Контакт

Свет

(Видео) Поплавен аеродром во Дубаи: авионите едвај се движат по пистата, прекинати бројни летови

Објавено пред

Силен дожд ги зафати ОАЕ, а обилните врнежи доведоа до целосно поплавување на автопатите и аеродромот во Дубаи.

dobivaj vesti na viber

На видеата кои се објавуваат на социјалните мрежи може да се видат авиони кои се движат по пистите кои се поплавени.

Поради ваквата состојба и ненадејната промена на времето откажани се многу летови.

На автопатите и улиците има цистерни со пумпи кои ја испумпуваат водата, со цел да се подобри состојбата во градот.

Како што пишуваат луѓето на социјалните мрежи, сите училишта во Дубаи се затворени, а целиот град е во застој, пишуваат медиумите во регионот.

Свет

Малолетник во Индија уби две лица пијан во „порше“: за казна, тој мора да напише есеј

Објавено пред

Гневот расте во Индија откако на тинејџер кој наводно уби две лица додека возел пијан, му било наредено да напише есеј како казна, а многумина повикаа на построга казна и го обвинија судството за попустливост.

dobivaj vesti na viber

Несреќата се случила минатиот викенд, а 17-годишникот со порше со голема брзина се движел низ градот Пуна пред да удри во мотоцикл, при што загинале две лица. Малолетникот бил приведен, а подоцна изведен пред Судот за малолетници, каде бил пуштен со кауција и 15 дена општествено корисна работа.

Тој, исто така, имал задача да напише есеј за безбедноста на патиштата, рече заменик-главниот министер на Махараштра, Девендри Фаднавис.

„Гневот порасна после ова. Според полициските информации, момчето има 17 години и 8 месеци. Ова е грозоморно злосторство“, им рече тој на новинарите, посочувајќи ги промените во индиските закони за малолетници од 2015 година, кои им дозволуваат на децата на возраст над 16 години да да им се суди како полнолетни доколку наводно извршиле „грозоморно“ кривично дело.

„Ова беше изненадувачка наредба донесена од Одборот за малолетничка правда“, рече Фаднавис.

Фаднавис додаде дека градската полиција на Пуна го истражува малолетникот за наводно убиство кое не значи убиство. Тие, исто така, побараа од судот за малолетници да ја разгледа одлуката за кауција, рече тој.

На снимката од надзорната камера, неколку моменти пред несреќата, се гледа бело „порше“ како со голема брзина по главната сообраќајница. Се гледаат луѓе како брзаат кон местото на несреќата.

Таткото на малолетникот е уапсен бидејќи наводно му дозволил на својот син да вози иако бил малолетен, објави полицискиот комесар на градот Пуна, Амитеш Кумар. Законската возраст за возење во Индија е 18 години.

Уапсени се и три лица кои служеле алкохол на малолетници, додаде Кумар.

„Ние го усвоивме најстрогиот можен пристап и ќе направиме се што е во наша моќ за да обезбедиме двата млади изгубени животи да добијат правда и обвинетиот да биде соодветно казнет“, рече тој.

Инцидентот ги исполни насловите на индиските медиуми и предизвика бес кај пошироката јавност, а многумина на социјалните мрежи ги осудија условите за кауција на момчето.

Суреш Кошта, чија 24-годишна ќерка загина во несреќата, ги повика властите да преземат строги мерки против возачот.

„Не беше во ред да му се дозволи на малолетник да вози“, им рече тој на новинарите пред својата куќа, задржувајќи ги солзите.

Прво треба да знаете да возите, додаде таткото.

 

 

Прикажи повеќе...

Регион

Адвокат: Телото на Данка Илиќ никогаш нема да биде пронајдено

Објавено пред

Српскиот адвокат Боривоје Боровиќ денеска изјави дека телото на девојчето Данка Илиќ (2) од Бор, кое исчезна на 26 март, никогаш нема да биде пронајдено.

dobivaj vesti na viber

Боровиќ за агенцијата Бета изјави дека полицијата под притисок на политичките власти ја водела истрагата „непрофесионално“.

„Овој случај полицијата го уништи бидејќи јавно ја водеше истрагата, објавувајќи ги дури и изјавите кои обвинетите ги дале на рочиштето. Исто така, погрешно е што на јавноста и на обвинетите им било кажано дека кривичното дело е казниво со доживотен затвор. Еден од обвинетите починал во полициска станица, најверојатно под тортура, сега секој обвинет, кој преживеал, може да каже дека бил принуден да даде изјава под полициска тортура“, рече адвокатот.

Според него, доколку се докаже дека Далибор Драгијевиќ починал како последица на полициска тортура, изјавите на останатите обвинети кои го признале делото не можат да бидат доказ.

„Ако нема траги од ДНК од возилото, тоа ќе значи дека сите докази се контаминирани од политичарите, кои набрзина сакаа да објават дека случајот е расчистен. Полицијата беше прилично засрамена што не го најде телото и по речиси два месеци е очигледно дека тие не презеле криминално-форензички дејствија навреме, туку се потпирале на полиграфот, кој е неважен за истрагата на обвинителството“, рече Боровиќ.

