Свет
(Видео) Четворица Јужнокорејци загинаа во судир со американско оклопно возило близу Сеул
Четворица Јужнокорејци загинале, а еден американски војник се здобил со полесни повреди откако патнички автомобил се судрил со американско оклопно возило кое се движело кон воената база недалеку од Сеул, пренесува РТ.
Несреќата се случила во градот Почеон, 40 километри северно од Сеул, главниот град на Јужна Кореја, доцна во неделата, објави новинската агенција „Јонхап“.
경기도 포천에서 SUV와 미군 장갑차가 추돌해 4명이 숨졌습니다.
Posted by KBS 뉴스 on Недела, 30 август 2020
Автомобилот со четворицата цивили наводно удрил во задниот дел на американското воено возило на пат кон воена база во Чеорвон, во провинцијата Гангвон на границата со Северна Кореја.
Четирите жртви на возраст од околу 50 години биле пренесени во болница, но подоцна во текот на ноќта им подлегнале на повредите и покрај напорите да ги реанимираат. Фотографиите од местото на настанот покажуваат дека предниот дел на патничкиот автомобил е смачкан, а остатоци од него се расфрлани по патот.
An SUV carrying 4 S. Korean passengers crashed into the back of a US Army armoured vehicle that was in front of it last night in Pocheon, killing all 4 in the SUV. One of the two US soldiers in the armoured vehicle taken to hospital with minor injuries. https://t.co/b32wGLcz1Y
— Raphael Rashid (@koryodynasty) August 31, 2020
Американскиот персонал, кој се враќал од вежба, излегол релативно неповреден од несреќата која предизвикала оштетување на гасениците на оклопното возило. Еден војник е пренесен во болница со полесна повреда.
Не е јасно што довело до судирот. Од полицијата велат дека ќе биде извршена обдукција на возачот на патничкиот автомобил. Локалните медиуми јавуваат дека военото возило се движело бавно со вклучени задни светла пред автомобилот да удри во него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.