Адолф Хитлер фантазирал дека е Исус Христос и за второто доаѓање на спасителот, пренесува „Дејли Стар“ повикувајќи се на декласифицирани документи на ЦИА. Во профилот на Хитлер на 68 страници, направен речиси една година откако САД влегоа во Втората светска војна, се тврди и дека тој имал комплекс на месија.

Тајно досие составено од Канцеларијата за стратешки служби, претходничка на ЦИА, презентира биографска скица на фирерот. Таа била испратено од д-р Хенри Филд до главниот помошник на американскиот претседател Франклин Делано Рузвелт. Според досието, Хитлер бил опишан како сексуално некадарен маж опседнат со себеси. Поточно, во документот се вели дека фирерот сонувал да биде месија кој ќе го исчисти Берлин, град што го сметал за „Вавилон на гревот“.

Хитлер почнал да размислува за себе како полубог уште во раните 1920-ти додека ја создавал нацистичката партија, тврдат декласифицираните документи. До 1923 година, почнал да зборува за себеси како суров месија на светот, се вели во досието. Ова размислување влијаело врз неговата политика и врз неговиот сексуален живот.

Документите опишуваат како Хитлер дематирал новинарска вест во која се вели дека бил свршен со Ернам, сестрата на извесен д-р Сеџвик.

„На Хитлер многу му годеа шпекулациите, но под притисок од д-р Сеџвик да ја негираат веста, тој му рекол: Те овластувам да им кажеш на весниците дека никогаш нема да се свршам со жена ниту ќе оженам. Единствената вистинска невеста за мене е и секогаш ќе биде германскиот народ“.Според досието, пријателот на Хитлер, Ернст Ханфстауенгл изјавил дека фирерот се сметал себеси како месија по овој говор.

Британската историчарка Ема Крејги неодамна зборуваше за интимните детали од сексуалниот живот на фирерот. Крејги тврди дека тој имал мал пенис, си инјектирал животински тестостерон и ги камшикувал кучињата за да ја импресионира својата љубовница Ева Браун.

Маж од Северна Каролина држел жена како сексуална робинка цели пет години и сега се соочува со обвиненија за трговија со луѓе.

Салвадор Еспиноза Ескобар (48) од Ешбор бил уапсен во средата бидејќи држел жена во сексуално ропство, скратувајќи ги нејзините основни животни потреби уште од јануари 2015 година, во замена за присилни сексуални акти, се вели во полициското соопштение.

Ескобар се појави на суд во петокот и бил пуштен со кауција од 100.000 долари. Властите засега не сакаат да го објават идентитетот на жртвата, а истрагата е во тек, пренесува Си-ен-ен.

Oндреа Азелтон, полициски командир, за локалните медиуми изјавила дека Ескобар наводно не ѝ давал храна на жената кога не сакала да има секс со него.

Локалните власти соопштија дека жената е во стабилна состојба.

Бројот на загинати во земјотрес во Турција се искачи на 40 лица, откако спасувачите извлекоа тело од под урнатините на куќа во градот Елазиг. Во земјотресот со јачина од 6,8 степени што го погоди источниот дел на земјата во петокот вечерта повредени се повеќе од 1.600 луѓе. 45 преживеани биле извлечени од урнатините, пренесува АП.
         
Земјотресот уништи 76 згради и оштети повеќе од 1.000, чии станари бараа засолниште во шатори, џамии, училишта, спортски сали и домови. Поставени се повеќе од 9.500 шатори и се најавува дека околу 2.000 станови ќе започнат со изградба во април.
        
Во болница се задржани 86 лица, од кои 18 се во одделенија за интензивна нега. Скоро 4.000 луѓе се ангажирани во спасувачки операции, како и 22 кучиња. Земјотресот со јачина од шест степени го погоди Елазиг и во 2010 година, при што загина 51 лице.