Тој нагласи дека телото на девојчето нема да биде пронајдено.

„Телото на Данка Илиќ нема да биде пронајдено и истрагата ќе мора да се прекине, а оваа трагедија ќе се претвори во фарса“, процени тој.

Додаде дека случајот со Данка Илиќ е само еден во низата кој полицијата не го разреши поради притисок и мешање на политичките власти.

„Во истрагата за убиствата на пејачката Јелена Марјановиќ и адвокатот Миша Огњановиќ се вмешаа и политичари кои по неколку дена објавија дека знаат кои се убијците. Во сите овие случаи, наместо тајно да ги достави доказите до обвинителството, полицијата ги достави деталите од истрагата до поединечни политичари.

Девојчето Данка Илиќ исчезна на 26 март од семејниот двор во населбата Бањско Поље кај Бор. Српскиот претседател Александар Вучиќ и соопшти на јавноста дека девојчето било убиено на 4 април. Срѓан Јанковиќ (50) и Дејан Драгијевиќ (50), вработени во ЈКП „Водовод“ од Бор се уапсени поради сомнение дека прво со службено ја удриле малата Данка, а потоа ја внеле во возилото и ја убиле.

Тие се обвинети и дека телото на девојчето го фрлиле во депонија.

Далибор Драгијевиќ и неговиот татко Раде беа уапсени на 6 април, под сомнение дека му помогнале на Дејан Драгијевиќ да го премести телото на девојчето на непозната локација. Дејан Драгијевиќ почина на 7 април во полициската станица во Бор, соопшти Министерството за внатрешни работи на Србија.

Во соопштението навеле дека „вештиот суд констатирал природна смрт“, но подоцна во Институтот за судска медицина во Белград било констатирано дека има повреди по телото и дека смртта била поради насилство. Истрагата за неговата насилна смрт ја води Секторот за внатрешна контрола на МУП.

Во меѓувреме, во Вишото јавно обвинителство во Зајечар пристигнаа првите резултати од ДНК-испитувањето од Националниот криминалистичко-технолошки центар, во кои нема биолошки траги од девојчето.

Телото на Данка Илиќ се уште не е пронајдено.

Прикажи повеќе...

Свет

САД, Франција, Германија и Австрија: Рано е за признавање на Палестина

Објавено пред

САД, Франција, Германија и Австрија порачаа дека се уште нема услови за признавање на Палестина и дека е потребно да се водат преговори за решение со две држави за блискоисточниот спор.

dobivaj vesti na viber

Ирска, Норвешка и Шпанија претходно најавија дека ќе ја признаат Палестина на 28 мај. Вашингтон, Париз, Берлин и Виена сметаат дека е рано за тоа.

Американскиот претседател Џо Бајден смета дека палестинската држава треба да се постигне со преговори, а не со еднострано признавање, објави во средата Белата куќа.

„Претседателот е силен поддржувач на решението за две држави и го поддржуваше во текот на неговата кариера“, изјави портпаролот на Советот за национална безбедност на Белата куќа.

„Тој смета дека палестинската држава треба да се реализира преку директни преговори меѓу страните, а не преку еднострано признавање.

Условите за официјално признавање на Палестина како држава сè уште не се исполнети, рече во средата францускиот министер за надворешни работи, откако групата европски нации го објавија потегот со надеж дека ќе помогне да се донесе мир во регионот.

„Ова не е само симболично прашање или прашање на политичко позиционирање, туку дипломатско средство во служба на решение на две држави кои живеат една до друга во мир и безбедност“, рече Стефан Сежурн во изјавата. „Франција не смета дека се уште се исполнети условите оваа одлука да има вистинско влијание врз тој процес.

Портпаролот на германското Министерство за надворешни работи ја истакна поддршката на Берлин за решението за две држави, одговарајќи на новинарско прашање за одлуката на европските земји да ја признаат Палестина.

„Независна палестинска држава останува цврста цел на германската надворешна политика“, рече портпаролот на редовната прес-конференција во Берлин, додавајќи дека за таа цел е потребен дијалог.

„Симболичното признавање нема да им помогне на Палестинците во овој момент“, изјавија од австриското Министерство за надворешни работи за австриската новинска агенција АПА. Тие уверуваат дека и покрај тоа, Австрија е долгогодишен поддржувач на решението за две држави.

Шпанија, Ирска и Норвешка внајавија дека ќе ја признаат независната палестинска држава на 28 мај, на што Израел веднаш реагираше со повлекување на амбасадорите од тие земји. Трите западноевропски земји со тоа и се приклучија на Шведска, која во 2014 година беше првата членка на ЕУ што го стори тоа. Чешка, Унгарија, Полска, Бугарија, Романија ја признаа Палестина во 1988 година како дел од советскиот блок, а истата година, тоа го направи и Кипар.

Признавањето на Палестина најавија Малта и Словенија, а дека оваа можност постои најави и Австралија. Палестина како држава во моментов е призната од 143 од 193 членки на Обединетите нации.

Прикажи повеќе...

