Свет
(Видео) Четириесет лица уапсени по голите протести против нафтата во Осло

Четириест активисти за заштита на животната средина, кои ја претставуваат озлогласената организација „Екстиншн ребелион“, се уапсени по серијата протести против нафтената индустрија во Норвешка и неуспехот на владата за соодветно решавање на климатската криза, пренесуваат норвешките медиуми.
Позадината на протестите е најавата на компанијата „Винтершел ДЕА“, која е активна на континенталниот гребен на Норвешка, дека изнајмува платформа за дупчење од норвешката компанија „Одфјел дрилинг“ за нови истражувања на нафтата во Норвешкото Море и во северниот дел на Северното Море .
Во серијата демонстрации, демонстрантите блокираа фреквентна раскрсница на една од главните сообраќајни артерии на Осло, а подоцна се собраа пред две министерства со транспаренти на кои пишуваше „Нафтеното доба заврши“, барајќи „зелено рестартирање“ во обид да ја насочат Норвешка подалеку од фосилните горива. Активистите напишаа „плус четири степени“ со извичник на еден од прозорците на Министерството за енергетика.
Members of @extinctionr_no outside of the Norwegian government department of oil and energy today: https://t.co/2jmGk0SmTW pic.twitter.com/Vm5vZTL09c
— Ketan Joshi (@KetanJ0) September 21, 2020
На друг протест, активисти се собраа пред Министерството за трговија и риболов, облечени во костими на рибна носии, и си ги залепија рацете на ѕидот. Според водачот на полициските операции, Видар Педерсен, тие побарале владата да го признае глобалното затоплување и уништување на биосферата.
Активистите подоцна се врзале заедно и не дале никаков отпор кога полицијата се обидела да ги отстрани. Сепак, една од фокусните точки на демонстрациите беше клекната топлес млада жена што друг демонстрант ја полеа со густа црна супстанца налик на нафта.
„Сакам да ја покажам ранливоста на човештвото со тоа што сум гола. Ние сме ранливи на климатската криза со која се соочуваме “, изјави 31-годишната Сара ван дер Моер за националниот радиодифузер НРК.
Според неа, петициите немаат ефект, па затоа одлучила да го искористи своето тело како помоќен симбол. Еден од демонстрантите, Даг Колсти, ја објасни нивната порака со едноставни зборови.
@ExtinctionR_NO pic.twitter.com/AS8lBtGsI9
— Marion Grau (@grammary6) September 21, 2020
„Доста е. Владата мора да ја запре нафтената индустрија. Ќе продолжиме да протестираме сè додека тие не ја запрат нафтената индустрија “, изјави Колсти.
Несогласувањето помеѓу екоактивистите и индустријата за фосилни горива веќе долго време е жестоко во Норвешка, каде нафтата и гасот се најважните производи во економијата, претставувајќи половина од вкупната вредност на извозот.
Популарен противаргумент на повиците на активистите е дека без нафтената индустрија, норвешката економија нема да може да обезбеди добра иднина за своите жители.
Стефан Хегелунд, пратеник на владејачката Конзервативна партија, ги нарече демонстрантите разгалена толпа, тврдејќи дека тие им предизвикуваат повеќе штета отколку корист на климатските движења.
Vår nakne kropp representerer menneskers sårbarhet i møte med klimakrisen.
Vi satt foran Olje og Energidepartementet og krevde at Norge stanser leting etter olje og begynner en Grønn omstart.#OsloOpprør2020 #ExtinctionRebellion #Oslo pic.twitter.com/W8mkJYt4GS
— Extinction Rebellion Norway (@ExtinctionR_NO) September 21, 2020
Норвешка е еден од водечките светски извозници на енергетски ресурси, покривајќи околу 2 отсто од глобалната побарувачка на нафта и 3 отсто од побарувачката за природен гас. Речиси целата нафта и гас произведени во Норвешка се извезуваат. Природните ресурси на Норвешка ѝ обозможија да го создаде најголемиот суверен фонд во светот, вреден над еден билион американски долари.
„Екстиншн ребелион“ е глобална еколошка организација основана во 2018 година во Велика Британија, во голема мерка моделирана според „Гринпис“ и други движења кои прибегнуваат кон ненасилна граѓанска непослушност. Нејзината цел е да поттикне владина акција за да се избегне вештачки биолошки колапс.
Сепак, таа не е без контроверзии, бидејќи честопати е означувана како организација на привилегираната средна класа претежно составена од белци. Покрај тоа, беше означен како екстремистичка организација која сака да ги уништи демократијата и владеењето на правото со изговор за борба за животната средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Полицијата за убиецот во Грац: живеел многу повлечен живот, бил страствен гејмер

