Свет
Вознемирувачки видеа од Бејрут, за секунда срамнети со земја огромни згради
Стравотни снимки од експлозијата што попладнево се случи во Бејрут се споделуваат во јавноста, а очевидци раскажуваат за драматични сцени на лице место.
На една од снимките се гледа како за само неколку секунди експлозијата срамнува со земја огромен објект.
View this post on Instagram
„Видов огромна огнена топја и црвен чад преку целиот град. Луѓето врескаа и трчаа, преплавени во крв. Беа разнесени терасите од зградите, пукаа стакла од објектите“, вели за „Ројтерс“ еден од очевидците.
Светските медиуми пренесуваат дека сцените во болниците се стравотни и дека голем број лекарите се обидуваат да им помогнат на ранетите на лице место.
„Луѓето лежат на земја, а некои од нив се целосно прекриени со стакло“, пренесува Си-ен-ен.
A Powerful explosion has occured in Beirut. It’s not yet clear what caused the blast. #Beirut pic.twitter.com/h7ayT5DKdK
— Sputnik Insight (@Sputnik_Insight) August 4, 2020
Министерот за здравство на Либан за медиумите изјавил дека има „многу голем број повредени и екстремно голема штета“.
Од Црвениот крст на Либан велат дека нивните екипи се излезени на терен.
„Над 30 наши екипи се на терен. Ве молиме ослободете ги патиштата до болниците“, апелираат од Црвениот крст на „Твитер“.
На терен се излезени стотици противпожарни, амбулантни и полициски возила.
„Ројтерс“ пренесува дека од експлозијата има најмалку 10 мртви.
Канцеларијата на дневниот весник „Дејли стар“ е една од уништените од експлозијата. На снимката може да се види дека се искршени сите стакла, делови од покривот и буквално целиот ентериер.
BREAKING: Massive explosion in Beirut. Footage from the daily star office now in Lebanon pic.twitter.com/2uBsKP5wCH
— Ghada Alsharif (@GhadaaSharif) August 4, 2020
Оштетени се домовите на луѓе кои живеат 10 километри од местото каде што се случи експлозијата, пренесуваат медиумите.
Националната либанска телевизија пренесе дека експлозијата настанала во фабрика за производство на пиротехнички средства.
Сè уште не е позната причината за експлозијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Џјинпинг: Конфликтот во Газа не може да продолжи бесконечно
Кина сака да работи со арапските земји за да ги реши проблемите на светските жаришта на начин што води кон одржување на правичност, правда и постигнување долгорочен мир и стабилност, рече претседателот Шји Џјинпинг во говорот на Кинеско-арапскиот форум за соработка во Пекинг.
Кина, рече Шји, а објавија и државните медиуми, се обидува да ги зајакне своите односи со арапските држави како модел за одржување на мирот и стабилноста во светот.
Зборувајќи за војната во Газа, кинескиот лидер рече дека војната не може да продолжи бесконечно, дека правдата не може трајно да отсуствува и дека треба цврсто да се поддржи „решението со две држави“.
„Се соочуваме со турбулентен свет, меѓусебното почитување е начин да се живее во хармонија, а правичноста и правдата се основата на трајната безбедност“, рече тој, цитиран од „Ксинхуа“.
Им се обрати на шефовите на државите на Бахреин, Египет, Обединетите Арапски Емирати и Тунис, како и на министрите за надворешни работи на другите земји од Арапската лига.
Пекинг постојано повикува на решение со две држави за палестинско-израелската криза, како и итен прекин на огнот и членство на Палестинците во Обединетите нации, што се позиции кои се тесно поврзани со оние на арапските нации.
Кинескиот претседател посочи дека е неопходно да се избегне прелевање на конфликтот во регионот на Блискиот Исток и да се спречи уште покатастрофална хуманитарна криза во Појасот Газа, пренесе „Ксинхуа“. Тој истакна дека Кина е длабоко тажна поради големиот број невини цивили убиени во Газа и повика на меѓународна мировна конференција.
„Од октомври минатата година, палестинско-израелскиот конфликт драстично ескалира, фрлајќи го народот во огромно страдање. Војната не треба да трае бесконечно. Правдата не треба да биде недостапна засекогаш“, рече Џјинпинг.
Тој најави дека Кина ќе продолжи да го поддржува олеснувањето на хуманитарната криза и повоената обнова на Газа, ветувајќи дека ќе обезбеди уште 500 милиони јуани (69 милиони долари) во итна хуманитарна помош. Кина ќе донира три милиони долари на Агенцијата на Обединетите нации за помош и работа за палестинските бегалци на Блискиот исток за поддршка на нејзината итна помош за регионот Газа, рече тој.
