Свет
(Видео) Уапсен водачот на мексикански нарко картел за киднапирање и убиство на Американци
![](https://makfax.com.mk/wp-content/uploads/2024/01/Vilano.jpg)
Лидерот на фракцијата на озлогласениот Заливски картел во Мексико, Хозе Алберто Гарсија Вилано, познат по прекарот Ла Кена, е уапсен за киднапирање на четворица американски државјани, пишува Би-би-си. Групата Лос Циклонс, предводена од Вилано, беше обвинета за киднапирање на американски државјани во март минатата година, при што уби двајца од нив.
Capturan “La Kena” o “Ciclón 19″ líder del Grupo Escorpión del Cártel del Golfo (CDG) en Nuevo León pic.twitter.com/Huqrkfo4EB
— El Nuevo Gráfico de Hidalgo (@ElNvoGraficoHgo) January 19, 2024
Вилано е уапсен во трговски центар во градот Монтереј откако полицијата добила информации за неговото место на живеење. На снимката објавена на социјалните мрежи, но која не е официјално полициско видео, се гледа како вооружени полицајци шетаат низ трговскиот центар со уапсениот Вилано и неговите соработници.
Киднапираше четворица американски државјани, уби двајца
Четворица американски државјани се киднапирани во пограничниот град Матаморос, кој се наоѓа веднаш преку улицата од Браунсвил, Тексас, САД. Матаморос е сцена на битка меѓу завојуваните фракции на Заливскиот картел, кои се борат за контрола над северните патишта на шверц на дрога во САД.
José Alberto García Vilano “La Kena” and/or “Ciclón 19″, leader of the Escorpión Group of the CDG Gulf Cartel, detained in the Palacio de Hierro in San Pedro Garza García, Nuevo León. Let’s hope they locked this animal up for the rest of his life. pic.twitter.com/J2WPfUYBdt
— Cartel Watch (@CartelWatchNet) January 19, 2024
Според роднините, четворица Американци возеле преку граница до проблематичниот град на естетска операција. Не е невообичаено Американците да патуваат во Мексико за медицински услуги, каде што процедурите се далеку поевтини, но понекогаш и поризични.
Вооружени членови на картелот ги ставиле Американците во пикап и ги однеле. По четири дена убиле двајца американски државјани. Мотивот за киднапирањето и убиството не е потврден, но мексиканските власти истражуваат дали членовите на овој картел случајно ги помешале Американците со членови на ривалски картел.
Набргу по инцидентот, друга одделна ќелија на Картелот на Заливот, Скорпиони, се извини за киднапирањето и ги предаде петте киднапирани мажи од САД.
Почнувајќи од 2022 година, владата на државата Тамаулипас, каде што се наоѓа Матаморос, нуди награда од 145.000 долари за информации што ќе доведат до апсење на Вилано.
Тој наводно бил баран од американската Агенција за борба против дрогата (ДЕА).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.