Свет

Во Бразил сѐ повеќе млади луѓе умираат од Ковид-19

Објавено пред

2 недели

- 30 март, 2021

Од

Во јужниот дел на Бразил е забележано ненадејно зголемување на стапката на смртност од коронавирус кај млади и средовечни луѓе по идентификуваниот нов сој на вирусот, познат како Р.1, велат научниците.

Експертите ги анализирале податоците од најголемата јужна држава Бразил, Парана, која има 553.518 случаи на заразени од коронавирусот од септември до март. Во сите возрасни групи процентот на пациенти што починале бил или постојан или намален.

Но, од почетокот на февруари бројот на жртвите се зголемува во речиси сите возрасни групи постари од 20 години, се вели во најновата студија.

Од јануари до февруари стапката на смртност е тројно зголемена кај групата на возраст од 20 до 29 години и двојно е зголемена кај возрасните групи од 30, 39, 40 на 49 и 50 на 59 години.

„Лица на возраст од 20 до 29 години, на кои им беше дијагностициран коронавирус во февруари 2021 година, исто така имаа повеќе од трипати поголем ризик од смрт во споредба со оние со дијагностицирана болест во јануари 2021 година“, велат истражувачите.

„Гледајќи го сето тоа заедно, овие прелиминарни податоци сугерираат на значително зголемување на смртноста кај млади и средовечни луѓе по откривањето на новиот вид на вирусот САРС-КоВ-2 во Бразил и ова треба да го привлече вниманието на јавното здравство“, велат експертите.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Шведското здравство бара од владата да не ги олеснува мерките против Ковид-19

Претходно

Планот за закрепнување на ЕУ доведен во прашање, Германците го стопираа законот

Свет

Спасувачка акција: 21 рудар се заробени во Кина по поплавување на рудник за јаглен

Објавено пред

5 минути

- 11 април, 2021

Од

Макфакс

Спасувачките екипи се обидуваат да спасат 21 рудар, кои се блокирани во рудник за јаглен во регионот Ксинџијанг во северозападниот дел на Кина.

Тие останале заглавени синоќа откако поплава ја прекинала електричната енергија под земја и ја нарушила комуникацијата.

Според првичните информации, осум од 29-те рудари кои се наоѓале на местото на инцидентот биле спасени.

Во моментов, се прават обиди за испумпување на водата од поплавеното окно и за снабдување со воздух во рудникот. Се поставуваат цевки, но пумпањето се спроведува многу тешко.

Прикажи повеќе...

Европа

(Видео) Во Виена протест порaди рестриктивните мерки

Објавено пред

11 минута

- 11 април, 2021

Од

Макфакс

Полицијата во Виена уапси 14 демонстранти на протестот против рестриктивните мерки поради пандемијата на коронавирусот.

На протестот присуствуваа околу 3.000 луѓе, а полицијата употреби „бибер спреј“.

Голем дел од Австрија овој месец е во карантин поради зголемениот број на заразени лица со коронавирусот. Со цел да го забрза процесот на имунизација, австриската Влада најави купување на руската вакцина Спутник В.

Прикажи повеќе...

Свет

Јужна Кореја со „Астра зенека“ ги вакцинира лицата помеѓу 30 и 60 години

Објавено пред

24 минути

- 11 април, 2021

Од

Макфакс

Јужна Кореја продолжува со вакцинацијата на лица под 60-годишна возраст со вакцината на „Астра зенека“.

Корејската агенција за контрола и превенција на болести (КДЦА), соопшти дека на лицата помлади од 30 години нема да им се дава оваа вакцина. Агенцијата, претходно неделава, објави дека ја прекинува употребата на вакцината на „Астра Зенека“ за лица помлади од 60 години, по извештајот на Европската агенција за лекови (ЕМА) дека постои поврзаност со случаите на тромбоза.

Здравствените институции во Јужна Кореја ги испитаа материјалите на ЕМА околу ова прашање и заклучија дека придобивките од вакцината се поголеми од можните несакани ефекти.

Донесена е одлука да не се користи вакцината на „Астра Зенека“ кај лица на возраст под 30 години без хронични болести, бидејќи, според ЕМА, ризикот од појава на несакани ефекти ги надминува можните придобивки од вакцинацијата.

Прикажи повеќе...