Свет
(Видео) Трамп со нов гаф – „За Белград и Приштина ми доделија Нобелова награда за мир“

Американскиот претседател, Доналд Трамп, направи гаф за време на претседателскиот собир во Њу Хемпшир кога рекол дека добил Нобелова награда за мир.
Тој рекол дека нагарадата ја добил поради своите меѓународни дипломатски способности и учество во преговорите меѓу Белград и Приштина, но набргу се поправил и рекол дека мислел на номинација за таа награда.
Тој истакнал дека добил уште една награда за „нешто друго“, како и дека требало да добие награда за неговата работа во Сирија, пренесе „Индепендент“.
“They gave me a Nobel Prize for that, they gave me a Nobel prize for something else” — Trump falsely claims that he’s won numerous Nobel prizes (he clarified in the next breath that “when I say Nobel Prize” he meant, “nomination”) pic.twitter.com/N3ZkapzyYj
— Aaron Rupar (@atrupar) October 25, 2020
„Србија и Косово, потпишавме договор, па тие ми дадоа награда за тоа, ми ја дадоа Нобеловата награда за нешто друго, треба да ми ја дадат Нобеловата награда за она што го направив во Сирија“, рече Трамп.
Сепак, кога го рече тоа, тој бргу се поправи и рече дека тоа се номинации за Нобелова награда.
„Кога велам Нобелова награда, мислам на номинацијата“, рече Трамп.
Оваа година добитник на Нобелова награда за мир е Светската програма за храна на Обединетите нации за придонесот во борбата против гладот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Трамп до австралискиот новинар: Тишина

Американскиот претседател Доналд Трамп го критикуваше австралискиот новинар кој го праша дали е „соодветно“ претседателот да се збогатува додека е на функција.
Зборувајќи со новинарите во Белата куќа пред да замине во државна посета на Велика Британија, новинарот на Австралиската радиодифузна корпорација, Џон Лионс, го праша Трамп дали актуелниот претседател треба „да биде вклучен во толку многу деловни активности“.
„Па, не сум навистина. Моите деца го водат бизнисот. Јас сум тука“, одговори Трамп, пред да го праша Лионс од каде е.
Reporter: Should a president engage in such active entrepreneurial activity?
Trump: Where are you from?
Reporter: From Australia.
Trump: You're doing Australia a lot of damage right now. I'm going to tell your leader about this. Shut up.
Trump threatens Australia because a… pic.twitter.com/geCw13H0mt
— Jürgen Nauditt 🇩🇪🇺🇦 (@jurgen_nauditt) September 16, 2025
Кога новинарот рече дека е од Австралија, Трамп одговори: „Според мене, во моментов ѝ правите многу штета на Австралија, а тие сакаат да се сложуваат со мене“.
„Знаете дека вашиот лидер наскоро ќе дојде кај мене. Ќе му кажам за вас“, додаде претседателот, осврнувајќи се на австралискиот премиер Ентони Албанезе, со кого требаше наскоро да се сретне. Потоа Трамп побара ново прашање и му рече на Лионс: „Тишина“.
Пред жестоката размена на мислења, новинарот директно го праша Трамп колку е побогат во споредба со времето кога се вратил во Белата куќа.
„Децата го водат мојот бизнис. Повеќето од зделките што сум ги склучил се склучени и претходно. Градев згради, како што градам зграда тука“, одговори Трамп, пред да покаже кон областа каде што планира да изгради сала за бал во Белата куќа за околу 200 милиони долари.
Свет
Шефот на ОН: Она што се случува денес во Газа е ужасно

Генералниот секретар на ОН, Антонио Гутереш, остро ја критикуваше понатамошната ескалација на конфликтот во Газа од страна на Израел.
„Она што се случува денес во Газа е ужасно. Сведоци сме на масовно уништување на населбите, систематско уништување на градот Газа“, рече Гутереш во вторник во Њујорк.
Тој рече дека насилството е на ниво што не го видел во ниту еден конфликт за време на неговиот речиси деветгодишен мандат како генерален секретар.
„Вистината е дека ова е нешто што е морално, политички и правно неподносливо“, рече Гутереш.
Израелската војска преку ноќ започна копнена офанзива во градот Газа.
„Историјата ќе го памети фактот дека бевме на првите линии на борбата за одбрана на интересите на палестинскиот народ“, рече Гутереш.
Гутереш инсистираше дека не станува збор за формулација. „И никој не ја опишал оваа реалност на подраматичен начин од ОН и, за жал, јас самиот.“
фото: принтскрин
Свет
Трамп го продолжи рокот за продажба на „Тик-ток“ до 16 декември

Американскиот претседател Доналд Трамп во вторник потпиша извршна наредба со која се одложува до 16 декември спроведувањето на законот од 2024 година кој бара продажба на кинеската сопственост на „Тик-ток“.
Одложувањето ќе му даде на „Бајтденс“, со седиште во Кина, дополнителни 90 дена за финализирање на договор за пренос на американскиот имот на компанијата на американски сопственици.
Трамп во вторник најави договор меѓу САД и Кина кој ќе му овозможи на „Тик-ток“ да продолжи да работи во САД, а три извори запознаени со ова прашање велат дека договорот е сличен на оној што беше дискутиран минатата година.
Договорот за популарната апликација, која ја користат 170 милиони луѓе во САД, е големо достигнување по месеци преговори меѓу двете сили кои се обидуваат да ја смират трговската војна што ги потресе глобалните пазари.
Администрацијата на Трамп го продолжи рокот за продажба на „Тик-ток“ три пати, стравувајќи дека тоа би можело да ги налути корисниците и да ги оштети политичките односи со Кина.
фото: принтскрин