„Кина ја цени важната улога на Египет во смирувањето на ситуацијата и обезбедувањето хуманитарна помош и е подготвена да работи со Египет за да продолжи да дава помош за луѓето во Газа и да промовира целосно, праведно и трајно решение за палестинското прашање“, изјави египетскиот претседател Абдел Фатах ел-Сиси.
Тој ја повика меѓународната заедница да се погрижи Палестинците да не бидат насилно раселени од завојуваниот Појас Газа, пренесува „Ал Џезира“.
Во своето обраќање, Шји ја поздрави „заедничката желба за нова ера на кинеско-арапските односи“. Пекинг сè повеќе го зајакнува своето дипломатско влијание во регионот, јавува Си-Ен-Ен, потсетувајќи дека во април Кина беше домаќин на првите преговори на кинеска територија меѓу палестинските фракции Хамас и Фатах, кои се во конфликт долго време. Минатата година, Кина посредуваше во значаен договор за помирување меѓу Иран и Саудиска Арабија по долгогодишно непријателство меѓу двата големи ривали.
Регион
Прамен коса од автомобилот на осомничениот за убиството на малата Данка открива нови детали од истрагата
Вештачењето на ДНК во случајот со убиството на двегодишното девојче Данка Илиќ се уште не е завршено, а според српските медиуми, вештаците во моментов ги вештачат влакната кои беа пронајдени на местото на настанот на кривичното дело. Работниците на „Водовод“ Срѓан Јанковиќ и Дејан Драгијевиќ се осомничени за убиството на детето, кои се обвинети дека со својот автомобил ја удриле Данка, потоа ја убиле и го сокриле нејзиното тело, кое до ден денес не е пронајдено.
Данка Илиќ исчезна на 26 март годинава, а по 10-дневна потрага, двајца осомничени, според полицијата, признале дека го убиле девојчето и го закопале во депонија недалеку од Бањско поле, од каде што телото подоцна било префрлено на друга локација и се уште не е пронајдено. Во текот на истрагата отстранети се над 500 траги од возилата во кои се наоѓале осомничените и убиеното девојче.
На ниту една од нив не се пронајдени биолошки траги од малата Данка. Останува да се вештачат уште некои траги од ДНК, а како што велат за „Нова.рс“ од Вишото јавно обвинителство во Заечар, гореспоменатите анализи се уште не се завршени.
„Со овој случај се занимава Биолошкиот факултет. Не се пронајдени нови индиции, а треба да ги почекаме резултатите од постоечките. Како што ни рекоа од таа институција, анализата ќе трае долго и не се знае точно кога ќе биде завршена. Во моментов се работи на анализа на пронајдените влакна, но проблемот е што немаат корен, што е од клучно значење за овој случај, односно за потврдување на ДНК“, вели вишиот јавен обвинител Миодраг Цановиќ. за „Нова.рс“.
Претходно од обвинителството за медиумот потврдија дека се точни наводите дека еден од осомничените Јанковиќ е подготвен да зборува за делото, а тоа го соопштил преку својот адвокат.
„Точно е дека Срѓан Јанковиќ реши да ја изнесе својата одбрана. За ова не извести преку неговиот адвокат. Рочиштето најверојатно ќе се одржи следната недела“, рекоа во Вишото јавно обвинителство во Заечар.
Деталите за убиството на Данка Илиќ претходно ги откри поранешниот министер на полицијата Братислав Гашиќ. Гашиќ на прес-конференцијата изјави дека со детална истрага било утврдено дека осомничените кобниот ден биле во Бањско поле и налетале на девојчето со нивниот автомобил, а потоа ја фрлиле во бесознание во нивното возило.
Неколку минути по исчезнувањето, двајцата биле пресретнати од таткото на убиеното дете, кој ги прашал дали го виделе девојчето, на што тие одговориле негативно.
Девојчето се уште било живо во автомобилот, а според полицијата еден од двајцата ја убил, а потоа заедно го фрлиле телото.
Откако го закопале нејзиното тело, постои сомневање дека Дејан Драгијевиќ со помош на неговиот брат Далибор, кој почина, го пренеле телото на непозната локација.
Регион
Падна дел од рингишпил во БиХ, повредени шест малолетни лица
Шест малолетници се повредени во Љубушкo, БиХ, при пад на дел од структурата на рингишпилот.
Во моментот на падот на вртелешката се наоѓале неколку лица, а како што пренесува порталот „hercegovina.info“, неколкумина од нив, претежно деца, со возило на Брза помош биле пренесени во болница.
„Во несреќата се повредени шест малолетници, а за се е известен и дежурниот обвинител“, изјави Мила Чавар, портпарол на МУП на Владата на Западна Херцеговина.
Неколку повредени се пренесени во Ургентниот центар на Универзитетската клиничка болница во Мостар.
Се уште нема официјални информации за причините за несреќата, а истрагата е во тек.