Свет
Во Австралија уапсени демонстранти против рестриктивните мерки
![](https://makfax.com.mk/wp-content/uploads/2020/09/protesti-protiv-karantin-vo-avstralija-x-epa.png)
Австралиската полиција денеска уапси десетици лица на протестите против строгите мерки за борба против коронавирусот на кои присуствуваа стотици луѓе низ целата земја, објави Би-би-си.
Во Мелбурн, епицентарот на епидемијата во Австралија, околу 300 лица маршираа во знак на протест против строгите мерки кои се на сила веќе еден месец.
Демонстрантите извикуваа „слобода“ и „човековите права се важни“.
Полицијата во Мелбурн соопшти дека уапсила 15 лица, 14 поради кршење на строгите мерки и едно за физички напад врз полицаец. Тие исто така издале повеќе од 150 казни за кршење на мерките за самоизолација.
Протести се одржаа и во Сиднеј, Бризбејн, Аделаида и Перт.
Државата Викторија бележи 70 проценти од сите инфекции и 90 отсто од сите смртни случаи од коронавирус во Австралија. Денеска беа пријавени 11 смртни случаи и 70 нови инфекции, што е значителен пад во однос на 725 инфекции на 5 август, но помал отколку што очекуваа здравствените власти по цели пет недели на строги мерки.
Се очекува дека утре премиерот на најнаселената австралиска држава Викторија, Даниел Ендрјус, ќе објави олабавување на некои мерки, иако тој и понатаму повикува на претпазливост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Сведочеа повредената наставничка по историја и дадилката на малолетниот убиец од Рибникар: продолжи судскиот процес против родителите на Кецмановиќ
![](https://makfax.com.mk/wp-content/uploads/2024/09/Screenshot-2024-09-09-131540.jpg)
Со распит на сведоци продолжи судскиот процес во кривичната постапка против родителите на момчето кое лани го изврши масовното убиство во ОУ „Владислав Рибникар“.
Сведоци беа наставничката по историја која беше ранета во масовното убиство и дадилката на малолетното момче кое го изврши масовното убиство, пишува Н1.
Деталите од нивното сведочење не се познати, бидејќи оваа постапка е затворена за јавноста.
По кратката пауза која беше одредена, треба да сведочи судскиот вештак кој ја вештачи ДНК-трагата пронајдена на чаурата во училиштето по масакрот.
Во оваа постапка обвинет е и Ратко Ивановиќ, претседател на стрелачкиот клуб „Партизан“,каде како што тврди обвинителството, Владимир Кечмановиќ го однел својот син на вежбање стрелање.
Тој беше обвинет за лажно сведочење во текот на истрагата.
Иако Ивановиќ во текот на постапката пред судот во јуни 2024 година ја негираше вината, само две недели подоцна склучи договор со обвинителството, сепак ја призна вината и беше осуден на пет месеци домашен притвор.
Медиумите потсетуваат дека Обвинителството првично предложи затворска казна од три години.
Покрај него, според написите, обвинет е и Немања Маринковиќ, инструктор во клубот „Партизан“. Како и во случајот со претседателот и сопственик на стрелачкиот клуб, тој исто така ја негираше вината пред судот, а беше обвинет и за давање лажен исказ.
Во оваа постапка претходно биле вклучени Владимир Кецмановиќ, таткото и Миљана Кечмановиќ, мајката на малолетниот Коста кој извршил масовно убиство, ја негирал вината и изнел одбрана. Тие одговараа на прашањата на обвинителството, адвокатите на одбраната, како и членовите на повредените семејства, но не одговорија на прашањата на нивните бранители.
Обвинителството го товари таткото на момчето за тешко дело против општата безбедност и за него бара затворска казна од 12 години.
Мајката на момчето се товари за недозволено поседување оружје и муниција, а Обвинителството за неа бара две и пол години затвор.
За случајот „Рибникар“ во тек е една кривична и пет граѓански постапки. Кривичниот предмет го покрена Вишото јавно обвинителство во Белград, а граѓанската постапка ја покренаа семејствата на жртвите во масовното убиство.
Регион
75-годишна жена скокнала од тераса бегајќи од синот кој ја тепал: насилство во Грција
![](https://makfax.com.mk/wp-content/uploads/2024/09/Screenshot-2024-09-09-083700.jpg)
75-годишна жена била тешко повредена кога паднала од тераса бегајќи од синот кој силно ја тепал.
Грчката полиција добила дојава дека жена паднала од терасата во Агринио, откако синот ја бркал.
Несреќната жена бегајќи од својот полуден син се фрлила од терасата и се здобила со бројни скршеници на рацете, нозете и карлицата. Во тешка состојба е пренесена во болница.
Според истрагата, синот прво вербално, а потоа и физички ја нападнал мајката. Таа се фрлила од терасата кога тој се фатил за железна прачка за да ја претепа.
Полицијата вчераутро го привела синот, кој се товари за семејно насилство и нанесување тешка телесна повреда, пренесуваат локалните медиуми.
Свет
Четиригодишно девојче оставено во автомобил во Аризона, починало од жештините
![](https://makfax.com.mk/wp-content/uploads/2024/09/djevojcicu-4-u-arizoni-porodica-ostavila-u-autu-umrla-od-vrucine-curica-sad_66deb3cc5accc.jpg)
Четиригодишно девојче од Баки, Аризона, починало вчера откако поминало неколку часа во вжештениот автомобил, јавува ABC News.
Членовите на семејството на девојчето во полиција изјавиле дека од паркот се вратиле околу 14 часот. Откако стигнале дома, сфатиле дека четиригодишното девојче го нема, па почнале да го бараат, пренесува Индекс.
Два часа подоцна, девојчето било пронајдено во несвест во возилото надвор од домот, соопшти полицијата на Баки. Семејството контактирало со полицијата околу 17 часот.
„Полицајците пристигнаа и веднаш почнаа со компресија на градниот кош на четиригодишното девојче и се обидоа да користат дефибрилатор пред да пристигнат болничарите за да го пренесат детето во болница. Девојчето е прогласена за почината во болница“, соопшти полицијата.
Вчера температурата во Баки беше над 38 степени, соопшти Националната метеоролошка служба. Полицијата е во рана фаза на расветлување на овој случај.