Свет
(Видео) Роверот „Упорност“ ги испрати првите панорамски сцени од Марс

Роверот на НАСА „Упорност“ ја испрати на Земјата првата панорамска слика на површината на Марс, објави американската агенција за истражување на вселената.
Фотографијата што го опфаќа целиот круг е составена од 142 слики направени на 21 февруари од камерата „масткем-з“.
Сликата покажува пуста област со геолошки формации, вклучувајќи карпа со бразди од ветер и работ на кратерот Језеро, каде што роверот слета минатата недела.
The first 360º view of Mars from Perseverance Rover.
Credit: NASA/JPL-Caltech/ASU/MSSS pic.twitter.com/T8BB7s6Bpr
— Wonder of Science (@wonderofscience) February 25, 2021
НАСА објави дека модерната камера ќе им помогне на научниците да ги испитаат атмосферските услови во кратерот и оддалеку да ги идентификуваат видовите карпи и седименти кои треба да се испитаат со помош на инструменти на роверот.
Џим Бел, истражувач од Државниот универзитет во Аризона, кој ја води операцијата со камерата „масткем-з“, рече дека фотографијата потврдува дека роверот паднал на идеално место, пренесе агенцијата ДПА.
„Упорност“ патуваше низ вселената речиси седум месеци по лансирањето од Кејп Канаверал на Флорида.
I’m taking it all in. This is the first 360º view of my home using Mastcam-Z. This dual, high-definition camera system sits atop my mast and has zoom capability. Inspect tiny details of Jezero Crater with the special interactive viewer at https://t.co/roDhWK56gj #CountdownToMars pic.twitter.com/TAy28PpG73
— NASA’s Perseverance Mars Rover (@NASAPersevere) February 24, 2021
Научниците се надеваат дека ќе пронајдат докази во езерскиот кратер дека микробите постоеле на Марс во минатото. Марс имаше вода на својата површина пред милијарди години, а на тоа се заснова и претпоставката дека можеби постоел некој облик на живот на планетата.
„Упорност“ ќе ја истражува површината на Марс, неговата геологија и клима најмалку две години, а исто така ќе собира примероци од карпите и почвата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија ја осудува острата ескалација на тензиите меѓу Израел и Иран

„Русија е загрижена и ја осудува острата ескалација на тензиите“, изјави портпаролот на Кремљ, Дмитриј Песков, пренесува руски Интерфакс.
Тој изјави дека рускиот претседател Владимир Путин добива онлајн извештаи за настаните што се случуваат меѓу Израел и Иран.
„Претседателот Путин добива извештаи во реално време од руското Министерство за одбрана, Службата за надворешно разузнавање и Министерството за надворешни работи за настаните во регионот“, рече Песков.
Според него, руското Министерство за надворешни работи, по наредба на претседателот на Русија, наскоро ќе издаде детално соопштение за ситуацијата меѓу Израел и Иран, „кое потоа ќе биде дистрибуирано до Обединетите нации“.
Свет
Израел ги скри патничките авиони на тајна локација надвор од земјата

Израелските авиокомпании „Ел Ал“, „Аркија“ и „Исраир“ ги преместија своите авиони надвор од земјата на непозната локација, како подготовка за можен ирански напад врз аеродромот „Бен Гурион“, јавува дописникот на „Скај њуз“ од Блискиот Исток.
Авионите беа транспортирани без патници, како дел од однапред подготвени безбедносни протоколи во случај на понатамошна ескалација и напади врз клучна инфраструктура.
Ноќеска Израел изврши голем воздушен напад врз повеќе цели во Иран. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување ураниум во Натанц.
Свет
Германија ја зајакнува заштитата на еврејските и израелските институции по нападот врз Иран

Германскиот канцелар Фридрих Мерц изјави дека Израел има право да го брани своето постоење, а по израелските напади врз Иран, наредил зголемена заштита на еврејските и израелските објекти во Германија.
Утрово телефонски разговараше со израелскиот премиер Бенјамин Нетанјаху и свика состанок на кабинетот за безбедност во Берлин, објави германската влада.
Мерц нагласи дека целта останува да се спречи Иран да развива нуклеарно оружје и го обвини Техеран дека продолжува да ги крши своите обврски од Договорот за неширење на нуклеарно оружје и дека претставува сериозна закана за регионот, особено за Израел.
Тој ги повика двете страни да се воздржат од потези што би можеле дополнително да го ескалираат конфликтот и да го дестабилизираат Блискиот Исток.
Синоќа Израел изврши воздушен напад врз повеќе цели во Иран како дел од операцијата „Стоечки лав“. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување на ураниум во Натанц. МААЕ потврди дека Натанц е меѓу нападнатите локации и е во контакт со иранските власти за следење на нивото на зрачење.
Израелскиот премиер Бенјамин Нетанјаху изјави дека целта на операцијата е да се „неутрализира егзистенцијална закана“, истакнувајќи дека Иран со години развива нуклеарни капацитети и отворено се заканува дека ќе го уништи Израел. Иран го затвори својот воздушен простор, а израелската војска го подигна нивото на тревога за можен одговор, вклучително и лансирање беспилотни летала и ракети од Иран и територии контролирани од проирански групи.