркел: Имаме трет бран