Тинејџер од Западна Вирџинија е осуден на две 40 годишни казни затвор за убиство на неговата мајка и сестра, кога судијата ги отфрли неговите барања за поблага казна.

Конор Кроу (16) се изјасни за виновен за две точки од обвинението за убиствата.

Кога во септември 2020 година ја уби мајка си Мелиса Роуланд (39) и неговата 15-годишна сестра Медисон, тој имал 13 години. Неговите адвокати побараа пократка казна врз основа на неговата возраст, но судијата Џејсон Комо му одреди максимална казна, јавуваат американските медиуми.

-Сакам да те потсетам дека твојата сестра имаше 15 години кога ја уби. Беше помлада од тебе сега, а ти немаше почит кон неа, ја осуди на смрт. Сестра ти би завршила средно училиште пред една или две недели. Никогаш нема да добие шанса да оди на факултет. Таа никогаш нема да оди на олтарот со нејзиниот татко, да се омажи или да има свои деца. Ти и го одзеде тоа. Не и даде шанса да направи нешто од себе, а бараш од мене да го направам тоа наместо тебе – му рекол судијата.

Откако ги убил мајка си и сестра си, истрчал од куќата и за тоа обвинил странец. Обвинителот рече дека кај него биле пронајдени остатоци од огнено оружје и дека нема докази оти некој насилно влегол или побегнал од куќата.

„Останува фактот дека тој знаел дека тоа што го прави е погрешно. Претходно размислувал за убиствата и знаел дека не е во ред. Се предомисли, но сепак го направи тоа. И тогаш се сети на одбраната. Олеснителните околности се минимални во споредба со она што се случило во неговата состојба на свест“, изјави обвинителот во судот.

Во малолетнички затвор ќе остане до 18-годишна возраст, кога ќе биде префрлен во институција за возрасни.

Четврти ден КФОР ги контролира зградите на четири општини на северот на Косово. Вработените во локалните самоуправи не можат да одат во канцелариите, а Србите и за денеска најавуваат мирен протест, пишува РТС.

Командантот на КФОР, генерал-мајор Анџело Микеле Ристуца, коментирајќи ја интервенцијата на КФОР на северот на Република Косово, изјави дека ризикот е поврзан со тоа што премиерот Албин Курти, одлучил да продолжи со инаугурација на градоначалници во четири општини на север и покрај протестите на Србите и сомнежите на меѓународната заедница, пишува РТС.

Тој во интервју за италијанскиот весник „Република“ вели дека ситуацијата во Звечан, како и насекаде, е крајно нестабилна и може нагло да се промени за многу краток временски период.

„Тврдоглавоста на албанските локални власти да не постапуваат во согласност со укажувањата добиени од западните партнери, укажувања кои служат за олеснување на дијалогот, особено во светло на напредокот постигнат со договорите во Брисел и Охрид, во голема мера го ослабна балансот кој го имаше“, рече Ристуца.

Работници на општина Звечан утринава дошле пред зградата во 7 часот каде во книгата за евиденција на работното време се потпишале дека се уште се присутни на своите работни места, пишува Косово онлајн.

Општинската зграда е опкружена со бодликава жица и кордон на КФОР.

Како што јавува репортерот на Косово онлајн, ноќта во Звечан поминала мирно, а таква е моменталната состојба.

Покрај општинските работници, пред бодликавата жица и металната ограда поставена од војниците на КФОР полека се собираат и други граѓани, каде денеска ќе го продолжат својот мирен протест барајќи исполнување на нивните барања.

Во воздушен напад врз главниот град на Украина рано наутро загинаа три лица, меѓу кои две деца, објавија градоначалникот Виталиј Кличко и воените власти.

„Три лица загинаа, а четворица се ранети во областа Дешњан. Две деца се меѓу загинатите во областа Деснијан“, објави градската воена управа на Киев на Телеграм.

‼️ Night missile attack on Kyiv: all enemy targets destroyed. Three people died, there are injuries and damage…

▫️In several regions in the east and center of Ukraine, an air alert was announced due to the threat of missile strikes. A series of explosions rang out in Kyiv.… pic.twitter.com/bhDacMhdhE

— Lew Anno Suport #Ukraine 24/2-22 (@anno1540) June 1, 2023

Едно од убиените деца било на возраст меѓу 5 и 6 години, додека другото на возраст од 12 или 13 години, се вели во соопштението. Фотографиите објавени од воените власти покажуваат дека спасувачките тимови им помагаат на луѓето, како и оштетените згради.

Бројот на жртвите го потврди и градоначалникот на Киев, Виталиј Кличко.

Last night russia again fired missiles at Kyiv. All targets were shot down by the air defense. But the remnants fell on a hospital & a residential house in Kyiv’s most populated district Desnianskyi, killing three, incl a kid aged 11, & injuring ten. russia is a death cult pic.twitter.com/9HqLljN9kX

— Olena Halushka (@OlenaHalushka) June 1, 2023

„Според првите информации добиени од спасувачките екипи, тројца загинати, меѓу кои и две деца“, објави Кличко на Телеграм, кој подоцна изјави дека во градот се случила „серија експлозии“ и дека спасувачите се на местото на настанот и помагаат. да го изгаснат огнот.