Израелскиот премиер, Бенјамин Нетанјаху на социјалните мрежи им се заблагодари на владите на голем број земји во светот за, како што наведе, поддршката што ја покажуваат за неговата земја во конфликтот со Хамас, а меѓу нив е и Македонија.

Во пораката објавена на неговиот профил на „Твитер“, Нетанјаху напиша: „Ви благодарам што решително сте со Израел и што го поддржавте нашето право на самоодбрана од терористички напади“.

🇺🇸🇦🇱🇦🇺🇦🇹🇧🇦🇧🇷🇧🇬🇨🇦🇨🇴🇨🇾🇨🇿🇬🇪🇩🇪🇬🇹🇭🇳🇭🇺🇮🇹🇱🇹🇲🇩🇳🇱🇲🇰🇵🇾🇸🇮🇺🇦🇺🇾
Thank you for resolutely standing with 🇮🇱 and supporting our right to self defense against terrorist attacks.

— Benjamin Netanyahu (@netanyahu) May 15, 2021

Заедно со пораката, се поставени знамиња на 25 земји од различни континенти, од САД до Југоисточна Европа, вклучувајќи ги Словенија, Македонија, но и Босна и Херцеговина, каде што најновиот израелско-палестински конфликт наиде на спротивставени ставови.

Имено во Федерацијата БиХ, во деловите со бошњачко мнозинство, јавноста, медиумите, но и политичарите претежно застанаа на страната на Палестинците, осудувајќи го Израел. Од друга страна, во Република Српска изразија јавна поддршка за еврејската држава.

Откако се прошири веста дека БиХ е меѓу земјите на кои Израел им се заблагодарува за поддршката, бошњачкиот член на Претседателството на БиХ, Шефик Џаферовиќ порача дека израелскиот премиер е малку збунет.

„Мојата порака до премиерот Нетанјаху е дека Босна и Херцеговина не поддржува и не може да поддржува убиства на невини цивили во Газа од страна на израелските воени сили“, напиша Џаферовиќ на социјалните мрежи.

Македонскиот премиер Зоран Заев исто така на „Твитер“ објави став за ситуацијата со Израел и Палестина. Порача дека животите на луѓето се бесценети и насилството мора да запре.

Со загриженост ги следиме случувањата во Израел и појасот Газа. Животите на луѓето се бесценети и затоа насилството треба да запре. Не смее да има толеранција за антисемитистички напади. Не смее да има толеранција за напади врз цивили на која било страна. Дијалогот е решение.

— Зоран Заев (@Zoran_Zaev) May 15, 2021

„Не смее да има толеранција за антисемитистички напади. Не смее да има толеранција за напади врз цивили на која било страна. Дијалогот е решение“, напиша Заев.

Седум лица од Индонезија се удавија кога преоптоварен брод се превртел на езеро на островот Јава, бидејќи 20 туристи преминале на едната страна од бродот за да направат групна фотографија.

Началникот на полицијата во Јава, Ахмад Лутфи изјави дека бродот бил пренатрупан кога се превртел.

Според Лутфи, со бродот управувал тринаесетгодишник.

Полицијата соопшти дека 11 лица биле спасени, а две лица се водат како исчезнати.

Несреќи со брод се чести во Индонезија, главно поради слабите регулативи.

Во експлозија на гас во Хајшам, Ланкашир, загина едно дете, а други четири лица беа повредени пренесуваат медиумите во таа земја.

Како резултат на експлозијата, две куќи се уништени, а третата е сериозно оштетена.

Експлозијата се случи синоќа во 2:30 часот на авенијата Мелодајл во Хајшам, на западот од Англија, објави британскиот дневен весник „Гардијан“.

Четири лица, двајца мажи и две жени се пренесени во болница со сериозни повреди, соопшти полицијата.

Противпожарната служба Ланкашир објави дека на самото место има 10 противпожарни возила.

Жителите во близина се евакуирани, а полицијата во Ланкашир работи со инженери за гас за да ја направат областа безбедна.