Свет
(Видео) Силен земјотрес го погоди Пакистан, има загинати и повредени

Најмалку 20 лица загинаа, а околу 150 се повредени во земјотресот што утрово ја погоди пакистанската провинција Белучистан, пренесуваат тамошните медиуми.
Пакистанските власти соопштија дека бројот на жртви може да се зголеми и дека многу луѓе загинале при уривање на дотраени згради, меѓу нив и голем број жени и деца.
At least 11 people were killed and about 200 injured in a 5.7-magnitude #earthquake in Pakistan.
The quake was centered near #Harnai district in Baluchistan province, according to @USGS pic.twitter.com/odYwvZGwjR
— Bloomberg Quicktake (@Quicktake) October 7, 2021
Американскиот геолошки завод објави дека се работи за земјотрес со јачина од 5,9 степени според Рихтеровата скала, а епицентарот на земјотресот бил на длабочина од девет километри.
Спасувачките операции сè уште се во тек, а локалните власти изјавија дека се претпоставува дека се повредени најмалку 150 луѓе, а неколкумина се итно префрлени во болница во критична состојба.
Повеќе од 100 куќи се урнаа, а голем број згради беа оштетени, оставајќи стотици луѓе без покрив над главата, а итните служби се на терен, потврдија локалните власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Земјотресот во Турција и Сирија низ фотографии

Светот во неверување, Турција и Сирија завеани во црнила и тага.
Земјотресите што во понеделникот ги погодија овие земји однесоа над 12.000 животи. Илјадници се затрупани под урнатините на срушените згради, се води трка со времето за спасување на животите на преживеаните.
Фотографиите во прилог говорат за катастрофата, спасените и загубените животи, човечките судбини.
Татко ја држи раката на својата почината ќерка
Куче спасено од урнатините во Турција
„Каде е мајка ми?“: зборовите на девојче извлечено по 20 часа од урнатините
Погреб наместо свадба – маж ја оплакува својата вереница која загина во земјотресот
(Видео) Емотивна средба меѓу татко и бебе спасено од урнатините во Турција
Свет
Куче спасено од урнатините во Турција

Спасувачите во Турција извлекоа куче од под урнатините на зграда во градот Хатај, 55 часа по разорните земјотреси што во понеделникот ги погодија јужните региони на Турција.
Бројни спасувачки тимови продолжуваат со операциите за пребарување и спасување во регионите погодени од разорните земјотреси. Тим волонтери денеска успеа да спаси куче кое 55 часа било заглавено под урнатините.
Медицинскиот тим потоа го покри кучето со ќебе за да се стопли.
Медиумите од Турција, претходно јавија и за спасен папагал. Повеќе за спасувањето на птицата прочитајте ТУКА.
Свет
Бројот на загинатите во земјотресите се искачи над 12.000 лица

Вкупниот број на загинати во Турција и Сирија вечерва се искачи на 12.049 лица.
Најмалку 1.730 луѓе во Сирија загинале на територијата под контрола на опозицијата во северозападниот дел на земјата, додека 1.262 лица загинале во областите во земјата контролирани од владата.
Турскиот претседател Реџеп Таип Ердоган претходно изјави дека бројот на загинати во Турција се искачи на 9.057.