Европа
(Видео) 728 дрона лансирани врз Украина; Зеленски: Уште еден доказ дека се потребни санкции

Русија лансира рекордни 728 дронови и 13 ракети врз Украина во текот на ноќта, соопштија украинските воздухопловни сили денеска.
Украинските системи за противвоздушна одбрана уништија 718 дрона и седум ракети, соопштија воздухопловните сили на апликацијата за пораки „Телеграм“.
🇷🇺⚠️ RECORD ATTACK ON UKRAINE
Russia launched 728 drones and 13 missiles overnight the largest air assault of the war.🇺🇦 Ukraine’s Air Force:
▪️ 296 drones shot down
▪️ 415 jammed or disabled via electronic warfare➡️ A new phase of drone warfare is here. [monitor_ua]#Ukraine… pic.twitter.com/LUWqhXGiFQ
— Breaking News (@PlanetReportHQ) July 9, 2025
Во напад со украински дрон на плажа во рускиот град Курск загинаа три лица, вклучувајќи руски војник, кој учествуваше во спасувачки операции, а седум беа повредени, изјави рано утрово вршителот на должноста гувернер на регионот што граничи со Украина. Украинскиот претседател Володимир Зеленски се огласи на „Икс“ за нападот.
A new massive Russian attack on our cities. It was the highest number of aerial targets in a single day: 741 targets – 728 drones of various types, including over 300 shaheds, and 13 missiles – Kinzhals and Iskanders. Most of the targets were shot down. Our interceptor drones… pic.twitter.com/Lxa5TdYVXT
— Volodymyr Zelenskyy / Володимир Зеленський (@ZelenskyyUa) July 9, 2025
„Бројот на воздушни цели беше најголем досега во еден ден, вкупно 741 цел, 728 дрона од разни видови, вклучувајќи повеќе од 300 „Шахед“, и 13 ракети, вклучувајќи „Кинжал“ и „Искандер“.
Исто така, ги користевме нашите дронови пресретнувачи, тие соборија десетици непријателски цели и продолжуваме да ја развиваме оваа технологија. Им благодарам на сите наши војници за нивната прецизност.
Во моментот во цела Украина, во многу региони, се спроведуваат активности за санирање на последиците од синоќешниот руски напад. Главниот удар беше насочен кон Луцк, но штета е регистрирана и во регионите Днепропетровск, Житомир, Киев, Кировоград, Миколаев, Суми, Харков, Хмелницки, Черкаски и Чернихив.
Овој напад е многу јасен сигнал и се случува токму во моментот кога се вложуваат многубројни напори за постигнување мир, за договор за прекин на огнот, додека само Русија систематски ги отфрла сите овие напори. Ова е уште еден доказ за потребата од строги санкции, особено оние за нафтата, бидејќи ја финансира руската воена машинерија повеќе од три години.
Потребни се и секундарни санкции за оние што ја купуваат таа нафта и со тоа, всушност, ги финансираат убиствата. Нашите партнери знаат како да извршат притисок што ќе ја принуди Русија да размисли за прекин на војната, а не да почнува нови напади. Сите што сакаат мир мора да дејствуваат“, рече украинскиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.