Извршителот на масакрот во средното училиште во Грац, во кој беа убиени 10 лица, бил страствен гејмер и го испланирал својот напад темелно, соопшти полицијата во Грац.
„Извршителот бил многу интровертна личност која живеела многу повлечен живот“, изјави Михаел Лонегер, директор на Канцеларијата за криминал на покраината Штаерска, на прес-конференција.
Масакрот, кој траел седум минути, по што тој извршил самоубиство, бил направен со пиштол „Глок“ и сачмарка, беше објавено.
„Масакрот бил темелно испланиран и напаѓачот можел да убие многу повеќе луѓе“, рече Лонегер.
Тој додаде дека 21-годишниот извршител некогаш посетувал средно училиште во близина на главната железничка станица во Грац, но не ги познавал жртвите, со исклучок на убиениот наставник.
Жртвите беа девет ученици на возраст од 14 до 17 години. Единствениот возрасен беше наставничка која подоцна им подлегна на повредите во болница.
Единаесет лица беа повредени во нападот, но тие повеќе не се во критична состојба.
Полицијата сè уште бара мотив. Самоубиствена порака пронајдена во станот во предградието на Грац каде што 21-годишникот живеел со својата мајка не укажува на можен мотив.
Во станот е пронајдена и експлозивна направа, како и планови за изработка на дополнителни експлозивни направи.
„Сторителот живеел исклучително осамен живот, не учествувал во никакви општествени активности во реалниот свет надвор и не бил присутен на социјалните мрежи“, рече Лонегер.
Во меѓувреме, во Австрија се разви дебата за либерален закон за поседување оружје. Комунистичката партија на Австрија (KPÖ), која е на власт во Грац, како и Зелената партија, се залагаа за построг закон. Десничарската популистичка Народна партија на Австрија (FPÖ) е против тоа.
А во соседна Германија, масакрот во Грац започна дебата за заострување на законите за оружје.
„Ни треба поедноставен и поефикасен закон за да ги исфрлиме огнените оружја и ножевите од јавниот простор“, рече директорот на Полицискиот синдикат (GdP) Јохен Копелке.
Во Австрија се прогласени три дена жалост до петок. Во четврток вечерта ќе се одржи комеморација во катедралата „Свети Стефан“ во Виена, на која ќе присуствува и австриската влада.
Свет
(Фото) „Боингот“ се урна врз мотел за доктори, делови од авионот останаа во зградата

Патничкиот авион Боинг 787-8 Дримлајнер, управуван од „Ер Индија“, кој полета од Ахмедабад до Лондон утрово, се урна неколку минути по полетувањето врз зграда на лекарски дом во кампусот на наставна болница.
Според официјалните информации, во авионот на летот AI171 имало 232 патници и 12 членови на екипажот.
CISF Rescue Operations Underway at AI 171 Crash Site, Ahmedabad.
Following the tragic crash of London-bound Air India flight AI 171 near Ahmedabad Airport, #CISF personnel immediately activated emergency protocols and rushed to the site. Rescue operations are being carried out in… pic.twitter.com/jnfIWxQF1b— CISF (@CISFHQrs) June 12, 2025
Се уште нема информации за бројот на загинати, но странските медиуми објавуваат дека најверојатно има многу жртви. Според полицијата, повеќе од 100 тела се донесени во болница во Ахмедабад.
Индиските медиуми известуваат дека неколку лекари и студенти ги загубиле животите. Индиската полиција објави фотографии на кои се гледа опашката на авионот како виси од работ на зградата.
Свет
(Видео) Луѓето трчаат да ги спасат преживеаните: детали по падот на авионот во Индија

Авион на Ер Индија со 232 патници и 10 членови на екипажот се урна во Ахмедабад, Гуџарат, како што потврди и Контролниот центар на државната полиција. Според Flight Radar, авионот се урнал само неколку секунди по полетувањето.
Во соопштението се наведува дека на летот имало 242 лица, вклучувајќи двајца пилоти и 10 членови на кабинскиот екипаж.
WATCH: Air India plane carrying 242 people crashes in Ahmedabad while taking off for flight to London pic.twitter.com/KyLVZaV6i7
— BNO News (@BNONews) June 12, 2025
Капетанот имал 8.200 часа искуство во летање. Придружникот (копилотот) имал 1.100 часа искуство во летање.
Авионот полетал од Ахмедабад во 13:39 часот по локално време од пистата 23.
Тие испратиле итен повик до контролата на летот, но потоа немало одговор од авионот.
По полетувањето, авионот се урнал надвор од периметарот на аеродромот, пренесуваат светските медиуми.
Портпаролот на Меѓународниот аеродром Сардар Валабхаи Пател во Ахмедабад изјави дека аеродромот моментално не е оперативен. Сите воздушни операции се суспендирани до понатамошно известување.
Plane has crashed into a hostel area. The Super Speciality Resident Quarters, BJMC Boys Hostel Mess, and nearby buildings are severely damaged. pic.twitter.com/d2UaRjo5Hd
— IndiaWarZone (@IndiaWarZone) June 12, 2025
Страницата за следење на летови Flightradar24 објави дека станува збор за Боинг 787-8 Дримлајнер, еден од најмодерните патнички авиони денес.
„Моментално ги утврдуваме деталите и ќе споделиме дополнителни информации“, напиша Ер Индија на X.
Авионот полетал од аеродромот во Ахмедабад и бил на пат кон Лондон.
Флајт Радар известува дека авионот се урнал само неколку секунди по полетувањето.
Би-Би-Си известува дека сцените се хаотични. Во тек е спасувачка операција на локација многу блиску до аеродромот.
Службите за итни случаи се насекаде. Патиштата се блокирани.
Сведоци велат дека слушнале гласна експлозија и виделе како се крева црн чад. Многу луѓе почнале да се собираат. Волонтери од областа се обидуваат да помогнат колку што можат.
Ер Индија според написите ги објави националностите на патниците на летот.
Air India flight crashed into residential buildings. Even locals may have lost lives 😢😭#AirIndia #PlaneCrash #Ahmedabad #London #Boeing pic.twitter.com/WwAw7gHjkJ
— The Cinemaura 🎬 (@TheCinemaura) June 12, 2025
Во летот имало 169 индиски државјани, 53 британски државјани, еден канадски државјанин и седум португалски државјани.
Авиокомпанијата вели дека повредените се транспортираат во најблиските болници, јавува Би-Би-Си.