Амбасадорот на Авганистан во Обединетите нации се откажа од обраќањето пред светските лидери на Генералното собрание, изјави портпаролот на ОН.

Гулам Исакаи, кој ја претставуваше својата земја под претседателство на Ашраф Гани, требаше да им се спротивстави на талибанците со говор, но неговото име денеска беше отстрането од списокот на говорници.

Талибанците минатата недела напишаа писмо до генералниот секретар на ОН, Антонио Гутереш, барајќи да му се дозволи учество на новиот министер за надворешни работи, Амир Кан Мутаки. Во писмото напишаа дека Исакаи повеќе не го претставува Авганистан во светската организација, а талибанците го номинирале својот портпарол од Доха Сухаил Шахин за постојан претставник на Авганистан во Обединетите нации.

ОН се уште го смета Исакаи за шеф на авганистанската мисија.

Францускиот претседател Емануел Макрон е погоден со јајце за време на посетата на Меѓународниот саем за хотели во градот Лион.

Kaко што може да се види на видеото, кон него е фрлено јајце додека придружуван од обезбедувањето врши обиколка на саемот.

Лицето кое го фрлило јајцето кон Макрон извикало „Да живее револуцијата“, а потоа било приведено, пишуваат француските медиуми, а дел од нив наведуваат дека јајцето било тврдо варено.

„Ако има нешто да ми каже нека дојде, коментираше шефот на државата, барајќи да го донесат кај него.

На макрон 8 јуни му беше удрена шлаканица од страна на еден човек. Два дена по инцидентот, лицето беше осудено на четири месеци затвор. Тој беше ослободен од затвор на 21 септември.

Австрискиот канцелар Себастијан Курц одбегнал да го коментира историскиот дебакл на сестринските ЦДУ/ЦСУ на парламентарните избори во Германија, а ниту му ја честитал победата на изборите на канцеларскиот кандидат на СПД, Олаф Шолц.

Како што пренесуваат австриските медиуми, реакцијата на Курц во однос на ова прашање била воздржана.

„Исходот од изборите во Германија остава можност за разни констелации, а во наредните недели ќе се покаже кој ќе го постави канцеларот“, изјавил Курц за агенцијата АПА.