Свет
(Видео) Џастин Трудо телефонски разговарал со лажна Грета Тунберг
Канадскиот премиер Џастин Трудо бил наместен од познатите руски пранери, кои се преправаат дека се Грета Тунберг, па разговал со неа за геополитиката и за светските лидери и ѝ ветил дека ќе ја запознае со Теренс и Филип, пренесува РТ.
Пранкерите Владимир Кузнецов и Алексеј Столјаров, познати и како Вован и Лексус, оствариле 10-минутен телефонски разговор со Трудо во јануари по соборувањето на украинскиот патнички авион во Иран. Снимка од разговорот помеѓу Трудо и глас што се претставува како Грета беше објавена на каналот на Вован и Лексус на „Јутјуб“ во понеделникот како последна во серијата Stars Save the Earth.
Трудо се обидел да ја увери лажната Грета дека дава сè од себе да ги деескалира меѓународните тензии по трагедијата со авионот.
„Јас ве молам да им влијаете на претседателот Доналд Трамп и на НАТО за да сфатат дека не само иднината, туку и сегашноста ќе ни биде украдена“, вели лажната Грета.
„Ние навистина балансираме многу работи во Ирак“, рече Трудо. „Има разбирање дека има вистински прашања за меѓународната заедница и американскиот ангажман и нивните активности, но во исто време има признание дека во борбата против тероризмот, во борбата против ИСИС, Даеш, постои потреба од меѓународно воено присуство, вклучително и на Американците, за да се обезбеди стабилност во регионот“.
Незадоволна, лажната Грета му возвраќа: „Вие сте возрасени, но се однесувате како деца“.
Таа продолжува да зборува за свет со повеќе љубов, во кој има место за сите, за белци и црнци, христијани и муслимани, за Трамп и за Путин, за мене и тебе, за Борис Џонсон… за Теренс и Филип“.
Алузијата на Теренс и Филип е за канадското хумористично дуо, кое глуми во анимираното шоу „Саут Парк“. Трудо или ја пропуштил или ја игнорирал алузијата и ја пофалил лажната Грета за точната перспектива. Тој ѝ се заблагодарил што минатата година ја посетила Канада и ѝ помогнала на неговата партија да победи на изборите, со тоа што јасно укажала на потребата „повеќе да размислуваме за младите“.
„Но, напуштете го НАТО“, одговара лажната Грета. „Фрлете го оружјето. Земете цвеќе. Насмевнете ѝ и се на природата, живејте како човек“.
Трудо повторно покажува сочувствителност, велејќи: „И јас сонувам за свет во кој војниците не се потребни, но, за жал, сè уште не живееме во тој свет и потребни се луѓе да се спротивстават на оние што ќе ѝ наштетат на невиноста. Но, многу ги ценам вашите страсни зборови и секогаш размислувам за тоа како можеме да користиме многу други поинакви патишта за да тргнеме на патот кон мирот“.
„Главното копиле е Трамп затоа што тој прави сè за да нè убие“, вели лажната Грета.
Трудо истакнуваа дека мора да соработува со сите светски лидери што другите луѓе ги избираат, но додава: „Секако можам да разберам дека луѓето може да имаат многу силни чувства кон него“.
Во тој момент лажната Грета го кани Трудо да му се приклучи на нејзиниот приватен клуб за „политичари, претседатели, шефови на влади, кои ме поддржуваат и така светските правила мора да се променат“. Трудо вели дека ќе треба да дознае повеќе за клубот и бара од лажната Грета да му испрати објаснување.
Лажната Грета потоа повторно ги споменува Теренс и Филип барајќи од Трудо да ја запознае со нив.
„Ќе го замолам мојот тим да открие како можеме да ве поврземе… Сега немам нивни директни координати со мене“, вели Трудо.
Кабинетот на канадскиот премиер потврди дека телефонскиот разговор со лажната Грета навистина се случил во јануари тврдејќи дека тоа не е прв повик до светски лидер и дека Трудо утврдил оти повикот е лажен и веднаш го завршил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лекот за третман на рак веќе почна да се користи во болниците во Русија
Рускиот лек „Ракурс 223Ра“ за третман на рак веќе се појави во болниците, објави денес Руската федерална медицинска и биолошка агенција.
Како што е наведено, лекот веќе е регистриран и одобрен за употреба во клиничката онкологија, а првата серија е доставена до медицинските установи, пренесува РИА Новости.
Лекот е развиен во Димитровград и е базиран на радионуклидот радиум-223, кој првенствено се користи за контрола на коскените метастази.
Се вели дека неговото зрачење влијае на метастазите со намалување на болката кај пациентите, пренесува Танјуг.
Свет
(Видео) Најмалку 28 загинати откако кран се урна врз воз во Тајланд
Најмалку 28 лица загинаа, а 64 се повредени откако градежен кран се урна врз воз во движење во североисточен Тајланд. Во возот имало околу 195 патници во моментот на несреќата, која се случила околу 9 часот наутро по локално време во среда, јавува Би-би-си.
Кранот го исфрлил возот од шините и здробил неколку вагони, од кои еден се запалил. Спасувачите успеале да ги евакуираат патниците, а повредените биле однесени во регионалните болници. Меѓу 64-те повредени има едногодишно дете и 85-годишен маж, а осум се во сериозна состојба.
Владата нареди истрага за инцидентот, најновиот во низата смртоносни несреќи што се припишуваат на безбедносни пропусти. Тајландскиот премиер Анутин Чарнвиракул повика „некој да биде казнет и да биде повикан на одговорност“ за несреќата.
„Несреќи како оваа можат да се случат само поради небрежност, прескокнати чекори, отстапувања во дизајнот или употреба на неисправни материјали“, рече Анутин.
Свет
Поранешен израелски командант: Режимот во Иран ќе падне, наскоро ќе видиме голем американски напад
Пензионираниот бригаден генерал на израелската армија и претседател на Израелскиот форум за одбрана и безбедност (ISDF), Амир Авиви, процени дека режимот во Иран ќе падне и дека САД наскоро ќе интервенираат, пишува денес израелскиот весник „Џерусалем пост“.
„Денес можам да кажам нешто што не можевме да го кажеме пред еден месец: овој режим паѓа. Нема да има ирански режим и ова целосно ќе ја промени иднината на Израел“, рече Авиви на конференцијата доцна синоќа.
Авиви додаде дека очекува голем американски напад врз Иран.
„И навистина, мислам дека во многу блиска иднина ќе видиме масовен американски напад, со помош на Израел и демонстрантите. Мислам дека овој режим нема шанси и ќе падне“, рече претседателот на ISDF, невладина организација која собира десетици илјади резервни офицери и оперативци од сите гранки на израелските безбедносни сили.

