Швеѓаните помлади од 65 години, кои примиле една доза на вакцината против коронавирус од „Астразенека“, како втора доза ќе примат вакцина од друг прозиводител, објави денеска Шведската здравствена агенција.

„На лицата под 65-годишна возраст, кои веќе примиле доза од ‘ваксзеврија’ (што е новото име на вакцината oд ‘Астразенека’), треба да им се понуди втора доза од друга таканаречена mRNA вакцина како што е онаа на ‘Фајзер’ / ‘Бионтек’ или ‘Модерна’“, посочи здравствената агенција во соопштението, а пренесе агенцијата „Ројтерс“.

Член на Централниот комитет на Фатах врши притисок врз палестинските затвореници во израелските затвори да повикаат на одложување на претстојните избори, ако Израел го забрани движењето во Ерусалим, пренесува „Мидл ист монитор“.

Новинската агенција „Сама“ пишува дека извори блиски до затворениот лидер на Фатах, Марван Баргути, откриле дека се вршат притисоци врз затворениците за изборите да бидат во мирување како резултат на националната криза.

Изворите велат дека голем број затвореници од Фатах одбиле да ја поддржат изјавата, по што се соочиле со закани, особено по неколку анкети кои предвидуват дека Хамас ќе освои мнозинство во парламентот.

Весникот исто така пишува дека Палестинската самоуправа во Рамалах работи на убедување на арапските држави, ЕУ и САД да ги прифатат нивните напори за одложување на изборите бидејќи тие не можат да продолжат ако Израел не дозволи да учествуваат Палестинците во Ерусалим.

Според истите извори, Вашингтон сè уште нема донесено одлука за ова прашање, но американскиот државен секретар Антони Блинкен претходно му порача на израелскиот министер за надворешни работи, Габи Ашкенази, дека САД нема да заземе никаква позиција што му штети на Тел Авив.

Израелскиот портал за вести „Вала“ објави дека американската администрација е загрижена дека Хамас ќе победи на изборите.

Весникот додава дека претседателот на Палестинската самоуправа, Махмуд Абас, го испратил својот министер за надворешни работи, Ријад ал Малики, во Европа за да нагласи дека Ерусалим „е црвената линија“ и нема да се одржат избори без него.

Ова, додал тој, ќе овозможи изборите да се одложат без Палестинската самоуправа да биде обвинета за одлуката.

Од утре во цела Србија вакцинацијата со вакцината на „Фајзер“ е можна без закажување.

Според најавите, од среда во Белград и Нови Сад и од четврток и петок во цела Србија истото ќе биде можно и со вакцината „спутник В“.

Локалните самоуправи ќе бидат вклучени во акцијата со цел да ги повикаат граѓаните на вакцинација.

Вакцинацијата со вакцината на „Фајзер“ без закажана средба ќе биде можна за домашните државјани и за странците со постојан престој, но не и со регистрација на живеење од неколку дена. Исто така, странците што живеат во Србија ќе можат да се вакцинираат без закажан термин, но не и оние кои дошле само да се вакцинираат.