Свет
Во Израел 14 вакцинирани лица со трета доза добиле коронавирус
Според податоците на израелското Министерство за здравство, 14 лица кои ја примиле третата доза од вакцината против Ковид-19 биле позитивни на коронавирусот, објавија денеска тамошните медиуми.
Во извештајот се наведува дека две од заразените лица се хоспитализирани.
Според „Тајмс оф Израел“, сè уште не е јасно кога и како тие луѓе се заразиле во однос на времето кога ја добиле третата доза од вакцината.
Од 14-те заразени по добивањето на третата доза од вакцината, 11 лица се постари од 60 години, а останатите се лица помлади од таа возраст, но со намален имунитет.
Според извештајот, двајца од хоспитализираните се постари од 60 години.
Медиумите посочуваат дека ваквите примери не се доволни за медицинските работници да извлечат заклучоци за целокупната ефикасност на третата доза од вакцината во борбата против делта-сојот на коронавирусот.
Откако започна примената на третата доза во Израел минатата недела, околу 420.000 граѓани се вакцинирани со неа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.