Најново

Македонија1 час

Директорот на „Идризово“ по пожарот со четворица задушени чувари: Се запали душек од сунѓер, кој може да пламне и од догорче од цигара

Четворицата задушени чувари од затворот „Идризово“ се во добра состојба и се очекува утре да бидат пуштени дома, вели директорот...

Македонија2 часа

Спорните договори за вработување се само со потписот на Иљази – ДСЗИ влезе на Токсикологија

Државниот санитарен и здравствен испекторат извршил контрола на Клиниката за токсикологија во однос на договорите за вработување на лицата за...

Свет4 часа

Кои земји досега ја признаа Палестина

Речиси три четвртини од земјите во светот ја признаа државата Палестина, која ја прогласи палестинското раководство во егзил пред повеќе...

Македонија5 часа

На скопскиот аеродром спречен влез на 1,7 тони медикаменти, кои се штетни за здравјето на граѓаните

Царинските службеници на влез на Меѓународниот аеродром „Скопје“ спречија влез на 1,7 тони медикаменти, „силденафил цитат упс“ и „сибутрамин“, кои...

Македонија6 часа

Велигденов: Владата да се заземе за интересот на „Македонска пошта“ бидејќи 2.000 вработени ќе останеме на улица

Првиот синдикалец на „Пошта“ информира дека и покрај претходните протести не е регулирано прашањето на редовно примање плата и не...

Македонија8 часа

Зголемување на водостојот и излевање на Крива Река во село Опила

По добиената пријава во ЦУК, за зголемување на водостојот и излевање на Крива Река во село Опила во општина Ранковце,...

Македонија8 часа

Граѓаните на Куманово да не ја користат водата за пиење од Водоводот, алармира ЦУК

Денеска, до Центарот за управување со кризи до Секторот за операции и координација е побарана координација помеѓу институциите заради надминување...

Европа8 часа

Норвешка ја призна палестинската држава

Владата на Норвешка денеска соопшти дека нордиската земја признава независна палестинска држава. Норвешкиот премиер Јонас Гар Стор денеска изјави дека...

Македонија8 часа

„Георгиев и Мемети се само дел од криминално судскиот октопод“, велат од ВМРО-ДПМНЕ

„СДС и ДУИ се причината поради која денеска правосудството е корумпирано. Наке Георгиев и Иџет Мемети се остатоците од криминалната...

Свет9 часа

Првиот случај на птичји грип откриен на фарма во Австралија, не е истиот вид како во САД

Птичјиот грип е откриен на живинарска фарма во близина на Мелбурн, Австралија, а првите резултати од тестовите покажуваат дека не...

Свет9 часа

На италијанскиот министер за одбрана му се слоши, хоспитализиран поради болки во градите

Во вторникот на италијанскиот министер за одбрана Гидо Крозе му се слошило за време на состанокот на Врховниот совет за...

Свет9 часа

Стотици илјади луѓе на улиците на Техеран, Хамнеи води молитва за Раиси

Стотици илјади луѓе се собраа утрово на улиците на Техеран за да присуствуваат на погребот на иранскиот претседател Ебрахим Раиси...

Свет9 часа

(Видео) Неколку лица загинаа во торнадо во Ајова, десетина повредени

Неколку луѓе загинаа во торнадо во градот Гринфилд во американската сојузна држава Ајова, додека десетина луѓе се повредени, пренесе Ројтерс....

Македонија21 час

(Видео) Поплавувања и штети од пороен дожд и град во Куманово, Старо Нагоричане и Липково, се очекува зголемување на водостојот на Лепенец

Центарот за управување со кризи информира дека заради локалните врнежи на дожд има пријави за поплавувања и штети од град...

Македонија1 ден

Осомничениот за двојното убиство Љупчо Палевски – Палчо, спроведен во Кривичниот суд: одреден му е притвор од 30 дена

Осомничениот за двојното убиство во Скопје и Велес од ноември минатата година, Љ.П. кој на 15.05.2024 година беше екстрадиран од...

Македонија1 ден

30-дневен притвор за судијата Наќе Георгиев

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење организиран криминал...

Македонија1 ден

Одземање на пасошот и мерки за претпазливост за Иџет Мемети, бара Обвинителството

Јавниот обвинител од Основното јавно обвинителство за гонење на организиран криминал и корупција до судијата на претходна постапка при Основниот...

Македонија1 ден

Иљази им забрани на докторите од Токсикологија да даваат изјави за медиумите

Економската директорка на Клиниката за токсикологија, Бесија Иљази, им забрани на вработените на Клиниката за токсикологија да даваат медиумиски изјави...

Македонија1 ден

Повеќе од 100 отсто зголемен бројот на претставки за дискриминација во 2023 година, Комисијата се жали на ограничен буџет и малкумина вработени

Комисијата за спречување и заштита од дискриминација минатата година добила двојно повеќе претставки во однос на 2022 година. Денес, Комисијата...

Топ1 ден

Загина маж во Кичевско: со возилото излетал од патот

Вчера во 13.00 часот во ОВР Кичево било пријавено дека на магистралниот пат А2, кај с.Трапчин Дол, кичевско, патничко возило...