Свет
Во „Пандора документи“ и името на љубовницaта на Путин и нејзиниот имот од 100 милиони долари
Десетици сегашни и поранешни државници и моќни милијардери се поврзани со компании кои користат даночен рај, откри новинарското истражување наречено „Пандора документи“.
Иако на долгата листа на имиња не се споменува рускиот претседател Владимир Путин, сепак, се споменуваат неговите многубројни блиски соработници, меѓу кои и жената со која рускиот лидер наводно бил во романтична врска.
Името на наводната љубовница на Путин, Светлана Кривоногих, се појавило во „Пандорините документи“, а руските медиуми пишувале дека имала дете со него.
A woman became the owner of an apartment in Monaco through an offshore company created weeks after she gave birth to a girl, records and documents say.
The child was born when she was reportedly in a secret, years-long relationship with Vladimir Putin. https://t.co/RCUudbY3QC
— The Washington Post (@washingtonpost) October 3, 2021
Сајтот за истражување „Проект“, еден од ретките преостанати независни медиуми во Русија, во 2020 година тврдеше дека Светлана се спријателила со Путин додека тој бил заменик-градоначалник на Санкт Петербург. Скудните јавни докази покажуваат дека тие патувале заедно со истите авиони кога Путин дојде на власт. Три години подоцна, во март 2003 година, Светлана роди ќерка, Јелисавета „Луиза“. „Проектот“ тврдеше дека нејзиниот татко е Путин. Кремљ не коментираше, а Путин не зборува за неговиот приватен живот.
Papeles de Pandora | Así es la amiga especial de Putin con casa de lujo en Mónaco citada en los Papeles de Pandora ➡ Svetlana Krivonogikh mantuvo una relación secreta durante años con el presidente ruso
https://t.co/DxzeFn0iL4— La Razón (@larazon_es) October 4, 2021
Нејзината ќерка, која сега има 18 години, предизвикала шпекулации за нејзиниот вистински татко. Таа самата признала дека е крајно слична на Путин, но одбила да потврди или негира дека Путин е нејзиниот татко.
The @washingtonpost has a flashy story tonight about Putin’s former long-term girlfriend, Svetlana Krivonogikh.
We brought our subscribers this story in June.
This pic from our story shows Putin’s daughter with Krivonogikh.
our full report is here: https://t.co/G6e1IzfxG1 pic.twitter.com/Ihfvo2Sy47
— LookNoFurther (@LookNoFurther4) October 3, 2021
Пандорините документи откриле дека Светлана поседува имот вреден дури 100 милиони долари, вклучувајќи луксузен имот во Монако вреден 4 милиони долари. Апартманот што го купила Кривоногих се наоѓа во луксузниот комплекс Монте Карло Стар и гледа на Средоземното Море, веднаш под познатото казино Монте Карло, познато од филмовите за Џејмс Бонд.
Светлана не е единствената жена која со години се поврзува со Путин. Истото се шпекулира и за поранешната руска гимнастичарка Алина Кабаева. Алина неодамна родила близнаци за кои многумина тврдат дека Путин им е татко.
Во мај 2019 година било објавено дека целиот кат на гинеколошката болница е испразнет со цел тајно да се породи убава гимнастичарка. „Разузнавачките служби го проверуваа секој агол од болницата пред нејзиното пристигнување, а половина од медицинскиот тим беше протеран. Раѓањето го изврши познат лекар од Италија, и тој мораше да направи царски рез”, изјавил рускиот новинар Сергеј Канев, близок до руските разузнавачки служби.
Путин и неговата сопруга Људмила, со која има две ќерки, се разведоа во 2013 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Франција испрати борбени авиони „Рафал“ во своите бази на Емиратите
Франција распореди борбени авиони „Рафал“ во своите воени бази во Обединетите Арапски Емирати со задача да го обезбедуваат воздушниот простор над базите, изјави францускиот министер за надворешни работи Жан-Ноел Баро.
Тој за телевизијата „БФМТВ“ изјави дека авионите спровеле операции за обезбедување на воздушниот простор, но не изнесе дополнителни детали за мисијата.
Распоредувањето доаѓа во време на ескалација на конфликтот на Блискиот Исток.
Свет
Израелски шпиони ги хакирале речиси сите сообраќајни камери во Техеран за да го испланираат убиството на ајатолахот Али Хамнеи
Израелските шпиони со години ги хакирале речиси сите сообраќајни камери во Техеран за да ги следат движењата на ајатолахот Али Хамнеи во невидена кампања за собирање разузнавачки информации, објави синоќа британски „Индипендент“.
Службениците ги надгледувале високо обучените и лојални обезбедувачи, телохранители и возачи на високи ирански функционери за да го забележат нивниот „модел на живот“, објави „Фајненшл тајмс“.
Овие податоци во реално време, вклучително и од камерите фокусирани на личниот комплекс на Хамнеи, биле шифрирани и пренесени назад до серверите во Тел Авив и јужен Израел.
Тие беа во можност да утврдат каде стражарите ќе ги паркираат своите автомобили преку инфилтрирана безбедносна камера свртена кон домот на ајатолахот.
„Го знаевме Техеран како што го знаеме Ерусалим“, изјави за весникот сегашен израелски разузнавачки службеник.
„И кога го познавате (местото) исто толку добро колку што ја познавате улицата на која сте пораснале, го забележувате секое нешто што не е на свое место“.
Планот за убиство на ајатолахот постоел со месеци и бил изменет кога се дознало дека врховниот лидер лично ќе присуствува на состанок кај него дома, изјавија официјални лица.
На денот на атентатот, израелските разузнавачи ги користеле податоците од сообраќајните камери, преку нив го потврдиле реалното време на состанокот.
Израелската војска соопшти дека нападите биле извршени во текот на денот за да се создаде елемент на шок и „му дозволиле на Израел да постигне тактичко изненадување по вторпат, и покрај силната иранска подготвеност“.
Мобилните телефонски услуги и комуникациските мрежи биле прекинати во обид да го остават Иран „зашеметен и збунет“, според генералот Ден Кејн, началник на заедничкиот штаб. „Координираните вселенски и сајбер операции ефикасно ги нарушија комуникациските и сензорските мрежи низ целата зона на одговорност, оставајќи го противникот без можност да гледа, координира или ефикасно да реагира“, рече тој.
Претседателот Доналд Трамп во интервју за „Фокс њус“, по нападот рече дека иранскиот лидер „бил елиминиран заедно со неговиот најблизок круг додека се собирале на појадок“.
Свет
САД дозволија евакуација на дел од персоналот од Кипар, Јордан и Пакистан
Американскиот Стејт департмент ги овласти службениците на американската влада кои не се вклучени во итни задачи, како и на нивните семејства, да го напуштат Кипар поради конфликтот поврзан со Иран.
Мерката е донесена поради ограничената можност на амбасадата на САД во Никозија да им помогне на американските државјани.
Во исто време, амбасадата на САД во Јордан ги откажа состаноците и им наложи на вработените и на американските државјани да побараат засолниште. Патничкиот совет за Јордан е на ниво „преиспитајте го патувањето“, поради ризици од тероризам и вооружен конфликт.
Стејт департментот нареди и персоналот што не е неопходен во конзулатите во Карачи и Лахор во Пакистан да ја напушти земјата со своите семејства.
Одлуката следува по протестите во Карачи, при кои биле убиени 10 лица и повредени околу 60, откако демонстранти се обиделе да упаднат во американскиот конзулат по убиството на иранскиот врховен лидер Али Хамнеи, пренесе Ал Џезира.

